Khotbah Mazmur 4: 2 - 9 Tuhan Mendengarkan Seruan UmatNya

 Minggu Misericordias Domini; 01 Mei 2022

4:2 Apabila aku berseru, jawablah aku, ya Allah, yang membenarkan aku. Di dalam kesesakan Engkau memberi kelegaan kepadaku. Kasihanilah aku dan dengarkanlah doaku!

4:3 Hai orang-orang, berapa lama lagi kemuliaanku dinodai, berapa lama lagi kamu mencintai yang sia-sia dan mencari kebohongan? S e l a

4:4 Ketahuilah, bahwa TUHAN telah memilih bagi-Nya seorang yang dikasihi-Nya; TUHAN mendengarkan, apabila aku berseru kepada-Nya.

4:5 Biarlah kamu marah, tetapi jangan berbuat dosa; berkata-katalah dalam hatimu di tempat tidurmu, tetapi tetaplah diam. S e l a

4:6 Persembahkanlah korban yang benar dan percayalah kepada TUHAN.

4:7 Banyak orang berkata: "Siapa yang akan memperlihatkan yang baik kepada kita?" Biarlah cahaya wajah-Mu menyinari kami, ya TUHAN!

4:8 Engkau telah memberikan sukacita kepadaku, lebih banyak dari pada mereka ketika mereka kelimpahan gandum dan anggur.

4:9 Dengan tenteram aku mau membaringkan diri, lalu segera tidur, sebab hanya Engkaulah, ya TUHAN, yang membiarkan aku diam dengan aman.

 Ia Psalmen on, ima sada hata mauliate, sada panindangion haporseaon dohot sada tangiang pangondianon. Sipartangiang i, ima sahalak na terancam ngoluna, boi do i ala ni ragam hamaolon-hamaolon di ngoluna na mambahen hira dao ngoluna sian Tuhan, boi do i ala tuduhan palsu na mangulahon hajahatan ibana, hape ndang, jala boi do i ala ni pangaleaion sian angka musuna. Dirajumi parPsalmen on di turpukon tangiang laho mangido pangurupion sian Jahowa asa sai tongtong dilehon haluaon. Tangiang, ima hata na ruar sian roha parbagasan laho pasahathon na diroha tu Jahowa. Tangiang ima dalan ni jolma laho manghatai tu Tuhan i. Ai na manghatai tu Tuhan i, ido tangiang i. Godang do muse na boi sihatahononta tu Debata marhite tangiang i, boi pujipujian, hamauliateon, boi do panindangion di angka pambahenan ni Jahowa, boi do muse marrumangkon pangidoan di angka na ringkot i di parngoluanta siganup ari, termasuk ma pangidoan na mardomu tu hasesaan ni dosa, haluaon, hangoluan na hot salelenglelengna. Jala di bagasan tangiang i tarida do mansai patar pangalaho ni jolma i na sasintongna. Ia angka halak na mandao sian Tuhan i marhite na mangulahon angka na so patut, padaoonNa do i sian lambungNa. Alai angka na jonok tu Tuhan i gabe hasianNa jala manang aha pe na pinangidona sai na lehononNa do, ai nunga hasian ibana di jolo ni Debata.

Mamaritahon hasintongan, hatigoran dohot habonaron ni Jahowa: marojahan sian hata ni Jahowa naung mangarajai roha dohot pingkiran ni parpsalmen on, tubu ma di rohana pangoloion di na patupahon lomo ni roha ni Jahowa, ima: Diparhatopot/dihatindanghon do naung godang dijalo ibana di pardalanan ni ngoluna angka hatigoran, hasintongan, hatuaon, asi ni roha dohot habonaron na sian Jahowa. Ndang adong na diporso manang disoadahon, tung saluhut do angka na pinasahat ni Jahowa diparhatutu. Dibaritahon/dipabotohon do angka na binahen ni Debata tu ibana tu saluhut bangso Israel. Ndang adong na ditabunihon manang na ditutupi, tung saluhut do angka pambahenan ni Jahowa dihatahon tu bangso i.

Mangido pangurupion sian Jahowa, dipanghilalahon parPsalmen on do ia asi ni roha ni Debata tontu do na mardalan (mengalir) do songon aek asa dapotan pasupasu ibana. Alai molo ditutup Jahowa do asi ni rohaNa, ndang taruli be parPsalmen di sude pasupasu na pinasahat ni Debata na tu ibana. Pangidoan on papatarhon tongtong do dihaporluhon parPsalmen on pasupasu ni Jahowa jala sai dihirim manang dihasiholi rohana do i di pardalanan ni ngoluna. Manang, ndang tardalani ibana hangoluan on anggo so mardonganhon asi ni roha ni Jahowa. Sisoada do hangoluanna jala ndang marguna i sude, anggo so di bagasan asi ni roha dohot pangaramotion ni Debata. Dihaporseai parPsalmen on do holan asi ni roha ni Debata do na boi mambahen ibana mandalani hangoluanna.

Molo tapamanat sian isina, unok ni Psalmen on ima na manggombarhon sihol ni roha maradophon pangurupion ni Debata dohot sihol ni roha di hatongtongan rap dohot Debata (so mardonganhon Debata tudos tu halak na tarpunjung). Nuaeng di bagasan turpuk on taida ma sihol na masa di ngoluna i na boi diparrohahon halak di parngoluanna ima sada parungkilon na mansai balga do i di ibana. Alani i porlu naeng humatop Debata mangurupi ibana. Dihilala ibana ndang margogo ibana mangadopi saluhutna i anggo tung holan sian dirina sandiri, ingkon mardonganhon Debata do asa margogo ibana. Sihol ni rohana tu Debata, haporseaonna tu Debata, gabe dalan panginsahion ro tu ibana; alani martangiang ma ibana tu Debata laho mangido pangaramotionNa (asa unang gabe mardosa ibana). Boi (jotjot) do ulaonta na denggan i gabe parungkilon di hita (gabe sirehean, dileai), jala jotjot do gabe talu hita disi (ndang olo manorushon ulaon na denggan ai taanggap marisuang, ndang marlapatan na denggan pe taulahon) ala so mampu hita di angka reherehe na ro tu hita. Ndang olo hita songon parPsalmen on martangiang tu Debata laho mangido pangurupion na sian Debata. Anggo parPsalmen on martangiang do ibana tu Debata, alani aha? Ai ingkon do torushononna laho manghangoluhon haporseaonna i jala ingkon hamonanghononna (ndang olo ibana talu)  ima na gabe sintasinta/tekad ni ibana di ngoluna. Alani i martangiang ibana asa anggiat unang mardosa ibana di ngoluna laho mangulahon i, jala boi ibana marlas ni roha mangulahon saluhutna alana diurupi Debata do ibana tongtong mamolus saluhutna.

Sai marhabiaran jala marpangoloion tu Jahowa ma saluhut jolma, ai so adong manang aha pe na boi sipangasahonon ni jolma anggo so maradophon/mardonganhon Debata. Tontu pangoloion ima unduk dohot serep ni roha, haporseaon dohot pos ni roha, jala naeng jumpang di ganup jolma hangoluan na marsihohot di bagasan Tuhan i. Holan sian Debata do pangurupion di ganup jolma. Marragam do angka halongangan na pinatupa ni Debata laho manogihon jala manogunogu bangsoNa asa sai tongtong mangolu di bagasan Ibana. Songon pangurupion ni Debata di bangso Israel, lumobi sian i dope pangurupion ni Jahowa di ganup angka na manghaporseai Tuhan Jesus. Godang do halongangan na pinatupa ni Debata di ngolunta on naeng pangkeonta i laho patogu rohanta manghaporseai Ibana. Alani i dapotan las ni roha na manongtong ma hita di bagasan Tuhanta i (ay.8-9).

Miserecordias Domini namarlapatan gok asiniroha ni Jahowa do sandok tano on. Marrumang panindagion do goar ni minggu on laho paposhon rohanta di pangaramotion ni Tuhan i. Dipengalaman di Parpsalmen on holong do roha ni Debata maradophon jolma, lumobi tu angka halak na mangadopi hamaolon manang na dangol ala na manghaporseai Ibana. Mangihuthon pengalaman ni Parpsalmen on tangi do Debata di angka namanjou goarNa. Tangi Debata di angka na manjou Ibana, perduli do Debata di parsorion ni bangsoNa. Manang aha pe na masa di ngolunta, ndang adong na tuk manirang hita sian asi ni roha ni Debata, sian sondang ni Debata, sian pangaramotion dohot pasupasu ni Debata. I do na mangonjar roha ni Parpsalmen on patulus tangiangna nang rohana nang haporseaonna tu Tuhan i. Dibagasan pos ni roha do ibana pasahat tangiangna. Tangkas do dipaidaida jala dihaposi ibana asi ni roha ni Debata. Pos ni roha si songon i ma nian na mian di rohanta di na mandalani ngolu di portibi on. Ragam do na boi masa di ngolunta, las ni roha nang arsak ni roha, alai nang tongtong pos rohanta ndang ganggu pingkiranta di pangurupion ni Debata.