Khotbah Yeremia 17: 5 - 10 Diberkatilah Orang yang Mengandalkan Tuhan

 Minggu Septuagesima; 13 Februari 2022

17:5 Beginilah firman TUHAN: "Terkutuklah orang yang mengandalkan manusia, yang mengandalkan kekuatannya sendiri, dan yang hatinya menjauh dari pada TUHAN!

17:6 Ia akan seperti semak bulus di padang belantara, ia tidak akan mengalami datangnya keadaan baik; ia akan tinggal di tanah angus di padang gurun, di negeri padang asin yang tidak berpenduduk.

17:7 Diberkatilah orang yang mengandalkan TUHAN, yang menaruh harapannya pada TUHAN!

17:8 Ia akan seperti pohon yang ditanam di tepi air, yang merambatkan akar-akarnya ke tepi batang air, dan yang tidak mengalami datangnya panas terik, yang daunnya tetap hijau, yang tidak kuatir dalam tahun kering, dan yang tidak berhenti menghasilkan buah.

17:9 Betapa liciknya hati, lebih licik dari pada segala sesuatu, hatinya sudah membatu: siapakah yang dapat mengetahuinya?

17:10 Aku, TUHAN, yang menyelidiki hati, yang menguji batin, untuk memberi balasan kepada setiap orang setimpal dengan tingkah langkahnya, setimpal dengan hasil perbuatannya."

Somal do hita marnida angka hiasan na diuhir, sada sian rumang ni seni na mendunia jala argana boi pola sahat tu milyaran rupiah Ndada holan hamaloon ni na manguhir i na pinatudu ni uhiran i, alai dohot do nang hinatajom ni bosi manang piso laho patupahon uhiran i. Songoni ma dosa ni Juda di tingki ni Panurirang Jeremia on, na mandok: "suman ni nadiuhir do dosa ni Juda, disurat songon panurat ni bosi (Jer. 17:1)". Lapatana pola tung bagas situtu dosa nasida i. Mansai balga jala gogo situtu paraloon nasida maradophon Debata. Molo pola didok diuhir dohot panurat bosi, ndang apala bosi na i nanaeng ondolhononna, alai dohot do pangalaho ni dosai do napinatuduna, sifat ni dosai na so tarsosa sian naung tarsurat. Dosa na niuhir, lapatanna dosa na so mura be sesaon ni manang ise sian panuratan.

Dosa na mamboan nasida tu bagasan paruhuman na bolon. Alani didok, marjea ma jolma na marhaposan tu jolma, manang tu bolon ni botohonna, gabe dipasurut rohana sian Jahowa. Haporseaon na dipasahat tu jolma, gabe jolmai ma manguluhon ibana laho mangulahon dosa dungi tumundalhon Debata. Angka halak na songoni ndang bolas marnida denggan basa ni Debata. Alani holan Jahowa do na tama gabe ojahan ni haporseaonta. Suman ni hau na sinuan di topi ni aek na marparbuehon parbue nadenggan di tingkina. Didok di turpuk on, martua ma baoa na marhaposan tu Jahowa, jala Jahowa haporusanna dibahen. Duakna pangalaho on na masitulahan on dipaandar, na sada dapotan hagogoon sian dirina sandiri, na sada nari jumpangan hagogoon sian Debata Sipargogoi. Na sada mangolu di bagasan jea manang kutukan, alai na sada nari na mangolu di bagasan tua na sian Debata. Halak na marhaposan tu jolma ndang tau ibana marhaposan tu Debata.

Somal do tabege pandohan ni Tuhan Jesus na tarsurat di Mateus da haholonganna do na sada nari; hombaranna do na sada, toisanna na sada nari. Ndang haoloan hamu Debata rap dohot Mammon". Sian i nunga torang na so tarbahen hita do mangoloi Debata alai narhaposan hita tu angka na di portibi on. Alani ringkot situtu ma hita tumadingkon nasa natahaposi cing ni Debata. Asa bolas hita martua, menikmati, mandai hinauli ni haporseaon maradophon Debata ingkon tatadingkon do nasa natahaposi namarasing sian Debata. Molo naeng hita marhaposan tu Debata, ingkon tapaujung do nasa na tahaposi di portibion. Parsidohot do nang jolma angka namanghaposi pingkiranna sandiri na pininsang ni turpuk on. Torop do halak na gabe marjea ndang ala ni na padiri ganaganaan naasing di duru ni dirina jala dihaposi, alai alani na manghaposi dirina sandiri. Alani asa tuk hita manghaposi Ibana na ingkon jumolo do tapaujung dirinta sandiri. Jala on do sada na ummaol adopanta siganup ari, ima manaluhon dirinta sandiri.

Asa molo dipatudos turpuk on tu hau na di topi ni batang aek i, ndang mangasahon tingki niparudanan hau i, alai tu nasa na pinarade ni Debata sian batang aek i đo. Sian batang aek i do dapot ibana sude nasa na ringkot di bagasan ngoluna. Songoni ma nang hita namarhaposan tu Debata, ndang marsigantung tu pasupasu na marsanggasanggai ngolunta alai tu hangoluan na manontong pinarade ni Debata. Ganup hinaringkot ni ngolu i diparade Debata. Ndang adong na tau gabe habiaran. Atik pe ndang adong didok Panurirang Jeremia na so tinggangon ni ari be hau i, alai ndang gabe mabugang be ibana alani pamilgas ni ari i. Ido umbahen na bagas didok di ayat 7 on, martua ma halak na marhaposan tu Debata. Halak Kristen manontong marparbue songon hau na marparbue di topi ni aek. Disuan Debata hita laho manontong marparbuehon angka denggan, ima parbue ni hatuon na dipasahat Debata tu hita, na manang aha pe na masa di bagasan ngolunta, ari logo manang ari parudan, suman ni hau na di topi ni batang aek i do hita, manontong marparbue.

Alai na gabe sungkun-sungkun na mangihut di bagasan turpuk on, ima ayat 9-10, Tung na angkal situtu do roha ni jolma, jala na ganggu, tung ise ma na tau mandodoisa? Ahu Jahowa do sidodo roha, siuji piapia jala mangalehon tu ganup jolma hombar tu dalan hombar tu parbue ni pambahenanna." Suman ni bidang ni laut dohot bagasna do akkal ni jolma, ndane adong natau mandodo sadia bagasna. Holan Debata do na tuk mandodo nasa roha ni jolma, sadia buni pe dibahen. Alani molo tarajumi do songon i ma pangalaho ni harohaonta songon jolma manisia, gabe ringkotan ma di hita roha na imbaru na sian Debata. Di deba halak godang do dibahen sidalianna laho paholang diri sian angka pangajarion taringot tu harajaon ni Debata. Molo tu ulaon adat selalu do diusahahon, bahkan adong do na tahan parsadarian, alai molo tu parmingguon manang partangiangan sai dibahen do angka sidalianna, atik pe sasintongna jempek do tingki di parmingguon manang partangiangan, hirahira sada tu dua jom do. Dipatuduhon pangalaho i do sasintongna dompak ise hita marhaporusan. Gumodang do hita manghaposi dirinta, roha nang pingkiranta asa manghaposi Debata. Alani marhite turpuk on mangulahi hita disungguli asa taharingkothon rumang ni angka pangajarion taringot tu harajaon ni Debata songon dalanta patuduhon na tu Debata do hita tongtong marhaposan. Jala tongtong ma taingot, tu sandok ngolunta i do panarihonon ni Debata. Disarihon Debata do nasa na ringkot di hita. Panarihonon ni Debata di ngolunta i pasupasu na balga do i na pinasahatNa tu hita.