Khotbah 1 Korintus 1: 10-18 Kekuatan Allah yang Menyelamatkan

 Khotbah Minggu 3 Set. Epiphanias; 22 Januari 2023

1:10 Tetapi aku menasihatkan kamu, saudara-saudara, demi nama Tuhan kita Yesus Kristus, supaya kamu seia sekata dan jangan ada perpecahan di antara kamu, tetapi sebaliknya supaya kamu erat bersatu dan sehati sepikir.

1:11 Sebab, saudara-saudaraku, aku telah diberitahukan oleh orang-orang dari keluarga Kloë tentang kamu, bahwa ada perselisihan di antara kamu.

1:12 Yang aku maksudkan ialah, bahwa kamu masing-masing berkata: Aku dari golongan Paulus. Atau aku dari golongan Apolos. Atau aku dari golongan Kefas. Atau aku dari golongan Kristus.

1:13 Adakah Kristus terbagi-bagi? Adakah Paulus disalibkan karena kamu? Atau adakah kamu dibaptis dalam nama Paulus?

1:14 Aku mengucap syukur bahwa tidak ada seorang pun juga di antara kamu yang aku baptis selain Krispus dan Gayus,

1:15 sehingga tidak ada orang yang dapat mengatakan, bahwa kamu dibaptis dalam namaku.

1:16 Juga keluarga Stefanus aku yang membaptisnya. Kecuali mereka aku tidak tahu, entahkah ada lagi orang yang aku baptis.

1:17 Sebab Kristus mengutus aku bukan untuk membaptis, tetapi untuk memberitakan Injil; dan itu pun bukan dengan hikmat perkataan, supaya salib Kristus jangan menjadi sia-sia.

1:18 Sebab pemberitaan tentang salib memang adalah kebodohan bagi mereka yang akan binasa, tetapi bagi kita yang diselamatkan pemberitaan itu adalah kekuatan Allah.

Mengalah untuk menang, on ma sada prinsip na jotjot diajarhon tu hita nang pe mangihuthon pikiran ni hajolmaon, ndang siat dipingkiran prinsip sisongon i. Boha do bahenon ni halak na patalu roha gabe monang? Tarlumobi di halak Batak adong do pandohan “metmet sihapor lunjung, dijujung do uluna”. Tutu, sian akal sehat ndang mungkin na patalu roha gabe monang, alai molo sian ngolu partondion, jala mangihuthon hata ni Debata, sintong do pandohani. Laos i do na nidok ni turpuk jamita on, tarlumobi di ayat na parpudi (ay. 18).

Mangihuthon apostel Paulus dua do gondang ni silang ni Kristus. Boi do i gabe haotoon alai laos boi gabe hagogoon, tergantung ise na mangalapatisa. Tarsurat di ayat 18, “ai haotoon do hata na taringot tu silang i di roha ni angka na laho mago; alai hagogoon ni Debata do i di hita na dapotan haluaon”. Lapatanna, haotoon do silang ni Kristus di angka na laho mago ala ndang tarjalo roha nang pingkiran nasida Anak ni Debata mate di hau pinarsilag laho patupahon haluaon. Tung so siat di pingkiran nang roha n halak na so Jahudi na boi Debata gabe daging dung i mate tarsilang. Tung so siat di pingkiran nang roha ni halak Jahudi na ro Mesias (Kristus) tu portibi on di bagasan haleaon jala mate tarsilang. Hape nian nunga didok panurirag Jesaya: “Ai ndada pingkiranku pingkiranmuna i, jala ndada dalanmuna angka dalanku, ninna Jahowa. Ai songon timbo ni angka langit sian tano on, songon i do tumimbo angka dalanKu sian dalanmuna i, jala angka pingkiranKu sian pingkiranmuna i (Jesaya 55: 8-9)”. Ndang tardodo hita pingkiran ni Debata, alani unang tapangke pingkiranta laho mangantusi dalan haluaon na pinatupa ni Debata tu hita jolma.

Na mangihut diarahon apostel Paulus do huria i asa sahata saluhutna, unang ma adong parbolat-parbolatan. Ujui masa do parbolatbolatan di huria Korint, gabe tubu ma 4 golongan; 3 golongan manggoari hombar tu goar ni parbarita na uli na ro tu nasida, ima golongan Paulus, golongan Apolos, golongan Kepas (Petrus). Na sada nari ndang olo mamangke goar ni parbarita na uli i, alai langsung mamangke goar ni Kristus, ima golongan Kristus. Dipapujipuji horong na sada apostel na hinalomohon ni rohana, jala diparoaroa na so lomo ni rohana. Umbege parbolatbolatan on di tongos apostel Paulus ma surat na on tu huria Korint. Disosoi ma songon na tarsurat di ayat 10: “Alai huapoi ma hamu, ale angka dongan, mangasahon goar ni Tuhanta Jesus Kristus, asa sahata hamu saluhutna, unang ma adong parbolatan di hamu, hot ma hamu binahen ni sada ni roha dohot sada ni pingkiran!”

Ndang diampini ibana horong na mamangke goarna, ndang pintor tu na manggoari dirina golongan Paulus i ibana berpihak. Mangihuthon pardagingon, jala mangihuthon na jotjot masa binereng, sasintongna boi do pro golongan Paulus apostel Paulus, alai ndang diula ibana na songon i. Bahkan didok ibana do di ayat 13: “Na binagi do Kristus i? Naung tarsilang do si Paulus ulaning humongkop hamu? Naung tubagasan goar ni si Paulus do hamu tardidi?” Ndang olo apostel Paulus patimbo dirina hape tung mansai balga kesempatan i. Diingot apostel Paulus do ulaon na jinalona sian Tuhan Jesus songon na nidokna di ayat 17: “Ai ndang disuru Kristus i ahu mandidihon, mamaritahon barita na uli do; jala i pe, ndada marhata habisuhon, unang diorui silang ni Kristus i.” Ulaon ni apostel Paulus ima mamaritahon barita nauli, ndada dirina, alani do ndang diampini ibana golongan Paulus. Di na mamaritahon barita nauli pe, diondolhon ibana do ndada marhite habisuhonna asa unang diorui silang ni Kristus i.

Boi do masa parbolatbolatan manang didia pe hita maringanan dohot mangula molo naeng hita dohot keluarganta na jumago. Unang ma songon na masa di huria Korint i hita, naeng menjagokan seseorang hape gabe patubu parsalisian. Ganup ma hita mangihuthon prinsip ni silang ni Kristus: berkorban jala patutoru diri dohot roha. Na saling olo do patutoru diri do ama dohot ina gabe boi denggan mardalan rumatangga i. Molo mangasahon hasintongananna jala ndang olo mengalah di parrumatanggaon, hatop do sirang songon angka rumatangga ni angka artis na sai tabege di media massa dohot media sosial. Di parsaoran ni huria, punguan marga, dohot huta pe boi do tubu parbolatbolatan molo ndang adong prinsip “mengalah untuk menang”. Unang pola guga pingkiranta molo didok halak na oto hita ala olo mengalah, ai ingkot ingotonta do, memang haotoon do silang di angka na laho mago. So tung adong halak na porsea, molo di punguan ingkon hatana na saut manang parhata golgol. Unang sai pintor mangarajumi hasintonganta hita, ai molo songon i, ujungna masa ma parbolatbolatan, dung i gabe moru ma silang ni Kristus i. Alai, molo nunga tahangoluhon silang ni Kristus i, rade ma hita patutoru diri dohot roha, di keluarganta nang di punguanta ganup.

Tutu ndang dos dipasahat Tuhan silehonlehon dohot ulaon tu jolma, marasing be do. Marasing dipasahat asa jumpang parsaoran na marsitumpahan. Parasingan ni ngolu dohot silehonlehon ndang jadi pangkeon patimbohon diri jala paoruhon dongan. Tontu secara organisasi taparhatutu do na adong tingkatan-tingkatan ni ulaon. Alai ndang jadi pangkeon tingkatan ni ulaon i tu ginjang ni roha. Pangalaho na mangarajumi diri sumurung sian na asing i do na mambahen masitombisan jolma di parsaoran jala mangkorhon hagaoron. Ingkon jumpang diparsaoranta haradeon na masihormatan di hadirion dohot talenta na marasing-asing i. Olo ma hita berkorban jala patutoru dirinta songon na pinatupa ni Kristus di hau pinarsilang asa dao parbolabolatan jala jumpang hasadaon, saroha sapingkiran di hurianta jala manang di dia pe hita maringanan. Molo tung pe didok halat hita “oto” ala olo hita mengalah, unang pola jut rohanta ai memang haotoon do silang di na naeng mago, alai hagogoon ni Debata do i di angka na dapotan haluaon.