Khotbah Mazmur 100: 1 - 5 Bersukacita Karena Pemeliharaan Tuhan

 Minggu Jubilate; 30 April 2023

100:1 Mazmur untuk korban syukur. Bersorak-soraklah bagi TUHAN, hai seluruh bumi!

100:2 Beribadahlah kepada TUHAN dengan sukacita, datanglah ke hadapan-Nya dengan sorak-sorai!

100:3 Ketahuilah, bahwa TUHANlah Allah; Dialah yang menjadikan kita dan punya Dialah kita, umat-Nya dan kawanan domba gembalaan-Nya.

100:4 Masuklah melalui pintu gerbang-Nya dengan nyanyian syukur, ke dalam pelataran-Nya dengan puji-pujian, bersyukurlah kepada-Nya dan pujilah nama-Nya!

100:5 Sebab TUHAN itu baik, kasih setia-Nya untuk selama-lamanya, dan kesetiaan-Nya tetap turun-temurun.

Jubilate, marolopolop tu Jahowa ma sandok tano on, i do goar ni minggu on, jala marhite goar ni minggu on diarahon hita asa marolopolop. Marolopolop hita ala marhite haheheon ni Tuhan Jesus dipalua hita sian hamatean na salelenglelengna. Olopolop na songon i do na dapot hita di turpuk on. Didok penafsir, Psalmen 100 on diendehon di tingki bongot bangso i tu bagasa joro laho marsomba (beribadah), na mangarahon bangso ni Debata: bangso Israel laho mamuji Jahowa dohot mandok mauliate tu Ibana, binahen ni asi ni rohaNa na manongtong ro di saleleng ni lelengna. Di Psalmen on digurithon paboa sude na marhosa ingkon mamuji Jahowa. Ndada holan i, naeng ma nian, sude pamuhai dohot pangunjungi ngolu ni angka na marhosa ingkon di bagasan Haleluya, na marlapatan: Puji Ma Debata. Di na tabongoti Minggu Jubilate on, naeng tangkas suan di rohanta paboa ndang “ pilihan “ laho mamuji Debata Jahowa. Baliksa , ke harusan (kenisccayaan) do ngolu ni angka na porsea laho mamuji Debata Jahowa, songon tanda ni na marhosa (tutu situtu mangolu). Lumobi molo itaingot panompaon ni Jahowa tu hajolmaon na mangullushon tu bagasan bungbung ni igungna hosa hangoluan i, gabe martondi na mangolu jolma i (pat. 1 Musa 2 : 7). Asa sian mulana, Debata Jahowa do haroro ni hosa hangoluan i. Jala pangkeon ma na sian Ibana i (hosa hangoluan i) laho mamujiu Ibana. I do umbahen sian na mamuhai , di pardalanan sahat tu na mangunjungi ngolu, ingkon do mamuji Debata Jahowa. Sandok, luhut do ritme ni ngolu ni angka na marhosa (terkhusus hajolmaon) ingkon do mamuji Debata Jahowa. Dengan kata lain, bagi orang percaya, Hidup adalah untuk memuji Tuhan.

Jadi Psalmen on, disurutahon songon ende olopolop tu Jahowa, gabe Psalmen na manosoi bangso na porsea asa mangendehon denggan basa ni Jahowa di bagas joro. Bagas joro di Jerusalem do dirajumi inganan parmianan ni Debata sitompa langit dohot tano on, ala di bagas joro i do dipeakhon poti parpadan i. Taida di son ia dasor ni sandok parendeon, olopolop dohot las ni roha ni bangso Israel i ima Debata.

Adong do tolu panatapan na arga sian turpuk on. Naparjolo, Jahowa do pamusatan ni partondion ni angka na porsea tu Ibana. Didok: “ Olophon ma Jahowa, ale sandok tano on “ (ay 1). Dipagomos muse pandohan: “ Boto hamu ma on : Jahowa do Debata, Ibana jumadihon hita, jala Ibana nampuna hita, bahen bangsoNa dohot birubiru pinarmahanNa.”. Naeng tangkas antusanta, sentral (pusat peribadahan) tu Debata do hasahatanna, ndada tu jolma. Molo dipangiar soara ni Parpsalmen , ringgas mamuji, ringkas merende, ndada i laho papuashon roha dohot pingkiran sambing, alai dalan ni parpsalmen laho mangolophon Jahowa. Ibana do natumimbo sian nasa na adong di tonga – tonga ni portibi on, na marmulia situtu do Ibana di banua ginjang dohot di tano on, jala Ibana do na tumangom sian angka debata ni sileban dohot debata ni ganaganaan (hasipelebeguon). Ibana do namanongtong jala hot ro di salelelng ni lelengna, namanompa langit dohot tano. Jala Ibana do Debata na mar-otoritas (pemegang kewenangan, dan kemutlakan), namangaturhon partingkian dohot hangoluon ni jolma di portibi on. Ibana do na so marmula na so marujung, Alpa dohot Omega.

Napaduahon, Debata do na marhuaso, tapaserep ma ngolunta. Didok Parpsalmen: “ Boto hamu ma on : Jahowa do Debata, Ibana jumadihon hita, jala Ibana nampuna hita, bahen bangsoNa dohot birubiru pinarmahanNa”. Molo didok “Ibana jumadihon hita”, na naeng dohononna Ibana do nampuna jolma i. Ala Ibana do nampuna jolma i, diigil sian jolma haunduhon maradophon Ibana. Pandohan “Ibana jumadihon hita” patuduhon na Debata do uluan, partogi dohot parmahan. Songon parmahan Ibana maradophon jolma, ditogutogu do jolma i tu jampalan na lomak. Ingkon marhaposan do bangsoNa tu Jahowa. Denggan do marhaposan tu jolma, alai dumengganan do marhaposan tu Jahowa. Metmet do ianggo jolma i di portibi on, alai dihaholongi Debata do ianggo jolma i.

Napatoluhon, Ai Pardenggan basa do Jahowa, ro di salelelng ni lelengna do asi ni rohaNa, jala marsundutsundut do hasitonganNa (ay 5). Sebab Tuhan itu baik. Pandohan hata “baik” sai marhahonaan do i tu hasintongan dohot hadengganon ni hadirion ni sada halak. Hasintongan dohot hadengganon ni hadirion ni sada halak. Hasintongan ni Debata i ma habadiaonNa, hasangaponNa, hatongtongonNa, dohot holong ni rohaNa. Kebaikan Tuhan, ndang holan satongkin alai manongtong (ay 5). Ndang tarsirang manang aha holong dohot haburjuon ni Tuhan i sian jolma. Ndang mansohot haburjuonNa nang pe sipata lupa jolma i tu Ibana. Ndang mansohot haburjuonNa, nang pe ndang diulahon jolma i lomo ni rohaNa.

Tabaritahon ma tu humaliangta , tu donganta saulaon, tu pamarenta dohot tu halak na so mananda Kristus i dope, na pardenggan basa do Jahowa, jala ro di salelenglelengnNa do asi ni rohaNa. Nunga tadai dengganbasaNa i, taendehon ma goarNa, ta puji ma Ibana, manang aha pe na masa di ngolunta, las ni roha nang arsak pe, taolophon ma goarNa di ganup pardalanan ni ngolunta, i do tanda ni angka na porsea na marhaposeai Ibana di tonga tonga ni portibi on. Marhitehite minggu Jubilate on, ingkon tongtong hita mar-Jubilate, marolopolop tu Jahowa hita di bagasan Tuhan Jesus sude angka ruas. Marolopolop hita ala marhite haheheon ni Tuhan Jesus dipalua hita sian hamatean, manang ala hehe hita sian hamatean. Marhite haheheonNa i dipahehe hita tu pangkirimon na mangolu. Dijou do hita sude nuaeng laho mangolophon Jahowa dibagasan las ni roha, ala naung tangkas tajalo asi ni rohaNa. Nunga diain Ibana hita marhite Kristus Jesus gabe birubiru pinarmahananNa. Rade ma hita diparmahani asa mangolu hita dohot pomparanta sogot.