Khotbah Yohanes 10: 1 - 10 Yesus Gembala yang Baik

 Epistel Minggu Jubilate; 30 April 2023

10:1 "Aku berkata kepadamu: Sesungguhnya siapa yang masuk ke dalam kandang domba dengan tidak melalui pintu, tetapi dengan memanjat tembok, ia adalah seorang pencuri dan seorang perampok;

10:2 tetapi siapa yang masuk melalui pintu, ia adalah gembala domba.

10:3 Untuk dia penjaga membuka pintu dan domba-domba mendengarkan suaranya dan ia memanggil domba-dombanya masing-masing menurut namanya dan menuntunnya ke luar.

10:4 Jika semua dombanya telah dibawanya ke luar, ia berjalan di depan mereka dan domba-domba itu mengikuti dia, karena mereka mengenal suaranya.

10:5 Tetapi seorang asing pasti tidak mereka ikuti, malah mereka lari dari padanya, karena suara orang-orang asing tidak mereka kenal."

10:6 Itulah yang dikatakan Yesus dalam perumpamaan kepada mereka, tetapi mereka tidak mengerti apa maksudnya Ia berkata demikian kepada mereka.

10:7 Maka kata Yesus sekali lagi: "Aku berkata kepadamu, sesungguhnya Akulah pintu ke domba-domba itu.

10:8 Semua orang yang datang sebelum Aku, adalah pencuri dan perampok, dan domba-domba itu tidak mendengarkan mereka.

10:9 Akulah pintu; barangsiapa masuk melalui Aku, ia akan selamat dan ia akan masuk dan keluar dan menemukan padang rumput.

10:10 Pencuri datang hanya untuk mencuri dan membunuh dan membinasakan; Aku datang, supaya mereka mempunyai hidup, dan mempunyainya dalam segala kelimpahan.

Di tingki ni turpuk on sai lulu do bangso Israel di parmahan manang di partogi na buru, na mamboan nasida tu hasonangan dohot hademahon. Di tingki ni turpuk on gok hasusaan bangso Israel ala partoginasida ndang be parmahan na denggan, nunga gabe pamangus maradophon na torop na ginomgomanna. Sai tarpaima bangso i di partogi na boi paluahon nasida sian hasusaan. Di parngoluon na songon i ma ro Jesus mandok “Parmahan na denggan do Ahu”. Dipangke Jesus pandohan “parmahan na denggan roha”, ala nunga torop partogi na manegai tohonan haparmahanon i. Ala angka parmahan di tingki i ndang be siramoti dohot silehon hasonangan tu bangso i, alai gabe sibahen hasusaan tu angka na pinarmahananna. Alani ma ro Jesus mandok “Parmahan na denggan do Ahu”. Songon Parmahan na denggan Ibana, manongtong do asi ni rohaNa.

Songon Parmahan na denggan, Tuhan Jesus do na mamboan hita tu hasonangan, Ibana do sipatudu dalan tu hasonangan. Ringkot situtu do di ngoluna dalan masuk dohot sipatudu dalan. Isarana molo naeng pajumpang hita tu Bupati, ingkon luluanta do dalan masuk, dohot na boi mamboan hita pajumpang dohot nasida. Isaranan, molo jonok do hita tu Sekretariat manang tu Kepala Bagian Protokoler Kantor Bupati, mura do hita pajumpang dohot Bupati. Tudos tusi do na pinasahat ni Tuhan Jesus di turpuk on. Molo malungun hita tu hasonangan, Tuhan Jesus do dalan tu si. Di Padan Narobi digoari do parmahan angka partogi ni bangso Israel ala hadirion ni angka partogi di halak Israel, na peduli tu na pinarmahanna. Ndang holan mamboan tu jampalan na lomak dohot aek na tio, alai rade mangondingi na pinarmahanna, jala olo maneahon dirina asa unang marmara na pinarmahanna. Di jolo do parmahan ni halak Jahudi, ndang di pudi songon parmahan ni halak Batak. Parmahan i do diihuthon dorbiana, ndang parmahan i mangihuthon dorbia i sian pudi. Ditanda Parmahan i do angka birubiruna jala ganup dorbia adong goarna. I do alana umbahen ditanda angka birubiru i soara ni parmahanna. Molo mohop ari (musim panas) dipapungu angka birubiru i di adaran.

Didok Tuhan Jesus “Ahu do pintu i”. Pandohan i dienet sian rumang ni handang, inganan dorbia di Israel. Adong do inganan ni angka birubiru i di adaran. Bungbung do inganan ni birubiru i di adaran, jala somalna batu disusun na gabe pagar ni handang i, jala holan sada do pintu ni handang i. Laho ruar dohot laho bongot birubiru i ingkon sian pintu na sasada i. Molo nunga jumpa borngin dipapeak parmahan i do pamatangna di pintu ni handang i laho mangalele babiat panoro na naeng mamangus dorbia i. Domu tusi do na nidok ni Tuhan Jesus “Ahu do pintu i”. Pandohan “laho ruar dohot laho bongot”, i ma pandohan na patuduhon jaminan keamanan dohot hasonangan. Na nidokna, Tuhan Jesus do na mamboan hita tu hasonangan, Tuhan Jesus do pintu masuk tu hasonangan.

Adong do hasomalan ni halak Jahudi mambahen goar ni birubiruna, jala sai dijou parmahan i doar ni birubiru i uju bongot dohot ruar sian handang i. Ditanda borubiru do soara ni parmahanna. I do alana didok Tuhan Jesus “Ditanda birubirungKu do soarangKu”. Marhite i dipaingot Tuhan Jesus na porsea di Ibana asa ditangihon soaraNa, ai soaraNa do na maboan na porsea i tu hasonangan. Ndang soara na asing, ndang soara ni portibi na mangalehon hasonangan di ngolu ni jolma.

Songon parmahan na denggan, Tuhan Jesus do mangondingi hita sian parmaraan. Tuhan Jesus do na gabe pembela di angka na porsea, dihophop Ibana do na porsea i, songon birubiruNa. Diseahon parmahan ni halak Israel do hosana laho manghophop birubiruna. I do hasurungan ni parmahan ni halak Israel ala barani maneahon hosana mangondingi na pinarmahanna. Alani do digoari angka raja, partogi ni Israel parmahan. Marsiranggut do si Daud dohot singa laho mangondingi dorbiana (1 Sam. 17: 34 – 36). Ndang hea mabiar jala ganggu angka parmahan na denggan marsiranggut manaluhon babiat panoro. Panghophopon ni Jesus do patuduhon hasurunganNa. Diseahon diriNa di Golgatha, asa malua jolma sian uhum dosa i. Jolma hian do na ingkon gantung di silangNa i, alai ala holongNa di jolma Ibana sandiri mate di silang i. I ma panghophopon ni Jesus di jolma.

Songon parmahan na denggan, Tuhan Jesus do na manarihon ngolunta. Dilului parmahan i do jampalan na lomak asa tusi dipatongon birubiruna i manggagat, ndang dipasombu birubiru i mangalului jampalan na lomak. Parmahan i do na mangalului jampalan na lomak asa butong jala mokmohan birubiruna. Ndang holan jampalan na lomak dilului, dilului do nang mata mual, aek na tio asa unang mauas birubiru i. Di Psalmen 23 didok “aek hasonangan”. Ndang asa aek dilehon soburuon ni dorbia i, alai aek na tio, aek na ias, na boi pasombu uas.

I ma gombaran ni panarihonon ni Debata di na tinompaNa. Songon parmahan na denggan Jesus, umbotoan do Ibana aha na ringkot di ngolunta. Songon parmahan na denggan Ibana tontu ndang sae sude pangidoanta i dialusi, ai molo sude dialusi boi do gabe manghorhon mara di ngolunta, alai tongtong do dao dumenggan sangkap ni Debata sian na tapangido. Pos ma rohanta, Ibana do na marmahani hita aja dilehon Tuhan i do jaminan pandonganionNa di hita songon na tarsurat di Mateus 28: 20 “Sai na dongananku do hamu ganup ari, rasirasa ro ajal ni hasiangan on”. amen.