Khotbah Keluaran 19: 1-8 Setia Melakukan Firman Tuhan

 Minggu, 2 Set. Trinitatis; 18 Juni 2023

19:1 Pada bulan ketiga setelah orang Israel keluar dari tanah Mesir, mereka tiba di padang gurun Sinai pada hari itu juga.

19:2 Setelah mereka berangkat dari Rafidim, tibalah mereka di padang gurun Sinai, lalu mereka berkemah di padang gurun; orang Israel berkemah di sana di depan gunung itu.

19:3 Lalu naiklah Musa menghadap Allah, dan TUHAN berseru dari gunung itu kepadanya: "Beginilah kaukatakan kepada keturunan Yakub dan kauberitakan kepada orang Israel:

19:4 Kamu sendiri telah melihat apa yang Kulakukan kepada orang Mesir, dan bagaimana Aku telah mendukung kamu di atas sayap rajawali dan membawa kamu kepada-Ku.

19:5 Jadi sekarang, jika kamu sungguh-sungguh mendengarkan firman-Ku dan berpegang pada perjanjian-Ku, maka kamu akan menjadi harta kesayangan-Ku sendiri dari antara segala bangsa, sebab Akulah yang empunya seluruh bumi.

19:6 Kamu akan menjadi bagi-Ku kerajaan imam dan bangsa yang kudus. Inilah semuanya firman yang harus kaukatakan kepada orang Israel."

19:7 Lalu datanglah Musa dan memanggil para tua-tua bangsa itu dan membawa ke depan mereka segala firman yang diperintahkan TUHAN kepadanya.

19:8 Seluruh bangsa itu menjawab bersama-sama: "Segala yang difirmankan TUHAN akan kami lakukan." Lalu Musa pun menyampaikan jawab bangsa itu kepada TUHAN.

Tontu las situtu do rohanta molo gabe anak hasian manang boru hasian hita di bagas ni damang dohot dainang. Adong ma hasurunganta molo gabe anak hasian hita. Aha pe na tapangido sian natorasta, molo angka na denggan jala na marguna, tontu intap ni na tarbahen lehonon ni natoras do i tu anak hasian dohot botu hasian i. Songon i ma hasurungan ni bangso Israel dibahen Debata. Gabe anak hasian ni Debata do nasida. Sumurung do holong ni roha ni Debata tu bangso i. Patar do i dibagasan pardalanan ni ngolu nasida jala sada hapataranna i ma marhite pambahenan ni Debata na paruarhon nasida sian parhatobanan Misir. Ganjang do dipatorang di buku 2 Musa on taringot tu pardalanan ni bangso Israel sian tano Misir tu tano Kanaan. Ditogihon Debata do bangso i ruar sian Misir ala bernit jala parir diae nasida di parhatobanan Misir.

Di bindu 19 on dibaritahon do pardalanan n bangso Israel na niuluhon ni si Musa sahat tu halongonan Sinai jala jonok nama i tu dodlok Sinai. Marsaro (berkemah) ma nasida di halongonan i jala dipajongjong nasida ma kemah nasida mandompakhon dolok Sinai. Dung i nangkok ma si Musa tu dolok Sinai tumopot Tuhan i. Jadi dijouhon Tuhan i ma naposoNa i sian dolok i, ninna ma: “songon on ma dohononmu tu pinompar ni si Jakob, paboaonmu tu halak Israel”. Sian on boi berengonta hadirion ni si Musa songon uluan ni bangso Israel huhut songon naposo ni Tuhan i na pasahat angka hata dohot tona ni Debata tu bangso Israel. Disuru Debata si Musa paingothon bangso i ala pangurupion ni Debata do nasida haruar sian Misir ndada alani hagogoon ni nasida umbahen na boi nasida haruar sian tano parhatobanan i. Pandohan: “nunga diida hamu, na hubahen i tu halak Misir, na huboan i hamu hira di atas ni habong pidong rajawali pasahat hamu tu ahu (ay.4 )”, paingothon nasida di hagogoon ni Debata na patundukhon roha ni raja Parao na jogal i. Hajogalon ni raja Parao dipangke Debata papatarhon huaso dohot hagogoon ni Debata na gabe pangurupi di bangso Israel, asa unduk nasida tu Jahowa. Pangurupion ni Jhaowa di bangso i dipatudos tu pidong rajawali maradophon anakna. Pidong rajawali i ma pidong na gumogo sian sude pidong. Hasomalan ni pidong rajawali do uju mangajari anakna habang, didabuhon anakna i sian ampuanna, alai dipamanat jala diparrohahon sian na dao. Diajari pidong rajawali anakna mandiri laho patorashon hatauonna. Suman tusi ma Jahowa mangurupi bangso Israel. Nang pe songon na dipasombu, alai dipamanat jala diparrohahon Jahowa do pardalanan nasida. Nang pe diloas nasida mardalan diarhorsihan, sai dipamanat jala diparrohahon Debata do nasida.

Nunga didai bangso i pambahenan ni Debata paluahon nasida sian huaso ni raja Parao. Alani ingkon marsihohot nasida manangihon dohot mangulahon hata ni Debata. ingkon unduk ma nasida mangoloi hata ni Debata jala unang lupa di Debata. dung disungguli Debata tu nasida saluhut pambahenanNa i, didok ma muse songon on: “On pe molo ditangihon hamu soarangKu jala diradoti hamu padan na Hubahen i, jadi hasianKu ma hamu sian nasa bangso, ai gok di Ahu do liat portibi on”. Molo unduk nasida manangihon Jahowa saleleng mardalan di parhorsihan i, gabe hasian ni Jahowa ma nasida. Marhite turpuk on dipaingot bangso i asa mananda diri, na niurupan ni Jahowa do nasida umbahen malua sian huaso ni raja Parao, ndada ala hagogoon nasida. Gabe hasian ni Debata ma nasida molo ditangihon nasida soara ni Jahowa, molo diradoti nasida padan ni Jahowa na mamilit nasida gabe bangsoNa. Padan ni Jahowa na mamilit nasida gabe bangsoNa mangigil haunduhon, pangoloion. Pangurupion ni Jahowa na paluahon nasida sian Misir, mangigil haunduhon na polin, haunduhon na tandi maradophon Jahowa. Ringkot adong parsitutuon laho manangihon soara ni Tuhan i dohot mangaradoti uhumNa. Ringkot adong ungkap ni roha dohotroha na serep jala haoloon laho tumangihon dohot mangulahon hata ni Debata. I do na dihirim Tuhan i sian bangsoNa. Molo rade nasida mangulahon dohot mangaradoti, dibagabagahon Tuhan i, gabe hasian ma bangso i di joloNa.

Dung dipasahat Tuhan i hataNa tu si Musa, turun ma ibana sian dolok Sinai jala disi ma tarida hadirion ni si Musa songon sahalak na bisuk. Ndang langsung ibana pasahathon hata ni Tuhan i tu saluhut bangso Israel. Alai dijou si Musa do angka sintua ni bangso i jala diaturhon tu jolo nasida sude angka hata dohot tona ni Debata na dijalo ibana di dolok Sinai. Dipatupa ibana si songon i asa boi nian hantus jala bagas huhut torang diantusi bangso i hata dohot tona ni Debata. Laos borhat ma angka sintua ni bangso i jala dipasahat nasida ma hata dohot tona ni Debata i, gabe ro ma bangso i mangalusi: “saluhut na pinaboa ni Jahowa bahenonnami ma”. Jadi marpungu ma muse sintua ni bangso i paboahon tu si Musa angka alus sian bangso Israel, na rade do bangso i manjalo jala mangulahon hata ni Tuhan i. Laos borhat ma muse si Musa mamboan alus na denggan sian bangso i tu Debata tu dolok Sinai.

Marhite na masa i naeng taantusi, haunduhon dohot roha pangoloion do dipangido Tuhan i sian bangso Israel. Laos songon i do na dipangido  Tuhan i sian hita angka na porsea di Ibana. Naeng marsihohot hita mangoloi hata ni Tuhan i dibagasan gulmit ni ngolunta. Ai anak dohot boru hasian ni Debata do hita, na dipatau gabe parjambar dipasupasu dohot hasonangan na dibasabasahon tu hita. Alani i naeng jongjong ma nian hita gabe anak hasian, anak mata, na mangantusi lomo ni roha ni Debata. Unang ma songon anak somang manang hatoban, na dao rohana sian Tuhan i. Ai nunga godang situtu asiasi na dipasahat Tuhan i tuhita, tajalo jala tadai ma i dibagasan roha mauliate huhut taargahon di bagasan roha pangoloion di adopan ni Tuhan i.