Khotbah Yohanes 6: 60-63 Mengimani Yesus yang Naik ke Sorga

 Kenaikan Yesus Kristus; 18 Mei 2023

6:60 Sesudah mendengar semuanya itu banyak dari murid-murid Yesus yang berkata: "Perkataan ini keras, siapakah yang sanggup mendengarkannya?"

6:61 Yesus yang di dalam hati-Nya tahu, bahwa murid-murid-Nya bersungut-sungut tentang hal itu, berkata kepada mereka: "Adakah perkataan itu menggoncangkan imanmu?

6:62 Dan bagaimanakah, jikalau kamu melihat Anak Manusia naik ke tempat di mana Ia sebelumnya berada?

6:63 Rohlah yang memberi hidup, daging sama sekali tidak berguna. Perkataan-perkataan yang Kukatakan kepadamu adalah roh dan hidup.

Sahat tu sadarion bahat dope jolma na so manghaporseai hamamate dohot hananaek ni Jesus Kristus tu banua ginjang, tung dietong doi holan sarita sambing naso masuk ni akkal ni jolma. Suang songoni ma di hatiha i, uju na rap Jesus dohot siseanNa i, dung manghobasi Jesus di portibion sai didok do tu siseanNa, ianggo Ibana naingkon mate jala hehe, dungi manaek do muse tu banua ginjang asa marhite i ma singkop panghobasionna di portibion. Di patorang Jesus do tu angka siseanNa, ianggo Ibana ima roti hangoluan, roti na tuat sian banua ginjang, jala ise namanganhon roti i dapotan hangoluan ma ibana, jala roti na minaksud ni Jesus disi ima Ibana sandiri (dagingKu) dohot mudarNa ingkon do inumon ni jolma asa dapotan hangoluan. Jala dung didok Jesus hata i, bahat do na mangihuthon Ibana hatiha i mangetong hata naso masuk akkal ni jolma doi, “beha do bahenon ni halak on mangalehon dagingNa panganonta? (52)” alai udutni i dipatorang Jesus do aha lapatanna umbaen didok hata i. marhite panghataion ni Jesus tu angka natorop i dohot sude siseanna i godang ma sian nasida ganggu haporseaonna, alai godang do tong na dapotan pasu-pasu sian hata i.

Di jolo ni turpuk on ditamuei Jesus 5000 halak marhite 5 roti dohot 2 dengke, alani gabe torop na mangihuthon Ibana. Dipatupa Jesus tanda halongangan i asa porsea do nasida di Jesus. Hape ndang tubu haporseaon i di rohanasida, ai didok nasida do tu Jesus “asa dia ma tanda bahenonMu siidaonnami, asa tung porsea hami di Ho?” (Joh. 6: 30). Ndang porsea nasida nang pe naung diida tanda halongangan i. Diihuthon nasida Jesus holan ala bosuran do. Sian bindu 6 on boi idaonta adong 3 horong na mambege Jesus ima: naparjolo halak Jahudi (41,52), ima golongan na manolak Jesus, napaduahon halak natorop (60,66) na mangihuthon Jesus, napatoluhon 12 sisean ni Jesus (67). Molo tapamanat sian na tolu horong on dipangke sibolis do nasida asa unang porsea tu hata ni Jesus i. Pandohan ni Jesus di ayat 60 “asa torop ma sian angka siseanNa na umbegesa mandok “hata na kasar doi ise pabege-bege I?” Adong piga-piga penafsir mangalapati hata “kasar” ima sukar diterima. Alai adong do muse na mangalapati hata kasar “bukanlah sukar dimengerti, tetapi sukar untuk diterima” (bdk. NIV: This is hard teaching. Who can accept it? (Ini adalah ajaran yang keras. Siapa yang dapat menerimanya?) maol do tarjalo roha ni nasida pangajarion ni Jesus termasuk ma i tu hamamateNa di hau pinorsilang (bdk. Yoh 12:34, 1 Kor 1:23).

Ala pandohan ni Jesus na so siat tu roha ni natorop hatiha i, ndang lomo roha nasida dipangajaraion na pinasahat ni Jesus i, “manganhon daging ni Anak ni Jolma dohot manginum mudarNa” molo di pahami secara hajolmaon dang tarlapati hita hata i jala ndang masuk ni akkal ni jolma, gabe siallang jolma ma hita? Ninna roha nasida Ido umbahen didok hata ni Jesus i, ima hata na kasar, alai molo tabereng di turpuk on gabe marungut-ungut do nasida ndang adong sian nasida na mandok asa di patorang Jesus muse aha do lapatan ni hata i. Boi ma tabereng di ay 41, ima halak Jahudi do na marmungut-mungut, alai dibagasan turpuk on bali do sahit na marmungut-mungut i tu sisean ni Jesus. diboto Jesus do aha na diroha ni nasida marmungut-mungut angka siseanNa ala hata i jala disungkun Jesus ma nasida, jadi alani i do hamu targasip? Pengajaran ni Jesus naso tarjalo ni roha ni nasida ima: na mandok Ibana na tuat sian banua ginjang (41,50,51,58) jala on ajaran na kasar do on di sipareon ni nasida. Jala di uduti muse di ayat 62 beha nama anggo idaon muna Anak ni Jolma i manaek tu ingananNa hian? Pandohan Anak ni Jolma ima menunjuk kepada Yesus sebagai manusia. Tetapi kata-kata ‘naik ke tempat di mana Ia sebelumnya berada’ menunjukkan pre existence (keberadaan sebelumnya) dari Yesus. HananaekNa tu banua ginjang marudut do i tu haroro ni Tondi Parbadia na mangelehon hangoluan tu angka na porsea (ay. 63). Molo roti portibi manang sipanganon na gabe motivasi ni halak mangihuthon Jesus olo do gabe tarhirim nasida songon natorop i. Adong do na mambahen panghilalaan dohot habosuran ni butuha gabe tolak ukur parsihohoton ni halak mangihuthon Jesus. Molo sonang ngoluna didok “Puji Tuhan”. Molo ro hamaolon manigor marungutungut. Bahkan adong do halak na maninggalhon Kristus alani panarihonon disipangann, ala karir dohot jabatan dohot lan angka na asing ala manarihon angka na diportibi on.

Jotjot ngali do pamestahonon ni halak Kristen di Parningotan Hananaek ni Tuhan Jesus, ra ala adong panghilalaan, holan barita na palongang-longanghon do barita hananaek ni Tuhan Jesus. Hape na mangalehon panghirimon na imbaru do hananaekNa i, na paingothon hita na so portibi on tujuan ni ngolunta, surgo i do. Manaek Ibana, na parade inganan do di na porsea i (Joh. 14: 2-3). Otik do digurithon panurat Evangelium na opat i taringot tu hananaek ni Tuhan Jesus, ala ndang barita parnaekNa i na rumingkot, tonaNa dohot lapatan ni hananaekNa i do na ringkot di panurat ni Evangelium na opat i. Marhite hananaekNa i dilehon kepastian, paboa songon Jesus na sahat tu hasangaponNa songon i do na porsea i pajumpang sogot dohot Ibana. ParsiranganNa dohot siseanNa i ma parsirangan na manghirim las ni roha, ai na ro do muse Ibana mangalap na porsea i. Marhite i di paingot hita asa unang lohot rohanta di portibi on, surgo i do sambulonta.

Parningotan hananaek ni Tuhan Jesus paingothon hita asa ta pajonok tu Jesus. Pajonok diri tu Jesus marlapatan, unang lohot rohanta di portibi on, surgo i do sambulonta. Molo diloas Tuhan i pe hita mangolu di portibi on asa tapangke do ngolu napinasahat na i pajonok dirinta tu Ibana marhite na manghaholongi donganta. Molo gok sitaonon pe hita di portibi on, taboto ma satongkin do i ai nunga diparade Jesus inganan hasonangan. Di sitaonon i dijou hita marsaor dohot Tuhan i asa manghirim hita di balik ni parungkilon i nunga diparade surgo hasonangan. Molo tapauli pe jabu na uli, na arga, taboto ma tinggalhononta do i. Di banua ginjang do jabunta na sumonang diparade Jesus. Topik ni jamita di pesta parningotan Hananaek ni Jesus Kristus sadari on ima “Manghaporseai Jesus Naung Manaek tu Banua Ginjang” molo sian hajolmaon memang ndang tarjalo roha hamamate dohot hananaek ni Jesus tu banua ginjang alai ndang adong naso tarpatupa Debata, jala ndang adong na boi mangambati sangkap ni Debata tu saluhut natinompaNa di portibi on.