Khotbah Mazmur 65: 1 - 9 Pemeliharaan Allah bagi Umat Pilihannya
Minggu 6 Set. Trinitatis; 16 Juli 2023
65:1 Untuk pemimpin biduan. Mazmur Daud. Nyanyian.
65:2 Bagi-Mulah puji-pujian di Sion, ya Allah; dan kepada-Mulah orang membayar nazar.
65:3 Engkau yang mendengarkan doa. Kepada-Mulah datang semua yang hidup
65:4 karena bersalah. Bilamana pelanggaran-pelanggaran kami melebihi kekuatan kami, Engkaulah yang menghapuskannya.
65:5 Berbahagialah orang yang Engkau pilih dan yang Engkau suruh mendekat untuk diam di pelataran-Mu! Kiranya kami menjadi kenyang dengan segala yang baik di rumah-Mu, di bait-Mu yang kudus.
65:6 Dengan perbuatan-perbuatan yang dahsyat dan dengan keadilan Engkau menjawab kami, ya Allah yang menyelamatkan kami, Engkau, yang menjadi kepercayaan segala ujung bumi dan pulau-pulau yang jauh-jauh;
65:7 Engkau, yang menegakkan gunung-gunung dengan kekuatan-Mu, sedang pinggang-Mu berikatkan keperkasaan;
65:8 Engkau, yang meredakan deru lautan, deru gelombang-gelombangnya dan kegemparan bangsa-bangsa!
65:9 Sebab itu orang-orang yang diam di ujung-ujung bumi takut kepada tanda-tanda mujizat-Mu; tempat terbitnya pagi dan petang Kaubuat bersorak-sorai.
Buku Psalmen i ma punguan ni
panindangion ni angka na porsea di Padan na Robi, taringot tu hadirion,
pambahenan dohot pangurupion ni Debata di bangsoNa. Panghilalaan nasida di
pambahenan ni Debata dipatubegehon marhite ende. Marhite parendeon i
dihatindanghon nasida na Jahowa do pangurupi di nasida, Jahowa do paluahon
nasida sian ragam ni parmaraan, jala Jahowa mual ni hatuaon nasida. I do na
pinapatar ni turpuk jamita on, taringot tu hatongtongon (kekekalan) ni asi ni
roha ni Jahowa di jolma dohot na tinompaNa. Diturpuk on dipatuduhon Parpsalmen
on panindangion taringot tu pangaramotion ni Debata di bangso na pinillitna
(pemeliharaan Allah bagi umat pilihanNya). Jala somal do Psalmen bindu 65 on
dipangke gabe ende pujipujian di bagas joro.
Pamujion so paimahon haroro ni
Debata dibagasan ngolunta. Pamujion do mandongani haroro ni Debata tu
tongatonganta. Songon na tapatupa ganup jumpa ari Minggu, tajanghon haroro ni
Debata marhite pamujion. Dipuji Parpsalmen (si Daud) do Jahowa hinorhon ni
saluhut pambahenan ni Jahowa di ibana. Aha do na masa huroha tu si Daud umbahen
diendehon ibana endena on? Dipanghilalahon si Daud do tung alani pandonganion
dohot pangaramotion ni Jahowa do umbahen boi ibana malua sian ragam tahitahi ni
parjahat, jala na sahat pe ibana boi gabe raja manggomgomi saluhut Israel,
dipanghilalahon ibana ndang ala hamaloon jala haboion dohot hadirionna i, alai
tung ala pangaranotion dohot pandonganion ni Jahowa sambing do. Tung las situtu
roha ni si Daud mangendehon ende pujipujian dohot mangolophon saluhut
pambahenan ni Jahowa di ngoluna. Ingkon nalom ni roha tu Jahowa do pujipujian
di Sion, jala gararon do tu Debata bagabaga (ay. 2). Tung tama situtu do mamuji
dohot mangolophon saluhut pambahenan ni Jahowa. Aut sugari tapajojor saluhut
angka pambahenan ni Jahowa di ngolunta on, ra ndang tarhabilangan saluhutna,
ndang tarasam jala ndang tardodo saluhut angka pambahenan ni Jahowa na gok
angka halongangan na pinatupaNa. Jala aha do na boi patupaonta mambalos saluhut
angka pambahenan ni Jahowa? Autsugari tapasahat saluhut na dihita on, bahkan
ngolunta on, ndang boi dope i mambalos angka na binahen ni Debata tu hita.
Antong aha do sipatupaonta? I ma roha na unduk, serep jala marhapantunon
maradophon Jahowa Debata. Antong garar ma tu Jahowa angka naung dibagabagahon
tu Jahowa. Bagabaga na mansai ringkot sigararonta ima: parsombaonta na polin tu
Ibana, mangoloi angka patikNa jala mangolu tongtong dibagasan hasatiaon dohot hasintongan.
Aha do naung dipatupa Jahowa tu
Parpsalmen on umbahen diendehon ibana ende pujian on? Naparjolo, Ibana do
Jahowa Debata Pargogo na so hatudosan na maboto torus di bagasan pingkiran
dohot roha ni jolma. Ibana do na tumangihon tangiangta (ay. 3), jala tu Ibana
do marroan sude angka na tinompa. Sude do tangiang ditangihon Jahowa, alai
ndang sude tangiang dialusi hombar tu na tapangido. Alai pos ma rohanta ummuli
do alus ni tangiang sian Jahowa tu hita sian angka naung tapangido manang na
tasangkapi di rohanta (Ef. 3: 20) molo tung pos situtu hita jala manjugulhon
manghirim di panumpahion ni Debata. Ibana do Jahowa na umbalga asi ni rohaNa
sian angka ende pujianpujian na tapasahat tu Ibana. Ibana do na manesa angka
pangalaosionta (ay. 4), ndada alani hadirionta, siadonganta, haboionta dohot
lan angka na asing na sian hadirionta. Alai tung holan ala asi dohot holong ni
rohaNa sambing dohot habadiaon ni goarNa do Ibana patupahon pambahenan na bolon
lumobi sian angka naung binahen ni angka dewa-dewa di humaliang Israel. Ndada
ala naung tagarar bagabaganta dohot pasahat pelean situtungon umbahen boi hita
malua sian uhum alani pangalaosionta, alai tung ala holong dohot hatimbulon ni
goarNa na marmulia i do.
Dapotan tua ma bangso manang
jolma na umboto mangolophon saluhut angka denggan basa ni Jahowa, martua ma
halak na rade laho marparsaoran tu Debata na sun Badia dohot na sun Timbul i
(ay. 5). Bangso na pinilitNa ndada holan so dipamiliton sambing, alai marudut
do tu parsuruon. Parsuruon na nidokna dison ima parsuruon laho: mangolu
dibagasan habadiaon, mangulahon dohot mangaradoti saluhut hata, uhum dohot
patikNa, mangulahon hasintongan dohot hatigoran songon tanda parsaoran ni
bangso ni Debata naung pinilitNa dohot Debata naung mamilit bangso i. Marhasabamon
ma roha ni jolma na marhaposan tu Jahowa binahen ni hinadenggan ni bagas joro
ni Debata na badia i. Bagas joro ni Debata sasintongna ingkon gabe inganan na gok
parolopolopon, hadameon, dohot hasonangan, inganan pangalapan hasintongan dohot
hatigoran, uhum dohot patik ni Jahowa jala inganan parsaoran ni angka jolma
naung dipiliit Jahowa gabe bangso manang jolma na pinarhamaolna (yang dikasihi
dan dicintaiNya). Alani molo sai adong na manggunturi di parsaoran ni
huria, porlu do adong koreksi di hita ganup marsadasada.
Tung na songkal do pangalusi ni
Jahowa dibagasan hatigoran, ai Ibana do haposan ni saluhut ujung ni tano on
dohot angka laut dohot angka na dao i (ay. 6). Marhite hata dohot pambahenanNa
na gok huaso, gogo dohot habadiaon
dipaojak Ibana do dolok (ay. 7). Ibana do sipaso hasak ni angka laut,
hasak ni angka galumbangna i dohot ogaoga ni angka bangso (ay. 8). Tutu na
songkal jala na badia do Ibana. Ibana do na mangalusi sude angka alualu dohot
tangiang ni angka na pinilitNa i. Alai ndada songonna piningkiran dohot
sinangkapan ni jolma Jahowa i mangalusi angka alualu dohot tangiangta. Allah punya caranya sendiri yang penuh
dengan tanda keajaiban dan mujizat untuk melepaskan, menguatkan, memberkati dan
memberi perlindungan kepada kita dalam menghadapi dan melewati kerasnya
gelombang kehidupan yang selalu menerpa. Debata sandiri na pamenakhon angka
hasak ni galumbang gabe menak, Debata sandiri pasohon ogaoga ni angka bangso.
Sasintongna ingkon mansai las do
roha molo digoari bangso na pinillit ni Tuhan i. Boasa? Ala Tuhan i na
mamiliit. Gari dipillit Presiden Jokowi naeng manjalo kaos manang sepeda nunga
mansai las roha, lam Tuhan i ma nian. Jala na manambai las ni rohanta, ima:
ganup na dipillit Tuhan i tongtong diparmudumudu, dipauliuli jala disarihon
Debata hita angka naung dipillitna. Ndang adong hape na boi mangambati las ni
roha dohot hatuaon ni sasahalak naung mananda, manghaporseai dohot
manghangoluhon saluhut pambahenan, pangaramotion dohot pananrihonon ni Jahowa
di ngoluna. Nang pe ro sahit na renge, jala ro angka sitaonon tong do dapot ibana las ni roha dohot hatuaon
na sian Jahowa Debata. Ditatap, ditangihon Jahowa do angguk-angguk, joujou
dohot tangiangta i jala dialusi do saluhutna i marhite angka pambahenan ni
Jahowa na so hasuhatann dohot na sun timbul i nang pe songon na suhar sian na
tapingkiri dohot na tapangido. Alai pos ma rohanta, lobi sian na tasangkapi
jala na tahirim lehonon ni Jahowa do tu hita angka na denggan angka na
mauliutus asal ma marpos ni roha jala tongtong manghirim disaluhut pambahenan
ni Jahowa. Alani i, pos ma rohanta, halak naung pinillit ni Jahowa do hita. Sai
na parmudumudonna do hita, pauliulion, sarihonon jala parbadiaan ni Tuhan i do
hita.
Post a Comment for "Khotbah Mazmur 65: 1 - 9 Pemeliharaan Allah bagi Umat Pilihannya"