Khotbah Markus 9: 2-9 Yesus Anak Allah Dengarkanlah Dia
Minggu Estomihi; 11 Februari 2024
9:2 Enam hari kemudian Yesus membawa Petrus, Yakobus dan Yohanes dan bersama-sama dengan mereka Ia naik ke sebuah gunung yang tinggi. Di situ mereka sendirian saja. Lalu Yesus berubah rupa di depan mata mereka,
9:3 dan pakaian-Nya sangat putih berkilat-kilat. Tidak ada seorang pun di dunia ini yang dapat mengelantang pakaian seperti itu.
9:4 Maka nampaklah kepada mereka Elia bersama dengan Musa, keduanya sedang berbicara dengan Yesus.
9:5 Kata Petrus kepada Yesus: "Rabi, betapa bahagianya kami berada di tempat ini. Baiklah kami dirikan tiga kemah, satu untuk Engkau, satu untuk Musa dan satu untuk Elia."
9:6 Ia berkata demikian, sebab tidak tahu apa yang harus dikatakannya, karena mereka sangat ketakutan.
9:7 Maka datanglah awan menaungi mereka dan dari dalam awan itu terdengar suara: "Inilah Anak yang Kukasihi, dengarkanlah Dia."
9:8 Dan sekonyong-konyong waktu mereka memandang sekeliling mereka, mereka tidak melihat seorang pun lagi bersama mereka, kecuali Yesus seorang diri.
9:9 Pada waktu mereka turun dari gunung itu, Yesus berpesan kepada mereka, supaya mereka jangan menceriterakan kepada seorang pun apa yang telah mereka lihat itu, sebelum Anak Manusia bangkit dari antara orang mati.
Ala na so
tangkas dope panandaon ni siseanNa di Jesus, dipangke Jesus sada tingki
papatarhon hadirionNa tu siseanNa i. Diarahon Jesus do si Petrus, Jakobus,
dohot si Johannes tu sada dolok na timbo, na suhi laho papatarhon hasangaponNa
tu nasida. Hadirion ni Jesus songon Anak ni Debata dipataridahon turpuk on
marhite hapapatar ni hamuliaonNa na dihatindanghon Ibana tu angka siseanNa
(Petrus, Jakobus, Johannes) di atas ni dolok. Patar do disi diida sisean i
hasangapon ni Jesus, muba rupana jala marsinondang bohina. Masa halongangan
disi, ai diida sisean i Jesus manghatai dohot si Musa dohot si Elia naung
borhat maninggahon portibi on.
Nang pe di
tingki i dibagasan hamuliaonNa Jesus rap dohot si Musa dohot si Elia, alai
dipasombu Ibana d siseanNa si Petrus bebas manghatai dohot Ibana mandok na
dibagasan rohana. Taida ma disi, nang pe dibagasan hasangapon nang hamuliaonNa
Jesus, alai ndang moru haburjuonNa, dibagasan haserepon ni rohaNa tu angka
siseanNa, hora so adong batas jarak ni Jesus tu angka siseanNa. Godang do haak
molo dung hundul di harajaonNa ala adong huasoNa gabe mandaodao manang manjaga
jarak sian angka donganna. Alai ndang songon i anggo Jesus, nang pe dibagasan
hamuliaonNa tong do diloas Ibana angka siseanNa manghatai secara bebas dohot
Ibana pasahathon na dibagasan rohana. Diboto Jesus do na tahutan angka
siseanNa, alani do ndang muruk Ibana tu nasida, alai diapuli jala diloas
pasahathon na di bagasan rohanasida. Tatiru ma Jesus na tongtong serep rohaNa
nang pe dibagasan hamuliaonNa, na tongtong marsrep ni roha mangadopi angka
siseanNa na so pola mangantusi aha do na nidok nasida ala na tahutan nasida
(ay.6). Pingkiran portibi do pingkiran ni si Petrus hatihai, ndang diantusi
ibana dope taringot tu ulaon ni Jesus. Dipangido rohana naeng adong inganan di
punsu ni dolok i di Jesus, di si Musa dohot di si Elia, asa disi nasida tinggal
jala boi portibi on marnida hasangapon ni Jesus. Hape na ingkon tuta do Jesus
sian hasangaponNa i laho manaon na bernit dohot hamatean di Golgotha. Jala
taingot ma, hasangapon ni Jesus i ma hasangapon na sian Debata na hot saleleng
ni lelengna, ndang hasangapon na sian portibi on. Marasing do hasangapon ni
Jesus dohot hasangapon na adong di jolma, parsatongkinan do hasangapon ni jolma
di portibi on. Porlu do hita marsiajar sian Jesus paserephon rohanta, ala serep
ni roha i ma sada sikap na patuduhon holong ni roha tu dongan jolma, na so
mangalului sangap manang pujipujian hita tu dirinta sandiri. Angka na serep
marroha do na dipatimbo Debata, alai na ginjang marroha dipatutoru Debata.
Jala di
tingki ro ombun mangalinggomi nasida jala dibege nasida soara na ro sian ombun
i, di tingki manaili nasida, ndang diida nasida be agia aha, holan sasada Jesus
do diida nasida, ndang adong be diida nasida si usa dohot si Elia. Songon angka
siseanNa, nang pe ndang diida nasida be halongangan na dipasangap Debata Jesus
di atas ni dolok i, gabe holan Jesus do diangkupi nasida. Songon i ma hita, di
tingki taida masa angka halongangan di ngolunta dung i ndang taida be angka
halongangan i, alai tong do rap hita dohot Jesus sahat tu na ro Ibana di ari
parpudi, ndang tadinghononNa hita, didongani do hita sahat tu ujung ni ngolunta.
Alani unang dihungkupi biar hita mangadopi angka na masa di portibi on, ai hot
do Jesus rap dohot hita mandongani hita di nasa sitaonon sahat tu hamatean pe
i, holan Ibana do donganta.
Soara na ro
sian bagasan ombun i sada tudu-tudu Debata na manghatindangkon jala manjangkon
Jesus Anaka Haholongan ni Debata, jala na rade do Debata manjangkon hita
marhite AnakNa Jesus Kristus. Alani ingkon tajangkon jala tahatindangkon Jesus
do anak ni Debata na paluahon hita jala naeng ma taihuthon Ibana. Mansai tangkas
do didok di turpuk on tangihon hamu ma Ibana. Molo didok ‘tangihon’ na
marlapatan ndang holan manangihon marhite sipareon, alai manangihon marhite
roha na ungkap manjalo Ibana, mangoloi Ibana jala mangulahon hataNa. Boa-boa ni
Debata do i asa tangkas diparrohahon sisean i. Alani molo tutu do nasida porsea
di Jesus, ingkon tangihononna Jesus ai halomoan ni Debata do Ibana. Marhite na
manangihon i do nasida pasangaphon Jesus, ndada marhite na pauli sopo di diok
i. Molo ditangihon jala dihangoluhon naisda hata ni Jesus, i do dalan
papatarhon hasangapon ni Jesus tu portibi on.
Molo
tasungkun dirinta nuaeng, ise do jala soara ni ise do na tatangihon di ngolunta
siganup ari? Jesus do na tatangihon manang dirinta sandiri, manang soara ni
portibi on do na tatangihon? Boasa gumodang jolma lomoan manangihon soara ni
portibi on sian soara ni Jesus? Ra ala soara ni portibi on gumodang manawarhon
hamoraon, huaso dohot jabatan, gabe untangi do halak manangihon soara ni porti
on sian soara ni Jesus. Soara ni Jesus mandok ingkon taulahon na sintong, jala
diorai hta mangulahon angka na so tama na so sintong na maralo tu lomo ni roha
ni Jesus. Molo taulahon na nidok ni Jesus, tontu adong do tantangan, alai ndang
boi gabe ndang taulahon i ala adong tantangan. Di na taadopi angka ancaman
dohot tantangan, disi do Jesus mandongani hita, mangalehon hagogoon, habisuhon,
hasabamon ni roha dohot panghirimon gabe margogo hita mangulahon hasintongan.
Angka halak na tangi tu Jesus i ma angka na tinggi tu parenta ni Jesus jala diulahon hombar tu lomo ni roha ni Jesus. Angka halak na tangi t soara ni Jesus tontu holsoan ibana marnida halak na dipagosa-gosa, ndang las rohana molo diida donganna susa, jala berusaha do patupahon asa adong hadameon di parsaoran di Keluarga, di huria nang di masyarakat. Alai angka halak na so tangi di Jesus, i ma angka na sai lomo rohana marbada dohot donganna, na sai holsoan di hepeng, na ginjang marroha, na so parduli tu donganna na susa. Antong molo halak na tangi do hita di Jesus, taulahon ma sude parenta ni Jesus, tapatuduhon marhite parangenta, ai marhite parangenta do tarida ise do hita, na tangi di Jesus do hita manang halak na so tangi di Jesus.
Post a Comment for "Khotbah Markus 9: 2-9 Yesus Anak Allah Dengarkanlah Dia"