Khotbah Roma 4: 18-25 Allah Memperhitungkan Iman Sebagai Kebenaran
Minggu Reminiscere; 25 Februari 2024
4:18 Sebab sekalipun tidak ada dasar untuk berharap, namun Abraham berharap juga dan percaya, bahwa ia akan menjadi bapa banyak bangsa, menurut yang telah difirmankan: "Demikianlah banyaknya nanti keturunanmu."
4:19 Imannya tidak menjadi lemah, walaupun ia mengetahui, bahwa tubuhnya sudah sangat lemah, karena usianya telah kira-kira seratus tahun, dan bahwa rahim Sara telah tertutup.
4:20 Tetapi terhadap janji Allah ia tidak bimbang karena ketidakpercayaan, malah ia diperkuat dalam imannya dan ia memuliakan Allah,
4:21 dengan penuh keyakinan, bahwa Allah berkuasa untuk melaksanakan apa yang telah Ia janjikan.
4:22 Karena itu hal ini diperhitungkan kepadanya sebagai kebenaran.
4:23 Kata-kata ini, yaitu "hal ini diperhitungkan kepadanya," tidak ditulis untuk Abraham saja,
4:24 tetapi ditulis juga untuk kita; sebab kepada kita pun Allah memperhitungkannya, karena kita percaya kepada Dia, yang telah membangkitkan Yesus, Tuhan kita, dari antara orang mati,
4:25 yaitu Yesus, yang telah diserahkan karena pelanggaran kita dan dibangkitkan karena pembenaran kita.
Dipatorang apostel Paulus do tu
huria Rom, ndada ala hatigoranta malua hita sian dosanta, asi ni roha ni Debata
sambing do haluaonta. Domu tusi do na pinatudos ni apostel Paulus di turpuk on
tu hadirion ni si Abraham. Nada ala adong na denggan umbahen dipillit Jahowa
ibana, asi ni roha ni Jahowa sambing do i. Marsual ruas ni huria na di Rom
taringot tu dalan haluaon. Horong ni Jahudi mandok marhite na mangulahon Patik
do malua jolma sian dosa, angkup ni haporseaon tu Jesus. Alani ma dipatorang
apostel Paulus di turpuk on, ndada ala pambahenan ni si Abraham umbahen tigor
ibana di jolo ni Debata. marhite hadirion ni si Abraham, naeng patorangon ni
apostel Paulus, ndada ala pambahenan ni jolma umbahen na tigor jolma di jolo ni
Tuhan i, ala haporseaonna do. Dihaholongi Debata do hita nang pe so adong
tabahen na denggan tu Ibana.
Mansai tarbarita do goar ni ni si
Abraham di Padan Narobi dohot di Padan Naimbaru, jala sahat tu partingkian si
nuaeng on pe mura do diingot halak goar ni si Abraham. Tarbarita do si Abraham
alani haporseaonna na togu tu Tuhan i. Hatotogu ni haporseaon ni si Abraham
nunga patar marhite pangoloionna di panjouon na pinasahat Tuhan i tu ibana asa
bungkas manadinghon tano hatubuanna jala lam patar haporseaon ni si Abraham
marhite pangoloionna di parsuruon ni Debata laho mamelehon anakna si Isak. Sada
ujian na balga do uju disuru Debata si Abraham mamelehon si Isak. Alai
sasintongna ndada holan i ujian na diadopi si Abraham jala dibagasan ujian i
boi dipapatar si Abraham haporseaonna di jolo ni Tuhan i. Ujian na nidok disi i
ma ‘ujian partingkian’. Boasa didok songon i? Manaili ma jolo hita marnida mula
ni panjoun na dipasahat Tuhan i tu si Abraham. Di 1 Musa 11: 30 ‘alai na hol do
anggo si Srai, ndang adong tubuna’. Nang pe nunga didok ‘na hol do si Sarai’
alai dipasahat Debata do baga-baga tu si Abraham: ‘hubahen pe ho gabe bangso na
bolon’ (1 Musa 12: 2), jala di 1 Musa 12: 4 didok do ‘marumur pitu pulu lima
taon si Abraham di na bungkas ibana sian Haran. Alai dung pe marumur saratus
taon si Abraham asa sorang si Isak anakna i (1 Musa 21: 5).
Sian hatorangan i boi ma botoonta
ganjang situtu do partingkian di si Abraham paimahon baga-baga ni Debata. Dua
pulu lima taon ma lelengna ibana paima-ima hapapatar ni baga-baga i, di
pomparan naung leleng dipaima-ima ibana. Alai di ganjang ni partingkian i
tangkas do dipatorang di turpuk on: ‘Ndang olo gale haporseaonna i paida-ida
pamatangna na hira so mangolu be, ai nunga saratus taon ne umurna, nang
paida-ida si Sara naung saep ladang i’ (ay. 19). Sian hajolmaon ndang adong be
na tuk sipatupaonna asa boi marpinompar ibana. Alai saluhut na masa i jala
saluhut hagaleonna i ndang tu mangambati rohana manongtong porsea tu Tuhan i. I
do na tung mansai uli na boi idaonta sian ngolu ni si Abraham. Alani tama
situtu ma ibana didok ‘Ama ni angka na porsa’. Ala tutu tangkas boi idaon
haporseaon na togu di diri ni si Abraham. Nang pe gale pamatangna alai ndang
gale haporseaonn. Nang pe nunga rambonon nang simalolongna alai tiur do
tongtong simalolong partondionna manatap tu huaso ni Debata. ndang ganggu
rohana di saluhut hahurangan nang hagaleon na masa tu dirina. Alani do umbahen
na dirajumi i gabe hatigoranna. Ndang halak na sintong si Abraham, halak
pardosa do nang ibana, alai alani haporseaonna na togu di jolo ni Debata gabe
dirajumi ma ibana gabe sintong. Ndang ala ni denggan jala tama ni parulaon ni
si Abraham, alai tung alani haporseaonna do umbahen na dirajumi i gabe
hatigoranna jala dipatau ibana gabe ama ni angka na porsea.
Gabe sada sunggulsunggul na arga
ma on tu hita. Naeng tatiru ma si Abraham na tongtong pos situtu rohana di
huaso ni Debata. Manang aha pe na masa di bagasan ngolunta, unang gabe gale
manang ganggu rohanta manghaporseai Tuhan i. Nang gale pamatangta alai molo
rohan nang haporseaonta naeng tongtong togu. Unang mura mandele hita molo ndang
pintor maralus tangiangta di jolo ni Tuhan i. Molo songon na leleng pe tahilala
alus ni tangiang dohot pangidoanta tu Tuhan i, tarlumobi molo songon na lam dao
do tahilala alus ni tangiang i gabe hira na maol jumpangta, alai unang ma gabe
dao rohanta sian Tuhan i. Naeng tongtong tartuju rohanta dohot haporseaonta tu
Tuhan i.
Naeng tangkas hita manatap tu asi
ni rohaNa huhu naeng togu nang panghirimonta tu Ibana. Pos ma tongtong rohanta
‘sangkap hasonangan do sangkap ni Tuhan i di ngolunta (Jer. 29: 11). Molo
songon na rahis jala maol tahilala dalan ni ngolunta, songon na so tuk tanganta
sohot simanjojakta mardalan disi ala gale tahilala, alai naeng tongtong pos
rohanta di huaso ni Tuhan i. Ibana do Ama Pargogo na so hatudosan, na tuk
mangurupi hita mangadopi ragam ni hamaolon na masa di ngolunta. Marhuaso do
Tuhan i mangalehon dalan tu hita asa sumisi angka na tau mangambati dalanta tu
hasonangan i.
Asa manang aha pe na masa di ngolunta, las ni roha tarlumobi arsak ni roha, naeng tongtong hita porsea tu Tuhan i. Unang lohot roha dohot pingkiranta holan tu angka hamaolon na masa i, alai naeng sai manatap hita tu asi dohot holong nang huaso ni Tuhan i. Asa molo tartuju rohanta tu Ibana, dapot hita ma gogo mangadopi angka na masa i, dapot hita ma gogo laho manguduti ulaon nang ngolunta, dapot hita ma gogo laho manambor-nambori haporseaonata tu Ibana. Alani huhut ringkot taingot ma hata ni Jesus na mandok: ‘Haporseaonmi do na pangoluhon ho’. Nuga ro Jesus tu portibi on laho mangondihon hita jala paluahon hita. Alani tajanghon ma haluaon na pinarade ni Tuhan i dibagasan panghirimon dohot haporseaon na mangolu. Asa manang aha pe na masa tongtong ma tapasahat dirintatu Ibana jala tapangasahon ma Ibana. Antong tongtong ma tahaporseai Tuhan i. Asa di na porsea hita tu Tuhan i, gabe i ma dirajumi bahen hatigoranta. Dipatau Tuhan i ma hita gabe pintor jala dipatau hita mandai denggan ni basaNa di ngolunta.
Post a Comment for "Khotbah Roma 4: 18-25 Allah Memperhitungkan Iman Sebagai Kebenaran"