Khotbah Yesaya 40: 21-31 Tuhan adalah Allah yang Kekal
Minggu Sexagesima; 04 Februari 2024
40:21 Tidakkah kamu tahu? Tidakkah kamu dengar? Tidakkah diberitahukan kepadamu dari mulanya? Tidakkah kamu mengerti dari sejak dasar bumi diletakkan?
40:22 Dia yang bertakhta di atas bulatan bumi yang penduduknya seperti belalang; Dia yang membentangkan langit seperti kain dan memasangnya seperti kemah kediaman!
40:23 Dia yang membuat pembesar-pembesar menjadi tidak ada dan yang menjadikan hakim-hakim dunia sia-sia saja!
40:24 Baru saja mereka ditanam, baru saja mereka ditaburkan, baru saja cangkok mereka berakar di dalam tanah, sudah juga Ia meniup kepada mereka, sehingga mereka kering dan diterbangkan oleh badai seperti jerami.
40:25 Dengan siapa hendak kamu samakan Aku, seakan-akan Aku seperti dia? firman Yang Mahakudus.
40:26 Arahkanlah matamu ke langit dan lihatlah: siapa yang menciptakan semua bintang itu dan menyuruh segenap tentara mereka keluar, sambil memanggil nama mereka sekaliannya? Satu pun tiada yang tak hadir, oleh sebab Ia maha kuasa dan maha kuat.
40:27 Mengapakah engkau berkata demikian, hai Yakub, dan berkata begini, hai Israel: "Hidupku tersembunyi dari TUHAN, dan hakku tidak diperhatikan Allahku?"
40:28 Tidakkah kautahu, dan tidakkah kaudengar? TUHAN ialah Allah kekal yang menciptakan bumi dari ujung ke ujung; Ia tidak menjadi lelah dan tidak menjadi lesu, tidak terduga pengertian-Nya.
40:29 Dia memberi kekuatan kepada yang lelah dan menambah semangat kepada yang tiada berdaya.
40:30 Orang-orang muda menjadi lelah dan lesu dan teruna-teruna jatuh tersandung,
40:31 tetapi orang-orang yang menanti-nantikan TUHAN mendapat kekuatan baru: mereka seumpama rajawali yang naik terbang dengan kekuatan sayapnya; mereka berlari dan tidak menjadi lesu, mereka berjalan dan tidak menjadi lelah.
Bongot
ma hita nuaeng tu Minggu Sexagesima (60 ari andorang ari haheheon). Hata ni
Debata na mamanghulingi hita marhite panurirang Jesaya na mangapuli bangso
Israel tingki tarbuang di Babel. Porsuk jala lungun do dihilala bangso I siala
haleaon ala digomgomi bangso na leban. Mansai sangap do nasida uju I diuluhon
angka raja na miniahan ni Jahowa di habangsa ni si Daud di Jerusalem. Tarbarita
haulion ni bangso I maradophon angka bangso na di humaliang. Alai, di tingki
adong haulion I huhut mansai denggan parngoluon ni bangso I, ditadinghon do
Jahowa jala dipasiding uhum hatigoran ni
Debata. Masa angka harorangon dohot pangarupaon. Marbonsir siala pangalaho I ma
diloas Jahowa nasida ditaban bangso Babel jala bangso na leban I do dipangke
maminsang. Nunga leleng nasida di habuangan I, masihol jala tarpaima di
tingkina, sadihari ma boi mulak tu bonapasogit, tano parpadanan ni Jahowa tu
ompunasida, tano na pinarbagabaga. Uju tungki sude bangso I, ro ma
panurirangion sian si Jesaya, I ma sunggulsunggul, sipaingot, sosososo dohot
boaboa asa unang mandele nasida alai asa hot marhaporseaon di gogo nang huaso
ni Jahowa.
Diparata
panurirang Jesaya do parningotan ni bangso Juda na tarbuang I huhut
dipasunggulhon hinabalga ni Jahowa marhite angka sungkun sungkun. Nunga diida
ibana mansai lungun dihilala bangso I siala haleaon na msa tu Sion. Siala ni I
do tung mansai godang tudosan dipaboa taringot tu pambahenan ni Debata .
dipatangkas parningotan nasida tu angka pambahenan ni Jahowa. Ai ndang adong
huaso na tuk mangambati sangkap ni Jahowa jala ndang adong gogo tudoshon
Jahowa. Hot do uari ni Jahowa tu ompunasida, ndang na diambolongkon Ibana
bangso I nang pe ingkon marsingkor satongkin.
Nang pe
naung tangkas dipaandar si Jesaya taringot tu huaso dohot habalgaon ni Jahowa,
ndang manigor mura bangso I manjalo barita i. Boasa? Ala tong dope diadopi
nasida sude na masa di tano Babel. Siala dangol ni parniahapan na niae ni
bangso I umbahen maol siat tu pingkiran nasida sangkap hatuaon sian Jahowa.
Borhat sian pangantusion I do sai ruar
ungut-ungut sian pamangan ni bangso I mandok buni dalan nasida maradophon
Jahowa jala ndang maruli uhum sian Debata (ay. 27). Ndada holna I, di angka
turpuk na asing didok nasida do naung dihalupahon manang dipasombu Jahowa
bangso i. Hira naung mago do partondion dohot haporseaon nasida tu Debata siala
haporsuhon na niadopan ni bangso I di Babel, ala mansai dao sian bona pasogit
dirajumi do I dao sian Debata, ala so ada bagas joro na badia di Babel, inganan
laho marsomba tu Jahowa. Nunga mansai holom diida bangso I poribi on, jala hira
naung mago haporseaon dohot panghirimon nasida tu Jahowa.
Ndada
holan sian haporseaon naung magopu bangso I mangandungi, ala dihilala naung
ditadingkon Jahowa nasida. Diida nasida do nang habalgaon, haulion, hagogoon ni
harajaon Babel na mansai timbo. Lam tarmali tondi do nasida siala sude na niida
nasida i. Andul umbalga jala gumogo do Babel sian Jerusalem. Mangalusi
pangantusion I do hata ni panurirang Jesaya laho paingothon luhut bangso I,
mandok ia Jahowa, Debata Sitompa langit dohot tano on, Ibana do na manjadihon
nasa na adong. Ndang adong agia ise na mangatasi Ibana. Sian lomo ni rohaNa
umbahen jadi nasa na adong di tano on. TanganNa na sun gogo I do marhabangsa,
mangarajai laut dohot tano, pahembang angka langit jala na mambahen angka
panggomgomi gabe soada huhut mambahen angka panguhum gabe marlea.
Dipaandar
panurirang Jesaya huhut hatandion ni Jahowa sian nasa huaso na adong di portibi
on. Mangalusi sungkun sungkun taringot tu hadirion dohot hajongjongan ni Jahowa
do ro panurirang Jesaya. Ndang na parungkilon ni bangso I na dialusi, songon dia
nasida mangadopi alai paandarhon Jahowa sandiri na so tarpatudos tu harajaon ni
Babel. I do umbahen ro hata ni Jahowa na mandok di ayat 28: Atehe, ndang diboto
ho, manang ndang dung dibege ho, Debata salenglelengna do Jahowa sitompa angka
ujung ni tano on ndang olo loja manang mandate Ibana, jala ndang hadodoan
pingkiranNa i. Dia do lapatan ni pandohan i? Ndang pingkiran manang utok utok
bahenon laho mananda Debata. Ndang tuk pingkiran ni jolma I laho patoranghon
hadirion ni Debata. On do sipata na mansai maol siat tu roha ni jolma na tongon
mangadopi hamaolon. Dituhuk do na mansai dokdok tu abarana, diporsan na borat
di simajujungna ala ndang olo manompashon luhut na pasorat ngoluna tu Jahowa.
Molo ro marsorin angka hamaolon, parungkilon, arsak, sitaonon, sai holan ibana
dietong na manaon, gabe dipaholang manang sumurut ibana sian donganna. Gariada
olo do sipata ndang ditanda be haburjuon ni Debata naung hea didai di angka
partingkian naung salpu.
Ndada holan apul apul manang apo apo hata ni panurirang Jesaya tu bangso i. hira na mangunjuni do panurirang I tu nasida uju didok “Ibana balik mangalehon gogo tu na loja, jala dipargogoi situtu angka na so margellok” (ay. 29). Sumuang do gogo dilehon Debata tu angka na loja. Taingot do ra nang jamita ni Jesus na mandok, “Ro ma hamu tu Ahu, hamu angka na loja jala na sorat, asa hupasonang hamu” (Mat. 11: 28). Molo loja hita manang uju sorat ingkom pasahaton do na masa I tu adopan ni Debata. Ingkon sai rap dohot Debata do hita mandalani ariari ni ngolunta. Dia pen a masa, arsak, las ni roha, sitaonon dohot angka parungkilon na so jadi holan hita mangadopisa.
Post a Comment for "Khotbah Yesaya 40: 21-31 Tuhan adalah Allah yang Kekal"