Khotbah Ibrani 10: 16 - 25 Yesus membuka jalan yang baru dan hidup
Jumat Agung, 29 Maret 2024
10:16 sebab setelah Ia berfirman: "Inilah perjanjian yang akan Kuadakan dengan mereka sesudah waktu itu," Ia berfirman pula: "Aku akan menaruh hukum-Ku di dalam hati mereka dan menuliskannya dalam akal budi mereka,
10:17 dan Aku tidak lagi mengingat dosa-dosa dan kesalahan mereka."
10:18 Jadi apabila untuk semuanya itu ada pengampunan, tidak perlu lagi dipersembahkan korban karena dosa.
10:19 Jadi, saudara-saudara, oleh darah Yesus kita sekarang penuh keberanian dapat masuk ke dalam tempat kudus,
10:20 karena Ia telah membuka jalan yang baru dan yang hidup bagi kita melalui tabir, yaitu diri-Nya sendiri,
10:21 dan kita mempunyai seorang Imam Besar sebagai kepala Rumah Allah.
10:22 Karena itu marilah kita menghadap Allah dengan hati yang tulus ikhlas dan keyakinan iman yang teguh, oleh karena hati kita telah dibersihkan dari hati nurani yang jahat dan tubuh kita telah dibasuh dengan air yang murni.
10:23 Marilah kita teguh berpegang pada pengakuan tentang pengharapan kita, sebab Ia, yang menjanjikannya, setia.
10:24 Dan marilah kita saling memperhatikan supaya kita saling mendorong dalam kasih dan dalam pekerjaan baik.
10:25 Janganlah kita menjauhkan diri dari pertemuan-pertemuan ibadah kita, seperti dibiasakan oleh beberapa orang, tetapi marilah kita saling menasihati, dan semakin giat melakukannya menjelang hari Tuhan yang mendekat.
Pesta parningotan di hamamate ni Tuhan Jesus Kristus do
na tahalashon di bagasan sadarion. Diangka na deba mamingkiri pesta parningotan
di hamamate ni Jesus Kristus tak masuk akal. Boasa ndang masuk akal ala adong
do na deba mandok ia pesta parningotan hamamate ni Jesus mansai maol tarjalo
rohana. Tung tarbahen ma marpesta marningot hamamate ni sasahalak? Tarlumobi ma
hamamate ni Jesus na mate tarsilang Ibana di hau pinarsilang i kematian yang
tidak wajar. Ndang tarjalo roha ni hita jolma hamamate na sisongoni na mate
tarsilang Ibana. Ibana Tuhan na marhuaso di ginjang ni saluhut, jala jolma na
burju, ni bisuk, na so hea mangulahon dosa, alai ingkon mate tarsilang. Sian
pamikiran ni hajolmaon mandok, Ia hamamate ni Jesus sada skandal di sejarah ni
hajolmaon do. Boasa dohononna songoni?. Molo hona uhum na so marsala, skandal
do i. tarlumobi ma molo hona uhum na umborat sian saluhut uhuman, i ma na
tarpajal di hau pinarsilang. Hape Jesus sandiri ndang adong mangulahon na
maralo tu uhum. Ndang adong dasar mandabu uhum tu Jesus. Asa tangkas naeng boto
on ni jolma i marhite hamamatena di hau pinarsilang i ima sada bukti holong ni
Debata tu hita jolma on dibuka Ibana dalan naimbaru tu hanguan i. Ibana sandiri
do mangalehon ngoluNa asa malua hita jolma on sian hamatean. Didok Jesus “Ahu
do dalan hangoluan i na so adong sahat tu Ama i molo so marhite Ahu”. Artina
dibuka Jesus dalan nimbaru tu hangoluan i.
Di patorang do di turpuk jamita on ima pambahenan ni
Jesus na mangalehon hangoluan ima marhite na dibuka Jesus dalan naimbaru tu
hangoluan tu sude jolma. Haluaon na salelenglelengna diharingkothon jolma ala
sasitongna jambar ni jolma ima hamatean salelenglelengna do hinorhon ni dosa ni
si Adam dohot si Hawa jolma na parjolo i, huhut ala ni dosa na taula di
ngolunta i. ido umbahen di Roma 6:23 “Ai upa tinuhor ni dosa do hamatean”
Jambarta ima hamatean ala ndang pulut roha ni Debata jolma na tinompaNai tu
hamatean, ala ni i disuru ma anakNa Tuhan Jesus ro tu portibion asa marganti
gabe hangoluan salelenglelengna songon na tarsurat di ayat 16-20. Tutu do rade
do haluaon i tu sude jolma so mardia imbar bangso, nang status ekonomi, sosial
dohot politik. Alai sian turpuk on dipangido sian hita pangolaion tu Jesus
Sipalua i, ala dibungka do dalan na imbaru tu parngoluanta. Alani tadapothon ma
marroha na sintong, dibagasan hagogok ni haporseaon (Heber 10:22).
Mandapothon Debata lapatanna nioloan jala ni haposan
Ibana dibagasan roha na ias. Boi do lupa hita mandapothon Debata ala dilalapi
portibi on hita. Dilehon Debata do tu hita tingki mangolu di dua inganan na
marasing situtu, diportibi on dohot di inganan na hot i. Torop do na lalap di
portibi on, ndang diparade rohana mangeahi inganan na hot i. Mandapothon Debata
lapatanna marsaor jala mangulahon lomo ni rohaNa. Halak na marsaor dohot Ibana
do na gomos maniop panghirimon i (ay. 22). Mura do menggol haporseaon ni jolma
alani portibi on, lumobi ala ndang adong pos ni roha. Ala ro insak-insak sian
halak Jahudi tu halak Kristen na parjolo i, gabe ganggu nasida di hakristenon
i, jala naeng mulak tu hajahudion. Alani ma disosoi nasida, asa gomos maniop
panghirimon i. Alani situasi na songon i, mansai ringkot do huria na parjoloi
nang sinuaeng on unang ma nian holan di dirina jolma i mangolu alai naeng ma
masitumpahan. Ngolu na masitumpahan dipatorang panurat Heber on marhite, na
masipajujuan, masipaingotan, masipodaan asa margogo na gale, tarapul na marsak,
marpanghirimon na mandele. Marhite angka pandohan i dipaingot angka na porsea
asa mambahen dirina gabe las ni roha di dongan. Mate Jesus ndada ala ringkot tu
diriNa, na ringkot tu jolma do asa malua sian dosana. Penjabaran ni lapatan ni
hamamateNa i do sipatupaonta di parngoluonta siganup ari. Mangolu hita ndada
holan di dirinta alai na ringkot nang di dongan do.
Pesta parningotan hamamate ni Jesus on (Jumat Agung)
paingothon hita dihamamate ni Jesus di haupinarsilang i pola ditaon Ibana
insakinsak, reherehe, hona tijur dohot hona linsinglinssing sahat tu natarpajal
di hau pinarsilang laho manobus hita. Tung ise ma ahu di adopan ni Debata, pola
ingkon durus mudar ni Tuhan i, jala pola mate Ibana di hau pinarsilang i ala ni
dosangku. Ima sada bukti holang ni Tuhan i tu hita nungga dilean diriNa tu
hamatean i alani dosaku mansai arga do hita di Tuhan i. ndang diloas hita mate,
ndang diloas hita dihaholomon dipadomu do hita dohot Ama i asa malua hita sian
dosa dohot hamatean i tadok ma tung na martua ma hita, angka naung tinobus ni
Tuhan i. gabe partohap hita di haluaon dohot hangoluan na salelenglelengna.
Alani rap ma hita mandok: na so hita be mangolu didirinta alai Kristus nama,
alani ingkon Ibana nama na ta oloi. Molo mandok sidohononta hita, ingkon
sungkunonta, hombar do i tu lomo ni roha ni Kristus. Molo naeng mangula
siulaonta hita isaran di partigatigaan manang di parkarejoanta hombar do tu
lomo ni roha ni Kristus. Molo mambahen rencana hita taringot tu ulaonta, na
ingkon sungkunonta ma, dibagasan pangoloion tu Jesus do na tarencanahon manag
tu portibi on. Manghaporseai na mate Jesus Kritsus humongkop hita, ndang sai
holan di roha nang pingkiran alai ingkon tarida do marhite parange si ganup
ari, ima parange na hombar tu lomo ni roha ni Debata.
Topik pesta parningotan di jumat Agung Ari hamamte ni Tuhan Jesus Kritus sadarion mandok: dibungka Jesus dalan na imbaru tu hangoluan. Tahaporseai ma Jesus sian nasa rohanta, jala tapasahat ma sude ngolunta tu Ibana. Nungga ro Tuhanta i gabe jolma holan laho humongkop hita. Pangoloi do Ibana di Debata nang pe ingkon marsitaonon asal malua hita, songoni ma nang hita, pangoloi ma hita di Tuhan Jesus, siboan haluaon salelenglelengna tu hita. Amen
Post a Comment for "Khotbah Ibrani 10: 16 - 25 Yesus membuka jalan yang baru dan hidup"