Khotbah Matius 21: 1 - 11 Lihat Rajamu datang kepadamu

 Minggu Palmarum; 24 Maret 2024

21:1 Ketika Yesus dan murid-murid-Nya telah dekat Yerusalem dan tiba di Betfage yang terletak di Bukit Zaitun, Yesus menyuruh dua orang murid-Nya

21:2 dengan pesan: "Pergilah ke kampung yang di depanmu itu, dan di situ kamu akan segera menemukan seekor keledai betina tertambat dan anaknya ada dekatnya. Lepaskanlah keledai itu dan bawalah keduanya kepada-Ku.

21:3 Dan jikalau ada orang menegor kamu, katakanlah: Tuhan memerlukannya. Ia akan segera mengembalikannya."

21:4 Hal itu terjadi supaya genaplah firman yang disampaikan oleh nabi:

21:5 "Katakanlah kepada puteri Sion: Lihat, Rajamu datang kepadamu, Ia lemah lembut dan mengendarai seekor keledai, seekor keledai beban yang muda."

21:6 Maka pergilah murid-murid itu dan berbuat seperti yang ditugaskan Yesus kepada mereka.

21:7 Mereka membawa keledai betina itu bersama anaknya, lalu mengalasinya dengan pakaian mereka dan Yesus pun naik ke atasnya.

21:8 Orang banyak yang sangat besar jumlahnya menghamparkan pakaiannya di jalan, ada pula yang memotong ranting-ranting dari pohon-pohon dan menyebarkannya di jalan.

21:9 Dan orang banyak yang berjalan di depan Yesus dan yang mengikuti-Nya dari belakang berseru, katanya: "Hosana bagi Anak Daud, diberkatilah Dia yang datang dalam nama Tuhan, hosana di tempat yang mahatinggi!"

21:10 Dan ketika Ia masuk ke Yerusalem, gemparlah seluruh kota itu dan orang berkata: "Siapakah orang ini?"

21:11 Dan orang banyak itu menyahut: "Inilah nabi Yesus dari Nazaret di Galilea."

Minggu Palmarum ima minggu parningotan habobongot ni Tuhan Jesus tu Jerusalem, di na mardalan Jesus laho bongot tu Jerusalem dibolus torop jolma  jala sude do natorop i marende, marsuraksurak manjouhuon: Hosianna, pinasupasu ma na ro di bagasan Tuhan i, laos dipahembang natorop i angka ulosna dohot maremare (palma). Molo tajaha panorangion ni angka pande bisuk, ia maremare (daun palem) ima simbol hamonangan. Ala manomu haroro ni raja do minggu sadari on, tubu ma nuaeng sungkunsungkun tu hita, songon dia do hita manomu sahalak raja Sipalua i?

Turpuk on ima udut ni turpuk na dibindu nadijolona. Andorang i di kota Jerikho do Jesus maringan jala patupahon halongangan marhite na pamalumhon dua halak na mapitung. Dungkon sian i borhat ma Ibana tu Jerusalem, jala angka jolma na sian Jerikho torop do na mangihuthon Ibana. Andorang so mamasuhi Kota Jerusalem, dipasanga Jesus do mamasuhi kota Betfage, boasa dipasanga, siala adong na ringkot di rohaNa sipatupaon disi. Dungi disuru Jesus ma dua halak siseanNa asa laho tu huta na dijolona mambuat halode boruboru dohot anakna. Ndang apala dipaboa ise di sisean na sinuruNa i. Jala na mansai menarik di ayat 2 on ima, dimulanai didok Jesus do berengon nasida ma tambat disi halode sada rap dohot anakna, alai gabe duansi do muse diboan siseanNa i. Molo pandok ni na deba, ringkot do boanon halode i dohot indukna asa menak halode i. Ido umbahen asa diboan dua halode i, siala molo tajaha di evangelium sinoptik na asing dipaboa do Jesus na manuru asa mambuat anak ni halode i. Holan halode naposo do sihundulan ni Jesus manang jantan songon naung sinurirangkon Panurirang Zakaria. Jala molo di bahasa aslina anak ni halode manang halode naposo i ima halode jantan. Dung i na mambahen longang roha; ima Parbinotoan ni Jesus. Boha do diboto jolma mamboto adong tartambat halode di huta sada ? On ma pangalaho na patuduhon ia Jesus ima Debata jala na mamboto sude angka na tinompaNa. Dungi hagogok ni bagabaga na binaritahon di Zakaria 9 : 9 , “na ro ma rajam tumopot ho, partigor ibana jala siparmonang; na serep do rohana jala marsihundul di halode dohot di anak ni halode inaina”

On ma sada bohal alus ni sisean i molo ro sungkunsungkun manang na menegor nasida, tagamon ro ambatamabat dinalaho mambuat halode i, siala ndang nasida nampunasa i, jala unang dibuat dohot paksaan, manang so marpaboa so parbinoto nampunasa. Didok do asa dialusi “Na ringkot do i di Tuhan i”, adong do disi kejujuran, jala gabe parsiajaran tu hita molo naeng manginjam naeng ma jujur  hita disi.

Bagabaga dohot hagogokna. Dibagasan turpuk on adong do bagabaga na ingkon digohi sian Zakaria 9 : 9. Jala on ma sada ciri khas ni Buku Mateus sian evangelium na asing, siala holan Evangelium Mateus do na manaringoti bagabaga na masa dison. Molo na tarsurat di Zakaria 9:9-10 nunga dibagabagahon Panurirang Zakaria taringot tu Mesias na naeng ro na serep roha na ro marhite anak halode, ndada marhite hoda na somal dipangke tu parporangan. Dipaboa si Zakaria do taringot tu Mesias i ima Raja Hadameon, na mambaritahon Hadameon tu angka bangso. Naeng do dipatuduhon Jesus hadirionNa laho mamboan hatiuron tu bangso Rom, ndang ro Ibana marhite parangan nang dohot sinjata alai marhite HOLONG do. Hape molo dipingkiran ni torop halak Israel, naeng ma haroro ni Mesias i laho paluahon nasida sian panggomgomi Rom, jala ro ma nian marhitehite hoda porang, alai sabalikna na ro do Ibana mamangke halode naposo. Dipatuduhon Jesus do harorona ndang mambahen mabiar halak alai mambahen sonang panghilalaan na marnidasa.

Sigop do sisean na dua i manjalo parenta ni Jesus dohot mangulahonsa, ndang adong biar ni roha nang sungkunsungkun di diri siala Jesus do na menjamin pardalanan nang ulaon nasida. Diulahon do songon nanidok ni Jesus tu nasida, ndang adong asing ni i. Loas gabe sada tiruan do on di angka siihuthon Kristus nuaeng on manang angka halak Kristen i; naeng ma mangulahon Hata ni Tuhan i, dibagasan bulus ni roha. Diampehonnasida ma ulos nasida tu atas ni halode i, napatuduhon dihormati nang dipasangap nasida do Jesus i, ndang olo nasida mamereng Jesus langsung hundul diatas halode i. Dipatuduhon do disi Jesus ima Raja na serep marroha, na so pola mangharingkothon kemewahan. Jala paboa na dipelehon siseanNa i do paheanna laho manghobasi Jesus Kristus; ima bentuk penghormatan tu Jesus songon  raja sipalua nasida sian panggomgomi Rom. Dungi mangihut ma angka jolma na mangihuthon Ibana mameakhon angka paheannasida be songon alas kaki.  Pangalaho sisean i dohot torop jolma i laho mamparsangapi songon na somal masa tu angka raja di tingki i. Jadi tangkas ma aha naung diulahon angka siseanNa i na mambahen abitnabe sada bentuk penghormatan do i ia Jesus ima raja sipalua na hombar tu pamingkirionnasida na boi patupa haluaon sian panggomgomi Rom.

          Pandapot ni torop jolma marnida haroro ni Jesus ima marhite na mameakhon angka abit nasida be tu dalan, adong muse na manalingki ranting ni hau jala mameangkon i tu dalan i. Pangalaho i patuduhon hormat nasida laho pasangaphon Jesus na nidok rohana rajanasida dohot Mesias na talup paluahon nasida sian bangso Rom jala na boi manguluhon bangsonasida Israel muse. Paherbangkon abit dohot na mameakhon angka ranting ima naung somal diulahon nasida di tingki pesta parlapelapean na melambangkan haluaon, hamonangan jala las ni roha. Mansai luar biasa do las ni roha nasida i sahat tu na mangampehon abitnasida dohot angka ranting ni hau pe dibahen do, na marlapatan ala las ni rohanasida sude pe pasahathon nasida do tu Jesus i ima Mesias Raja nasida.

Pandohan hata “Hosana” di ayat 9 on marharoroan sian Psalmen 118: 25, lapatanna” lehon dihami haluaon. Alai dimasa ni Jesus parhataan i nunga maralapatan panjouon: “mangoluma” dungi diuduti muse mandok :  Anak ni Raja Daud. Pandohan; “Pinasupasu ma na ro marhitehite Goar ni Tuhan i” ima na binuat sian Pslm.118:26, somal do dipangke halak Jerusalem parhataan i laho paboahon “selamat datang” tu angka jolma na mamasuhi huta Jerusalem laho mandohoti angka pesta ni Tuhan di Bagasjoro. Angka na ro tu Bagasjoro dibagasan goar ni Tuhan i, na marlapatan na ro do nasida marhitehite na mandok Tuhan do Debata nasida (ptds. Jer.23:5; 33:15). Dungi gaor ma na sahuta i, namarlapatan masa halongangan, na so panagam masa sian torop jolma.

Goar ni minggunta ima Minggu Palmarum: maremare ma lapatanna asa tajangkon haroro ni Jesus Kristus i dibagasan ngolunta ganup marhitehite olopolop las ni roha dohot dame nabinoanNa i tu hita. Asa hajongjonganta nang hadiriontanta di bagasta be, di lingkunganta, nang di negaranta on naeng ma siboan las ni roha dohot dame. Ai ido arga ni sian gok ni arga ni lapatan Banuaginjang i di ngolunta, jala songon tangiangtai do i:”... sai saut ma lomo ni rohaM di banuatonga on songon  na di Banuaginjang”, tapapatar ma Harajaon ni Debata marhite Dame na sian Kristus i, asa gabe si pardame nang siboan las niroha hita di portibi on. Amen.