Khotbah Yeremia 31: 35 - 37 Ketetapan Tuhan tidak akan berubah

Minggu Judika; 17 Maret 2024

31:35 Beginilah firman TUHAN, yang memberi matahari untuk menerangi siang, yang menetapkan bulan dan bintang-bintang untuk menerangi malam, yang mengharu biru laut, sehingga gelombang-gelombangnya ribut, -- TUHAN semesta alam nama-Nya:

31:36 "Sesungguhnya, seperti ketetapan-ketetapan ini tidak akan beralih dari hadapan-Ku, demikianlah firman TUHAN, demikianlah keturunan Israel juga tidak akan berhenti menjadi bangsa di hadapan-Ku untuk sepanjang waktu.

31:37 Beginilah firman TUHAN: Sesungguhnya, seperti langit di atas tidak terukur dan dasar-dasar bumi di bawah tidak terselidiki, demikianlah juga Aku tidak akan menolak segala keturunan Israel, karena segala apa yang dilakukan mereka, demikianlah firman TUHAN.

Adong hata na malo mandok “sangguling obuk do anggo roha ni jolma”. Sian hata on tontu nungga taboto arah manang lapatan ni hata on namandok “sangguling obuk do roha ni jolma”. Namarlapatan anggo roha ni jolma manang hata hata ndang boi sitiopon manang ndang hot di pangkataionna boi do satokin muba. Adong do halak berengon saonari burju ndang sadia leleng berengon nungga takang, saonari berengon tangkang tokinnai boi do berengon burju. Anggo roha ni jolma ndang boi hot sai maubaubah do i. mangihuton hatorangan panurirang Jeremia on marasing do hita jolma dohot Debata. Boasa marasing? Anggo hata ni Debata hot do i ndang maubauba (perkataan Tuhan tidak pernah berubah dari dulu sampai sekarang Dia tidak pernah berubah). anggo Debata aha na di hatahon Ibana diingot Ibana do i jala ndang di halupahon Ibana i songon tu si Abraham dohot si Nuh adong padan naung dibaen Debata. Songon tema jamita “Hot Do pangaturhonon ni Debata” janji Tuhan tidak akan pernah berubah bagi umatNya.

Sada fakta sejarah na ni adopan ni bangso Israel maradophon Debata i ma: dipillit Debata nasida gabe bangsona, dilehon Debata patikNa jala dipaboa sangkap nirohana tu bangso i asa mangoloi Debata. Alai sai na olo do bangso i tumundalhon patik ni Debata, akhirnya hona uhum ma bangso i. Ala hona uhum ni Debata bangso i gabe disolsoli nasida do muse pardosaon nasida i, ala manolosolu do nasida pardosaonnai tu Debata gabe mulak ma muse asi ni roha ni Debata tu nasida gabe dijangkon Debata ma muse bangsoNai. Mangihuton hatorangan Panurirang Jeremia pangalaho ni bangso i ndang hot, pangalaho nai sai olo mulakhulak manimbil sian dalan na tinotophon ingkon di adopi do i marhite na manurathon langsung patik ni Debata dibagasan roha ni jolma i sandiri, jala on ma na digoari “Padan Naimbaru” na manguduti manang paimbaruhon padan Narobi naung pinungka ni Debata maradophon ompu nasida uju dibuan nasida ruar sian tano Mesir. Namarpadan do Debata tu bangsoNa marhite na mangalehon patikna tu si Musa. Dipamasuk do i tu poti na margoar poti parpadanan. Sai dipamboanboan nasida do poti parpadanan on songon uluan di jolo dohot parningotan di asi ni roha ni Debata. Atik pe songon i sai na manimbil do nasidaujung na tarbuang. Ditingki habuangan di Babel dipaingot Jeremia on na patupaon ni Debata tu bangso i di sada tingki haimbaruon; na ro do angka ari sogot, ninna Jahowa, pungkaonku ma padan na imbaru tu pinompar ni Israel dohot tu pinompar ni si Juda

Asa unang manimbil be bangsoNai asa hot pada na binahen ni Debata tu nasida didok Debata ma tu bangso i “lehononku ma patikku tubagasan ateate nasida jala suratononku do i tu bagasan rohanasida, asa ahu gabe Debata nasida, jala nasida gabe bangsoKu. Songonon do hata ni Jahowa, na mangalehon mata ni ari gabe panondang arian, aturan ni bulan dohot angka bintang gabe panondang borngin, ibana mangunsang laut, gabe marhasak galumbangna, Jahowa Zebaot do goarna. Ia padan ni Debata naimbaru mambaen perubahan tu hadiron ganup halak na porsea di Debata. Namarlapatan asa ditangihon jala diulahon patik naung nilehon Debata tu nasida. Hombar tusi do didok “tung sura mansohot angka aturan i maradophon ahu, ninna Jahowa mansadi ma dohot pinompar ni Israel, unang be targoar bangso di jolongku salelenglelengna. Mansai arga do padan na binahen ni Debata tu nasida jala asa dihangoluhon padan na pinasahat ni Debata tu nasida. Padan  na imbaru  binahen ni Debata tu nasida asa mamgolu jala hot naung dihatahon nai unang be munggil rohanai aha naung dihatahon hot mai nian.

Jadi marhite Padan Naimbaru i tubu ma sada “kesadaran” aritina jolma i gabe mananda Debata di sude panggulmiton ni ngoluna. Ndang pola be nain ajaran jolma i laho mananda angka pambahenan ni Debata di ngoluna. Ndang be nian ajaran be jolma i asa unang manomba debata sileban manang manomba debata na mate, debata na so tinanda. Akhirna ndang adong be jolma na mansoadahon pambahenan ni Debata jala ndang adong be na manghatindangkon gogo dohot pikiran ni jolma i sandiri do na marhuaso diportibion. Alai marhite padan na imbarunungga patar Debata tu hita, nungga ro Ibana patandahon diriNa, nungga tinggal Ibana rampak dohot hita jala ima na tadapot dibagasan hadirion ni Jesus Kristus. Domu tusi molo adong dope jolma na mandok ndang adong Debata holan tangkang dohot jugul ni rohana nama na pinatarhonna disi. Anggo Debata nungga tung mansai godang dalan dipangke laho pataridahon hosana dohot ngoluna marapothon jolma saluhutna marhite tondiNa.

Tema Jamita “Hot do pangaturhonon ni Debata (Ketetapan Tuhan tidak berubah)” adong naeng dohonon ni turpuk jamita on tu hita ima asa hita hot di pangkataion naung tahatahon i. adong sada contoh jolma na so bei maniop hatana. Adong do sada keluarga na marsalisih sampe ma tu hukum bahkan di padame di kantor polisi. Dibahen polisi on ma asa boi hot pangkataion on unang be mubaubah aha na di hatahon di bahen ma di kedua bilah pihak surat perjanjian disertai dengan materai  di kedua bilah pihak. Naeng dohononna tu hita jojot do pangkataion ni jolma i ndang hot manang pangkataion i olo muba sotongkin A tokinnai B ndang hot pangkataion manang ndang boi tiopon hatana ima na terjadi saonari on di hadirion ni jolma (perilaku manusianya berubah). sada contoh jolma na so hot pangkataionna. Adong muse jolma na so hea ro marminggu. Disungkun pangula ni huria ima ruas i boasa ndang marminggu alusna ala repot angka dakdanak met-met dope ndang sanga ro marminggu. Dung balga dakdanak i disungkun pangula ni huria boasa ndang marminggu alus ni ruas i ndang sanga ala godang baju sicucion jadi ndang sanga. Dung matua disungkun pangula ni huria muse boasa ndang marminggu alus ni ruas i nungga matua ndang tolap na be mardalan jala hundul pe ndang boi be. Songonon ma roha ni jolma i sai godang do sidalian ni jolma i jala ndang boi hot aha na dihatahon nai. Jadi tapaubah ma rohanta ke arah yang lebih baik.   Amen