Khotbah Mazmur 22: 26 - 32 Nyanyikanlah kasih setia dan rahmat Tuhan

 Minggu Kantate; 28 April 2024

22:26 Karena Engkau aku memuji-muji dalam jemaah yang besar; nazarku akan kubayar di depan mereka yang takut akan Dia.

22:27 Orang yang rendah hati akan makan dan kenyang, orang yang mencari TUHAN akan memuji-muji Dia; biarlah hatimu hidup untuk selamanya!

22:28 Segala ujung bumi akan mengingatnya dan berbalik kepada TUHAN; dan segala kaum dari bangsa-bangsa akan sujud menyembah di hadapan-Nya.

22:29 Sebab TUHANlah yang empunya kerajaan, Dialah yang memerintah atas bangsa-bangsa.

22:30 Ya, kepada-Nya akan sujud menyembah semua orang sombong di bumi, di hadapan-Nya akan berlutut semua orang yang turun ke dalam debu, dan orang yang tidak dapat menyambung hidup.

22:31 Anak-anak cucu akan beribadah kepada-Nya, dan akan menceritakan tentang TUHAN kepada angkatan yang akan datang.

22:32 Mereka akan memberitakan keadilan-Nya kepada bangsa yang akan lahir nanti, sebab Ia telah melakukannya.

Domu do turpuk jamita on tu goar ni minggunta sadari on, ima minggu Kantate. Kantate na marlapatan, ENDEHON HAMU MA DI JAHOWA ENDE NA IMBARU. Na dienet do pandohani sian Psalmen 98:1 i. Aha do ende? Jala boasa marende hita? Ende secara etimologi, boi ma tajahai di kamus na adong. Alai na pasti, Ende bukan hanya menyangkut solmisasi (Do Re Mi…). Ndada holan menyangkut lirik dohot syair na mansai uli begeon. Jala ndang holan fokus tu nada-nada. Marende ima sada bentuk ekspresi na patuduhon las ni roha dohot arsak ni roha. Disosoi hita mamuji Tuhan i marhite ende na imbaru. Na nidokna ende na imbaru di goar ni minggu on, ndada enda na imbaru pinatomutomu manang ende na so hea diendehon. Ende na imbaru, ima ende na pataridahon haporseaon di Tuhan i. Marende do nian bangso Israel, alai ndada nionjar ni haporseaon, ndada parbue ni hamauliateon, ndada na mamuji Debata, ala hasomalan do. Ala hasomalan na lipe i ma diajari nasida di Psalmen 33:3 mangendehon ende na imbaru. Jamita on manosoi hita marende mamuji Tuhan i.

Na mangonjar si Duad marende mamuji laho patimbulhon manang pasangaphon Tuhan i, boi idaonta di ayat 23, ala Tuhan i do pangalualuan ni angka na lea dohot na dangol (ay. 25). Dipuji ibana Tuhan i ala ndang lea rohana ni Tuhan i marnida na pogos dohot na dangol, gariada diurupi. Ianggo portibion sai marbiasbias jala lea do rohana, paula so dibege portibi on do hoihoi ni na dangol dohot na lea ala so adong sihirimon sian i. Alai Tuhan i didongani do na lea jala na dangol nang pe ndang adong sihirimon sian i. Las roha ni Parpsalmen on ala hembang dijolona masa depan na denggan. I ma na mangonjar ibana marlas ni roha mamuji Tuhan i. Disosoi Turpuk hita mamuji Tuhan molo tajalo las ni roha manang malua hita sian parmaraan. Ringkot tapahusorhusor panindangion ni Parpsalmen on, tahatindangkon jala tapuji ibana na mangurupi dohot na paluahon hita sian ragam ni hamaolon. Nasa dalan na tapangke mangalului las ni rohanta ingkon rajumanta do i tangan ni Debata do na mangurupi hita. Nasa las ni roha na tajalo ingkon mamboan hita tu panandaon na Tuhan i do pangurupi di ngolunta.

Tu Debata ma pujipujian ni angka na porsea i. Dung diarahon parPsalmen i angka natorop i mamuji Debata, didompakhon ibana ma Debata dungi didok ma “Ho do haroroan ni pujipujianhu”. Lapatanna diparhatutu parPsalm on do paboa holan Debata sambing do haroroan ni saluhutna boi mandasdas rohana mamuji Debata, jala paboa na holan di Debata sambing do tama pujipujian. Nuaeng marpadan ma ibana; manggarar angka bagabaga na dijolo ni angka namanghabiari Ibana songon tanda hamauliateon disude denggan basa ni Debata. Angka na manggarar peleanna dibagasan pos ni roha na so jadi hurangan ibana di ngoluna. Didok di ayat 27 “Mangan jala butongan”, ndang hurangan angka na manggarar bagabagana tu Debata nang pe pogos manang dangol ngoluna. On ma hata ni Debata na gabe paposhon rohanta, ai ndang pasombuon ni Debata na satia manggarar bagabagana, digohi jala dipasupasu ngolu pardagingon nang partondionna. Alani unang mabiar hita, ndang gabe marpogos hita molo tapasaut bagabanta tu Debata.

Pasahathon pelean tu Debata marhite napaluahon angka napogos, angka na ginosagosa, asa patar haluaon na sian Debata gabe parsidohot nasida mamuji Debata. Songon naposo ni Debata, ditangiangkon parPsalm i do angka natoropi anggiat tongtong marolopolop, tarapul jala margogo situtu mangadopi ragam ni haporsuhon. Asa tung porsea situtu nasida paboa naso tupa tadingkonon manang halupahonon ni Debata nasida dihaporsuhon i. On ma gabe Barita Nauli namanghorhon las ni roha dohot olopolop tu angka naporsea tu Debata. Sude pambahenan ni Debata dialusi marhite na girgir rohanasida mamuji Debata.

Nasa bangso marnida haluaon na sian Debata. Haluaon napinatupa ni Debata tu parPsalmen on, laos martudutudu do i nang tu haluaon sipamasaon ni Debata tu saluhut bangso (secara universal). Sude bangso, sian sundut tu sundut, ro be sogot marsomba tu Debata. Martudutudu do on nang tu panggomgomion ni Tuhan Jesus Kristus (Plp.2:1-11). Tung halongangan bolon do i di roha ni portibion. Parpsalm dohot sude pomparanna sogot mangolu di Tuhan i, gabe jolma namamaritahon hagogoon dohot huaso ni Debata, jala jolma na satia tu Debata. Ndang hea tangiang hamauliateon ni bangso Israel marrumang hapunjungan, sai marrumang hatopan do. Haporseaon dohot pengalaman pribadi taringot tu holong ni roha ni Tuhan i, ingkon gabe pengalaman hatopan ni natorop. Alani do umbahen dihara Parpsalmen donganna mamuji Tuhan i.

Marragam do dalan na boi bahenonnta mamuji Debata.  Cara na umum laho mamuji Debata ima marhite angka tangiang, ende dohot marhite ulaon dohot pangalaho siganup ari, alai asing ni cara na umum i adong cara na khusus di turpuk on sipatuaponta laho mamuji Debata marhite pengakuan manang panghatindanghonon ni jolma di pambahenan ni Debata di ngoluna.

Marsomba tu Debata do sogot sude nasa bangso parbegu (ayat 28).  Dihantindanghon parPsalmen i, ndada holan di bangso Israel dohot haaanggina mamujimuji Debata.  Alai jumpang do tingkina haimbaruon di portibion ima “Marsomba tu Debata do sogot sude nasa bangso parbegu”.  Jala terbukti do panindangionna  i, nunga Bangso Asia, Bangso Eropa, Bangso Amerika, Bangso Afrika dohot angka bangso na asing na so habilangan toropna mamuji dohot marsomba tu Debata.  Laos songon i dope nang tu tingki na naeng ro, ingkon torus martamba bilangan angka na usouso tu Debata jala mamuji goar-Na. molo usouso lapatanna na sai mangalului Debata ala masihol rohana, sai dilului aha do lomo ni roha ni Debata na ingkon ulahononna. Alani, ungkap ma rohanta, na marnida haluaon ni Tuhan i, ndada holan tu punguanta, ndada holan tu hurianta, alai ingkon marsihohot do hita mangajarhon dohot mambahen siingoton marhite ulaon na denggan tu angka bangso na humaliang hita. Las ni rohanta dibasabasa ni Tuhan i manosoi hita manghatindanghon Ibana asa diboto jolma Parasiroha do Tuhan i. Panindangion ni angka na porsea jala satia tu Debata manghorhon nauli na denggan do i di keluarga nang di masyarakat, asa saluhut tarjou laho mamujimuji Debata.