Khotbah Mazmur 4: 1 - 9 Cahaya wajah Tuhan menyinari kita

Minggu Misericordias Domini; 14 April 2024

4:1 Untuk pemimpin biduan. Dengan permainan kecapi. Mazmur Daud.

4:2 Apabila aku berseru, jawablah aku, ya Allah, yang membenarkan aku. Di dalam kesesakan Engkau memberi kelegaan kepadaku. Kasihanilah aku dan dengarkanlah doaku!

4:3 Hai orang-orang, berapa lama lagi kemuliaanku dinodai, berapa lama lagi kamu mencintai yang sia-sia dan mencari kebohongan? S e l a

4:4 Ketahuilah, bahwa TUHAN telah memilih bagi-Nya seorang yang dikasihi-Nya; TUHAN mendengarkan, apabila aku berseru kepada-Nya.

4:5 Biarlah kamu marah, tetapi jangan berbuat dosa; berkata-katalah dalam hatimu di tempat tidurmu, tetapi tetaplah diam. S e l a

4:6 Persembahkanlah korban yang benar dan percayalah kepada TUHAN.

4:7 Banyak orang berkata: "Siapa yang akan memperlihatkan yang baik kepada kita?" Biarlah cahaya wajah-Mu menyinari kami, ya TUHAN!

4:8 Engkau telah memberikan sukacita kepadaku, lebih banyak dari pada mereka ketika mereka kelimpahan gandum dan anggur.

4:9 Dengan tenteram aku mau membaringkan diri, lalu segera tidur, sebab hanya Engkaulah, ya TUHAN, yang membiarkan aku diam dengan aman.

Tangiang do dalan na dumenggan laho mangadopi sude ragam ni angka hagogotanta siganup ari. Tarida do i sian tangiang ni si Daud, anggiat dipalumbang Debata panghilalaanna: Sai alusi ma ahu, ale Debata ni hatigoranku........... Jotjot situtu do hita salamamuhai tingki mangalului dalan laho haruar sian angka hagogotanta, sipata jumolo do talului donganta jolma namangantusi hita jala na tahaposi, sipata adong na mambahen di media sosial laho papuashon na di rohana, olo do dipangasahon gogo na dohot gogo ni angka donganna, ujungna tading ma tangiang. Rap umboto do hita ragam ni angka hagogotan na niadopan ni raja Daud, alai dipanghilalahon ibana do na so hea ditadinghon Debata ibana punjung manaon angka sitaononna. Alani joujou halumbangon dibuhai sian tangiang. Jala unang ragu hita dialus ni tangiangta, ai molo nunga jumolo hita ragu dialus ni Debata tu tangiangta, on ma dalanna tu hira hira so adong be alasab alani aha hita umbahen porsea. Hagangguon ditangiang do manegai ojahan ni haporseaonta laho magodang dibagasan Tuhan i. Alai diturpuk on taida do sihol ni roha na marsitutu sian raja Daud laho martangiang. Jala dibagasan hagogotanna i ndang apala isi ni hagogotan i na jumolo dialuhon si Daud, alai pos ni rohana do dipanarihonon ni Debata.

Dirajumi ibana do ndang tuk jolma i paluahon dirina sian ragam ni hagogotan dohot sutaonon na masa tu dirina, jala na so boi jolma i mamintor dirina sian hadosaonna. Tung holan pambahenan ni Debata sandiri do na paluahon jolma i sian ragam di hagogotan jala na mamintori jolma i sian hadosaonna. Dibagasan tangiang on dipatuduhon na joujou do ibana jala mangido asi ni roha ni Debata, asa ditangihon jala dialusi Debata joujouna i. Ai diparhatopot ibana do Jahowa Debata do hatigoranna, haluaon dohot hapitoranna. Dung pe di ayat 3 asa ditatap ibana tu angka musuna. Hansit do hape ngolu na disegai marhite hata gabus, alani ingkon sai jamot do hita marnida halak na sai somal memelintir kebaikan gabe hajahaton manang hageduhon. Sipasidingon do angka pangalaho na songon on. Molo pajumpang iba tu ibana sai dihatai hahurangan ni donganta, alai sanga pajumpang donganta i tu ibana, hita ma muse dihatai. Jala digoari parpsalmen on do angka musu i songon pinompar ni jolma, dison ma ibana martudutudu tu angka jolma na so porsea tu Jahowa dohot jolma na sai mian dibagasan dosa dohot ragam ni ulaon na jat. Hata sadia leleng di turpuk on, i ma sosososo asa mansohot nasida mangulahon na jat jala mansohot manghatahon hata gabus, unang be sai didatdati mangulahon angka na jat. Ai na ro ma tingkina Jahowa Debata pabinsarhon hatigoran ni jolma na niasianNa songon parbinsar ni sondang mataniari manondangi saluhut na sinondanganna. Patar ma ulaon na jat dohot gabus i.

Ayat 4 on patuduhon hasurungan ni angka na sai marhaposan jala joujou tu Jahowa dohot angka na sai mian di sude patik ni Jahowa. Halak na songon on ma dohonon hasian ni Jahowa Debata. Tontu nda tung gabe dos pambahenan ni Jahowa tu angka hasianNa dohot tu angka parjahat. Nang pe idaon di pardagingon songon so adong hasurungan ni angka na daulat marpangalaho sian angka na so daulat. Sai ditangihon Jahowa do molo dijou Ibana. Na margogo situtu do tangiang ni partigor, molo dihaburjuhon (Jak. 5: 16b). Jala molo martangiang hita naeng ma dibagasahan haporseaon na polin tu Debata, unang ganggu roha jala unang mardua roha.

Angka na mananda dohot mandai hagogoon dohot huaso ni Debata, i do na manghamauliatehon pangurupion n Tuhan i. Pangurupion ni Tuhan i manuahon di rohana laho mangulahon lomo ni roha ni Debata. Pangalaho si songon on ma dipangido Parpsalmen on patupaun ni angka na porsea. na Pasahathon pelean tu Jahowa i ma hataridaan haunduhon dohot hamauliateon ni rohanta di saluhut asi ni roha dohot panumpahion ni Jahowa di ngolunta. Pelean hatigoran i ma pelean parange dohot tongtong manghangoluhon hadaulaton na sintong. Marhite turpuk on disungguli hita asa gabe Kristen na marparange na denggan hita. Unang holan di KTP tarsurat identitasta Kristen, hape parange sialo Kristus. Unang ma nian holan tardaftar di buku huria, hape so hea tu parpunguan manang parsaoran ni huria. Unang ma nian Kristen kapal selam hita.

Lan do na mandok, tung ise ma manumpakhon na denggan tu hita (ay. 7). On ma pandohan ni jolma na sai digohi hagiot ni pamatang jala na sai mangasahon gogo di ngoluna. Umbahen i ma ndang manghilala ibana disaluhut panumpahion ni Debata di ngoluna. Alai anggo halak partigor dohot halak na daulat marroha sai manghirim do sondang ni Debata di ngoluna.

Sada sian hata pasupasu na jotjot disuarahon uju manutup parmingguon: “Disondanghon Tuhan Debata ma bohiNa tu hamu”. Hata on tangiang jala pangidoan asa disondanghon Debata ma bohiNa tu bangsoNa, tu hasianNa, tu saluhut jolma na tongtong manghirim jala marhaposan tu Ibana. Disondanghon Debata bohiNa na marmulia i tu angka na niasianNa asa tongtong mardalan di hatiuron na niasianNa i, ndang adong be ganggu ni roha, tiur nang angka parnidaan mandalani dalan ni ngolu na ingkon siboluson. Sondang ni bohi ni Debata manalpuhon gogo ni haholomon, manalpuhon ganggu dohot biar ni roha mandalani angka na masa di hasiangan on. Nang pe mardalan di rura linggoman ni hamatean, ndang mabiar be di angka parmaraan ai nunga tiur b ngoluna ala nunga disondangi bohi ni Debata. Sondang bohi ni Debata do manghorhon pos ni roha di panarihonon, pangaramotion dohot pandonganion ni Debata.

Molo naung disondanghon bohi ni Debata tubu ma parolopolopon dohot sonang ni roha. I do umbahen di endehon di ayat 8 “gumodang do las ni rohangku dilehon Ho, sian di nasida di hamamasa ni gotilon eme dohot anggu na gabe situtu”. Dipuji parpsalmen on do Jahowa mangolophon saluhut pangaramotion ni Jahowa di angka boni na ni suannasida na marparbuehon marlipat hali ganda. Lobi sian i ma olopolop las ni roha ni angka na marhaposan tu Jahowa Debata jala na tongtong mian di angka dalan hatigoran dohot di sondang bohi ni Debata.

Marhite turpuk jamita on dibaritahon do tu hita asa songon ende dohot panghatindanghonon ni raja Daud taringot tu Jahowa Debata na dihaporseai ibana, asa songon i ma hita barani manghatindanghon taringot tu huaso dohot hamuliaon n Jahowa di ngolunta. Marhite panghatindanghonon i, tubu ma pos ni roha, tubu ma habaranion laho mandalani saluhut angka na masa, jala manahan dibagasan hatigoran dohot hasintongan ala diparhatutu Jahowa Debata do hatigoranna dohot hasintonganna. Molo taparhatopot Jahowa do hatigoranta marlapatan Jahowa do panondang di ngolunta. Disondangi do ngolunta asa mardaan hita dibagasan hatiuron bohi ni Debata, i ma mardalan di hamuliaon ni Debata. marhite sondang ni Debata boi ma hita mardalan tangkas dia do dalan na ringkot sidalananta mandalani ngolu on. jala dipangido asa marsinondang ngolunta tu na humaliang hita, asa tapapatar sondang bohi ni Debata marhite parngoluonta siganup ari (pat. KJ. 424).