Khotbah Habakuk 2: 1 - 4 Orang Benar akan hidup oleh Percayanya

 Minggu 20 Set. Trinitatis; 13 Oktober 2024

2:1 Aku mau berdiri di tempat pengintaianku dan berdiri tegak di menara, aku mau meninjau dan menantikan apa yang akan difirmankan-Nya kepadaku, dan apa yang akan dijawab-Nya atas pengaduanku.

2:2 Lalu TUHAN menjawab aku, demikian: "Tuliskanlah penglihatan itu dan ukirkanlah itu pada loh-loh, supaya orang sambil lalu dapat membacanya.

2:3 Sebab penglihatan itu masih menanti saatnya, tetapi ia bersegera menuju kesudahannya dengan tidak menipu; apabila berlambat-lambat, nantikanlah itu, sebab itu sungguh-sungguh akan datang dan tidak akan bertangguh.

2:4 Sesungguhnya, orang yang membusungkan dada, tidak lurus hatinya, tetapi orang yang benar itu akan hidup oleh percayanya.

2:1 Di atas panatapanku do ahu jongjong, jala tindang ahu tu partanobatoan, jala manatapnatap ahu marnida manang aha sidohononna tu ahu, jala manang aha alusna taringot tu alualungku.

2:2 Jadi ninna Jahowa mangalusi ahu: Surathon ma pangungkapon i, jala uhirhon tu angka batu panuratan, asa tangkas tarjaha nang pamolus.

2:3 Ai taringot tu tingki sogot dope pangungkapon i, jala hapogan mareahi ujung, jala ndang margabus. Tung sura pe lumemba, sai paimaima ma i, ai sai na ro do sogot * ndang tagamon tartading.

2:4 Ida ma na teal do ibana, * ndang tigor rohana di bagasan; alai anggo halak partigor i * mangolu do binahen ni parsihohotna marhaporseaon.

Ra nunga jotjot tarbege hıta taringot tu ajaran ni Martın Luther, i ma Sola fide, lapatanna holan ala ni haporseaon, sola gratia lapatanna holan ala nı ası ni roha ni Debata, dohot sola scriptura, lapatanna holan ala nı hata ni Debata. Sada sian na tolu 1 ma nuaeng turpuk jamita on Sola fide lapatanna holan ala haporseaon. On sada sian ajaran ni Luther na mansaı tangkas diboto sude ruas ni halak Kristen Protestan. Jotjot do dilapatı godang halak, ajaran Luther on holan na sian Padan na Imbaru. Nian ajaran sola fide on dibuat sian surat ni apostel Paulus tu ruas na adong di huta Rom dohot na di Galatia (Rom 1:16-17, 2:8-9, 3.28, 5.1; Gal. 2:16). Alai adong do dasor ni ajaran on di Padan na Robi. Tarsurat do i diturpukta sadari on, sudung na di ayat na paopathon (ay 4). Turpukta jamıta sadari on manaringoti alus ni Debata tu panurirang Habakuk di tingkı nasıda mangalualu tu Debata taringot tu bangsona Israel dohot sude angka na binahen ni musu Israel. Dialusi Debata ma alualu ni panurirang Habakuk jala disuru ibana manurathon pangungkapon na pinatudu ni Debata tu ibana, dohot angka hata ni Debata.

Panurirang Habakuk manurırangı di Harajaon ni Juda andorang tarbuang bangso Israel na di Jehuda tu Babel. Godang do na dipinsang panurirang Habakuk taringot tu pangalaho di tingkı i, tarlumobi tu angka pangalaho ni bangso Israel na so olo unduk tu hata ni Debata. Di buku na sinuratna, mangalualu do nasida tu Debata boasa ma hira na di loas Debata angka na masa dı bangso i. Sian turpukta sadari on, adong 3 bagian na boi putihonta gabe pangajarion di bagasan ngolunta

Rade jala olo manangihon hata ni Debata. Di ayat na parjolo, dıpıngkiri roha nı sı Habakuk alus ni Debata taringot tu alualuna Mansai bagas do lapatan ni ayat na parjolo on. Disurathon si Habakuk do hatana "Manatapnatap ahu marnida manang aha sidohononna tu ahu" sian on diajarı do hita angka na porsea asa mangolu di bagasan pangıringon ni Debata jala manangihon hata ni Debata tu hita ganup marsadasada. Persoalanna nuaeng hira na marasing do pangantusion nı halak Kristen taringot tu angka na songon on. Jotjot do molo martangiang halak Kristen, holan na ibana na manghatai di bagasan tangiangna i, jadi songon na hıra mananginangi ma Debata. Hita pe sasintongna porlu do tong manangihon alus ni Debata di bagasan tangiang ta tu Debata I do umbahen na sai diajarı angka pangula ni huria, ia martangiang ndang na holan hita na manghatai tu Debata, alai dohot do hita manangihon Debata di bagasan tangiangta. I do umbahen dilapatı "doa" di hata Indonesia gabe tangiang, sian hata "tangi" di hata Batak Toba. Sian hata tangi "mendengar". Debata manangihon hita, jala hita manangihon hata ni Debata (dengar-dengaran). Luther pasıdinghon tingkina 3 jom martangiang tu Debata sadari,  alai ndang na ibana na leleng manghatai tu Debata, gomodang do ibana hohom di bagasan tangiangna jala unduk rohana laho manangihon Debata di tangiangna i Angka pangalaho na sisongon on porlu do di ulahon angka na porsea. Hohom jala unduk roha laho manangihon hata ni Debata di bagasan ngolunta tarlumobi di bagasan tangiangta

Paduahon: Maniop Gomos panghirimon i. Di ayat na paduahon dohot patoluhon, dialusı Debata ma alualu ni sı Habakuk, jala di podahon Debata asa olo ibana paimahon sangkap ni Debata taringot tu bangso Israel. Diajarı Debata do si Habakuk asa marpangkırumon. Disurathon do hata "Sai paimaima ma i". Dipaboa Debata do "Sai na ro do". Sian hata on, gabe parsiajaran ma hata on tu ruas ni Tuhanta Hatop manang leleng, hata nı Debata na ingkon manjadi do. Ingkon gomos jala lambas do roha laho paimahon sude sangkap ni Debata di bagasan ngolu ni halak na porsea, songon na pinodahon ni Debata tu panurirang Habakuk. Hagomoson dohot lambas ni rohanta di ujı Debata do, alai pos ma rohanta, satia do Debata di sude hatana. Ndang songon Jolma Debata. Molo jolma olo dope lupa di hata manang padan na nidokna, alai Debata ndang olo margabus, ibana pahothon hata naung niuarihon Ibana (4 Musa 9.5)

Patoluhon: Mangolu dibagasan haporseaon. Di ayat opat, dipodahon Debata tu bangso ni Debata marhite si Habakuk, "halak partigor i mangolu do bınahen ni parsıhohotna marhaporseaon". Di tingki 1, madabu do bangso Israel tu pangunjunan Maol dilapatınasıda songon dia dalan laho mangolu Dirımpu nasida hola na mangulahon rutinitas ugarna boi mangolu nasida. Ringgas do halak Israel mangulahon ritus ni ugamo Israel, alai ndang tudos ulaon paruganoonna tu pangalahona. Ndang holan di ritus ugamo mambahen hita mangolu. Holan Debata do na boi pangoluhon hita, jala angka namangolu ingkon marsitutu rohana dohot pangalahona tu haporseaon di bagasan Debata Haporseaon i do na mambahen halak na porsea mandapot hangoluan, songon na nidok ni Tuhan Jesus (Joh 20:31). Haluaon ndang ro sian pangulaon di ritus, manang holan ala nı ulaon na denggan. Alai dohot do ala haporseaon na togu do mangolu jolma i Tapasiding ma angka pangalaho na so denggan, manang sude angka na manomba debata sileban, ganaganaan sian ngolunta. Marsıhohot ma hita marhaporseaon tu Debata, ai ido na paluahon hita.

Godang do poda manang pangajarion na nıdapot ni si Habakuk sıan hata ni Debata tu ibana (2:1-4) Diajari Debata do ibana asa sai rade jala olo rohana laho manangihon hata ni Debata, gomos di bagasan panghirimon jala mangolu di bagasan haporseaon. Pos ma rohanta, Jala toguma haporseaonta, molo halak partigor mangolu do binahen ni haporseaonna Marsihohot ma hita dibagasan haporseaon tu Debata. Antong marhite turpukta on, asa boi manongtong haporseaon ingkon ma tapatogu parsaoranta tu Ibana Songon dia ma i? Tongtong martangiang jala pasahat ma sude nasa na adong di bagasan rohanta, jala tatangihon ibana, marpangkırımon di bagasan Ibana jala marsihohot di bagasan haporseaon tu Ibana sambing Amen.