Khotbah Roma 12: 1 - 8 Ibadah yang Sejati

 Minggu 21 Set. Trinitatis; 20 Oktober 2024

12:1 Karena itu, saudara-saudara, demi kemurahan Allah aku menasihatkan kamu, supaya kamu mempersembahkan tubuhmu sebagai persembahan yang hidup, yang kudus dan yang berkenan kepada Allah: itu adalah ibadahmu yang sejati.

12:2 Janganlah kamu menjadi serupa dengan dunia ini, tetapi berubahlah oleh pembaharuan budimu, sehingga kamu dapat membedakan manakah kehendak Allah: apa yang baik, yang berkenan kepada Allah dan yang sempurna.

12:3 Berdasarkan kasih karunia yang dianugerahkan kepadaku, aku berkata kepada setiap orang di antara kamu: Janganlah kamu memikirkan hal-hal yang lebih tinggi dari pada yang patut kamu pikirkan, tetapi hendaklah kamu berpikir begitu rupa, sehingga kamu menguasai diri menurut ukuran iman, yang dikaruniakan Allah kepada kamu masing-masing.

12:4 Sebab sama seperti pada satu tubuh kita mempunyai banyak anggota, tetapi tidak semua anggota itu mempunyai tugas yang sama,

12:5 demikian juga kita, walaupun banyak, adalah satu tubuh di dalam Kristus; tetapi kita masing-masing adalah anggota yang seorang terhadap yang lain.

12:6 Demikianlah kita mempunyai karunia yang berlain-lainan menurut kasih karunia yang dianugerahkan kepada kita: Jika karunia itu adalah untuk bernubuat baiklah kita melakukannya sesuai dengan iman kita.

12:7 Jika karunia untuk melayani, baiklah kita melayani; jika karunia untuk mengajar, baiklah kita mengajar;

12:8 jika karunia untuk menasihati, baiklah kita menasihati. Siapa yang membagi-bagikan sesuatu, hendaklah ia melakukannya dengan hati yang ikhlas; siapa yang memberi pimpinan, hendaklah ia melakukannya dengan rajin; siapa yang menunjukkan kemurahan, hendaklah ia melakukannya dengan sukacita.

12:1 Na huapoi ma hamu, ale angka dongan, marhitehite asi ni roha ni Debata: Pasahat hamu ma dagingmuna bahen pelean na mangolu, na badia, na hinalomohon ni Debata; i ma hadaulaton ni na marroha.

12:2 Jala unang gabe sarombang hamu dohot portibi on; alai gabe imbaru ma hamu, dung muba pingkiranmuna, asa tau hamu manimbangi lomo ni roha ni Debata, i ma na uli, na hinalashonna dohot na sun denggan.

12:3 Ai marhite sian asi ni roha na nilehonna tu ahu, hupaingot ma ganup hamu: Unang ma torbang rajumi hamu dirimu, lobi sian na patut; alai intap ni na tama ma parrohaonmuna: Ganup marguru tu godang ni haporseaon na tinurpukkon ni Debata tu ibana.

12:4 Umpamana: Torop do ruas di dagingta, alai ndada saulaon ruas i sude:

12:5 Songon i do hita: Torop sadaging di bagasan Kristus, alai ruas be' do hita sama hita.

12:6 Ganup manjalo silehonlehon marguru tu ragam ni asi ni roha na tinurpukkonna tu hita: Ia panurirangon, naeng ma mardomu tu haporseaon.

12:7 Ia ulaon marhobas, ba ulaon marhobas ma; ia haguruon, i ma!

12:8 Ia pangapoion, i ma; ia na mangasii, sian bulus ni roha ma; ia na manguluhon, marringgas ni roha ma; ia na marbasabasa, sian las ni rohana ma!

Di hajahudion uju di ngolu ni Tuhan Jesus, dipasahat halak Jahudi do ragam ni pelean tu Debata, dipasahat do pelean ı dı Bagas Joro na di Jerusalem, jala pelean ı marrumanghon angka pahanpahanan (hewan), marragam angka pelean hatiha i, ısarana, pelean situtungon dohot pardosaon sipahahaton uju di arı pangiasan ni sahalak parompuan naung tumubuhon anak manang boru, i ma sada anak ni birubiru alai boi do anduhur manang darapati molo di angka keluarga ekonomi lemah (3 Musa 12:1-8), jala i do na pinatupa ni si Josep dohot si Maria uju mamboan Tuhan Jesus tu Bagas Joro di na pinelehon nasida dua anduhur tabu manang dua anak ni darapati (Lukas 2 22-24).

Alai nuaeng ditogihon turpuk on do hita mangalapatı pelean dalam arti na imbaru, ndang mangambatı pelean na dipasahat di Bagas Joro alaı dıpahembang jala dipasingkop. Ndang sae be pelean holan marrumang pelean situtungon alai ingkon dohot do pangalaho siganup ari. Ala nı do digurıthon Paulus ma di ayat 1 on, "Pasahat hamu ma dagıngmuna bahen pelean na mangolu, na badia, na hinalomohon ni Debata, 1 ma hadaulaton ni na martoһа (Indonesia. ibadah yang sejati)." Lapatanna, dagingta, pamatangta, ngolunta siganup ari 1 do pelean sipasahatonta tu Debata. Ndang sae be hita marhadaulaton holan di Bagas Joro; orang percaya beribadah tidak lagi hanya di Bait Allah melainkan dalam hidupnya sehari-harı.

Boha do tutu, nunga gabe pelean na mangolu jala na badia dagingta? Boha do sımalolongta on, tapangke do marnida na tama manang na hurang tama? Boha sımanghudapta, hata na denggan dohot pasupasu do na ruar manang hata na rorang dohot bura? Boha simangidonta, mangulahon na sintong do manang ndang, mangurupi jolma do manang manusai? Boha sımanjojakta, mangalangka di dalan lomo ni roha nı Debata do manang na maralo? I do umbahen adong ende nı Sikola Minggu Hati-hati gunakan tanganmu, kakımu, mulutmu,,,,, dohot udutna. Sandok sude na di pamatangta on ingkon gabe ibadah na sejati do dı Debata. Marhite turpukta sadarı on ndang masa be "moral ganda," lapatanna marhadaulaton (saleh, piety) holan di ari Minggu dohot di Bagas Joro alai marlomolomo molo so ari Minggu dohot molo so di Bagas Joro. Sada nama ukuran moralta, manang didia pe jala manang sadıharı pe ala ngolunta on do na gabe pelean na mangolu di Debata, hata nang pambahenanta si ganup ari na hombar tu hata ni Debata, i do hadaulaton na martoha.

Antong, tapareso ma dirinta, ngolunta, hatanta nang parangenta. I do umbahen di parsırangan ni taon na buruk tu na imbaru sai taendehon BE No. 64 Naung moru do muse sataon, ayat 2, "Aut alusanku Debatangku ra tung maila au disi/ Marningot salpu ni rohangku rodi sude ulaonki/ Ai dosa do binaen ni tangan Gok dosa nang rohangku pe/ Nang pat nang mata Nang pamangan Luhut marsala do hape." Taongkuhon ma molo lemba jala salpu hita nasailaonna i, alai marhite jamita sadarı on, unang be tadatdati mardosa marhite pamatang/dagingta; baliksa tabahen ma gabe pelean na mangolu, na badia, jala na hinalomohon ni Debata. Molo tung pe diula angka jolma na humaliang na so patut, ndang jadi hita mangulahonsa, ndang boi hita sarombang dohot portıbı on, ninna tangkas di ayat 2. Tandi do pangalahonta i ma pangalaho na badia. Molo tung pe manangko, margabus, mangarupa, korupsi, marhata na rorang angka donganta, ianggo hita ndang jadi parsidohot tusi, ala nunga ditobus mudar ni Tuhan Jesus hita.

Unang ma torbang rajumi hamu dirimu, lobi sian na patut (ayat 3). Andorang so muba roha ni apostel Paulus, dihaginjanghon ibana do hasurunganna. Dipangasahon hadirionna na pistar i. Jala merasa ibana na sumintong sian siihuthon Kristus. Borhat do ibana patuduhon hasurunganna i laho mangambati hakristenon. Hape holan marhite sondang na sumillam, tinggang ibana. Ndang margogo hasurunganna i mangalo huaso ni Debata. Dung dipaimbaru roha na i, diboto ibana ma dia lomo no roha ni Tuhan i. Sada sahit na lam mangararati di partingkıan na lam maju on i ma ginjang ni roha. Sai naeng ibana jumago, ummora, umpistar. Sai adong do jolma na mangasahon hasurunganna gabe ginjang ma rohana jala gabe neang rohana. Sude halak ingkon di toruna, ndang boi ummarga baju ni donganna sian bajuna, ndang boi tumimbo pangkat ni donganna sian pangkatna. Parrohaon sisongon on manegai parsaoran di keluarga, di parsahutaon, di kantor, nang di huria. I do na dipasunggulhon turpuk on tu hita. Dipatudos apostel Paulus do huria i songon pamatang na torop ruasna alai marasing be do ulaon ni ruas ni pamatang i (ayat 4-5). Ganup ruas manjalo silehonlehon marguru tu ragam ni asi ni roha na tinurpukkon tu ibana (ayat 6), ala ni tahasabamhon ma na adong na dı hıta jala taulahon ma denggan. Unang sai dumenggan tarajumi na di halak, gabe naeng tagulut hape na di hita pe ndang tapangke dope maksimal.  Dijou do hita asa paimbaruhon roha asa tau hita marhaserepon. Ibadah na sintong tu Debata, i ma haserepon.

Alai, ndada holan ulaon di huria hahonaan ni turpuk on, dohot do nang di ngolu siganup ari. Di kantor, di balian, di partigatıgaan dohot ulaon na marragam na asing. Sian bulus ni roha, ringgas ni roha, dohot las ni roha na nionjar ni haporseaon ma taulahon ulaonta asa marparbue; unang sae holan na mangapian. Unang sae holan na merasa korban hape ulaonna na saonari pe ndang diula maksimal. Manatap do Debata sian banua ginjang laho mangalehon pasupasu na tu hita. Diboto Debata do na dumenggan di hita asal ma unang matorbanghu dırınta tarajumi. Di bagasan toruk ni roha tahasabamhon ulaonta sisaonari asa molo dapot tingkina dibasabasahon Debata ma pangkat/paruntungan na tumimbo Ulaonta i, tung dia pe ragamna, rajumanta do i gabe ibadah na sejati di Debata, i ma hadaulaton ni na marroha. Ndang marasing na mamrminggu sian na mula ulaon. Hadaulaton (Ibadah) do nang na mula ulaon. Sude panggulmiton ni ngolu ingkon gabe bagian parsombaon tu Jesus. Antong, tapelehon ma dagingta nang ulaonta gabe pelean na badia jala na mangolu di Debata. Taulahon ma na hombar tu lomo ni roha ni Debata di ngolunta siganup ari jala tapadao ma roha na patorbanghu. Amen.