Khotbah Mazmur 68: 25 - 36 Mengakui Kekuasaan Allah

 Minggu Palmarum, 13 April 2025

68:25 Orang melihat perarakan-Mu, ya Allah, perarakan Allahku, Rajaku, ke dalam tempat kudus.

68:26 Di depan berjalan penyanyi-penyanyi, di belakang pemetik-pemetik kecapi, di tengah-tengah dayang-dayang yang memalu rebana.

68:27 "Dalam jemaah pujilah Allah, yakni TUHAN, hai kamu yang berasal dari sumber Israel!"

68:28 Itu Benyamin, yang bungsu, yang berjalan di depan mereka, pemuka-pemuka Yehuda berbondong-bondong, pemuka-pemuka Zebulon, pemuka-pemuka Naftali.

68:29 Kerahkanlah kekuatan-Mu, ya Allah, tunjukkanlah kekuatan-Mu, ya Allah, Engkau yang telah bertindak bagi kami.

68:30 Demi bait-Mu di Yerusalem, raja-raja menyampaikan persembahan kepada-Mu.

68:31 Hardiklah binatang-binatang di teberau, kawanan orang-orang kuat, penguasa-penguasa bangsa-bangsa! Injaklah mereka yang mengejar perak; serakkanlah bangsa-bangsa yang suka berperang!

68:32 Dari Mesir orang membawa barang-barang tembaga, Etiopia bersegera mengulurkan tangannya kepada Allah.

68:33 Hai kerajaan-kerajaan bumi, menyanyilah bagi Allah, bermazmurlah bagi Tuhan; S e l a

68:34 bagi Dia yang berkendaraan melintasi langit purbakala. Perhatikanlah, Ia memperdengarkan suara-Nya, suara-Nya yang dahsyat!

68:35 Akuilah kekuasaan Allah; kemegahan-Nya ada di atas Israel, kekuasaan-Nya di dalam awan-awan.

68:36 Allah adalah dahsyat dari dalam tempat kudus-Nya; Allah Israel, Dia mengaruniakan kekuasaan dan kekuatan kepada umat-Nya. Terpujilah Allah!

68:25 Nunga diida nasida * habobongotmu, ale Debata, habobongot ni Debatangku, rajangku tubagasan habadiaonna i.

68:26 Mardalan di jolo angka parende, di pudi ni angka parsarune di tongatonga ni na * marbaju, angka na mamalu doal.

68:27 Pinuji ma Debata di bagasan angka luhutan; Tuhan i, hamu ale angka na sian * mual ni Israel.

68:28 Disi do * si Benjamin siampudan pangarajainasida, angka induk sian Juda pe pasimpar, angka induk sian * Zebulon, angka induk sian Naptali.

68:29 Ditonahon Debata do hagogoonmu, sai pargogoi ma, * ale Debata, na pinatupam tu hami!

68:30 Ala jorom na di Jerusalem taruhonon ni angka raja do sogot silehonlehon tu Ho.

68:31 Sai songgahi ma * buea na di tolongi, angka * jonggi na marhoronhoron rap dohot angka anak ni lombu ni angka bangso, asa dioloi nasida patu mangalehon jomba hahal. Ibana paserakkon bangso, angka na mangkalomohon hamusuon.

68:32 Ro do sogot angka na sumangap sian Misir, Kus pe hapogan do marsomba tu Debata.

68:33 Hamu ale angka harajaon di tano on, endehon hamu ma Debata, palu hamu ma parhinaloan mamuji Tuhan i! Sela!

68:34 Ibana na * marhitehitehon langit ni langitan sian narobi, ida ma, pangiaronna ma soarana, soarana na gogo i.

68:35 Sai * lehon hamu ma hahormaton tu Debata! * Hamuliaonna i do gumomgom Israel, jala di angka banua ginjang sahali do hagogoanna!

68:36 Songkal do Debata, ro sian ingananna angka na badia i! Debata ni Israel do Ibana, * silehon hagogoon dohot hamuliaon tu bangso i. Pinuji ma Debata!

Di turpuk Evangelium on, marlas roha do luhutan ni Israel mangolophon hamonangan ni Jahowa, di tingki na mamongoti bagas habadiaonNa i. Laos songon i ma nang di turpuk Epistel Johannes 12: 12-15), di na marlas ni roha angka natorop, manomunomu Jesus, Raja ni Israel, mamongoti huta Jerusalem. Jesus bongot tu Jerusalem laho mangoloi dohot mangulahon parsuruon ni Amana na di banua ginjang, marhite na olo Ibana tarsilang di dolok Golgata. Psalmen 68 on i ma sada ende pujian tu Tuhan i gabe sada raja na marhuaso di ganup langit dohot tano on. Dipatangkas marhite turpuk on do pardalanan ni ganup bangso Israel jala songon dia do pangaramotion ni Tuhan i tu ganup halak na mangihuthon Ibana. Marhite ayat 25-36, dipatangkas parpsalmen do habalgaon dohot hamuliaon ni Tuhan i, na sasintongna dipuji marhite huasona na mansai balga tu ganup bangso. Marhite turpuk on, boi do hita mangida balga ni holong ni Tuhan i tu huriaNa, jala marhite turpuk on dipatangkas Parpsalmen do songon dia Hita songon Huria laho mamuji Debatanta i.

Nuaeng idaonta ma sian turpuk jamita on, parjolo, pamujion tu Debata pargogo na so hatudosan. Marhite ayat 25-27 boi do hita mangida gombaran iringiringan mardonganhon pujion natorop tu Tuhan, angka parende, huhut sude ruas na marlas ni roha. Marlas ni roha do nasida, ala dipasahat nasida do pujipujian. Marhite pangalaho on, dipaingot do hita paboa ngolunta si ganup ari ingkon boi gabe pujian tu Tuhan i. Manang aha pe na ta ula di ganup ari, nang pe di gareja manang di ganup ari ingkon boi patuduhon pujipujian tu Tuhan i sipalua hita. Marhitehite angka panghobasionta siganup ari di jolo ni Debata dohot tu tu nahumaliang hita gabe pamujionta tu Debata. Lumobi ngolu ni halak Kristen na mangolu di bagasan hata ni Debata. Ndang sarombang dohot portibion na olo dielaela sibolis laho mangulahon angka dosa dohot pangalaho namaralo tu lomo ni roha ni Debata.

Paduahon, ingkon ongkuhononta ma paboa Debata do mamasumasu bangsona. Hita do bangso ni Debata di partingkian sinuaeng on. Dipatangkas parpsalmen do songon dia Tuhan i mangalehon gogo, huaso, jala pamonangkon huria ni Tuhan i. Marhite Tuhan i do haroro ni hagogoon, dohot pangurupion ni Debata. Marhite angka pangajarion ni Tuhan Jesus tu angka siseanna dohot namangihuthon ibana do tangkas do diajarhon Jesus asa tongtong mangido gogo sian Debata. Ala nunga sangkabona angka naporsea i dohot Jesus Kristus. I do umbahen didok Tuhan Jesus: "Ahu do hau anggur i, hamu do ranting i. Na mian di bagasan Ahu jala Ahu di bagasan ibana, i ma na marparbuehon godang; ai ndang tarula hamu agia aha, anggo so mardongan Ahu" (Johanes 15:5).

Patoluhon, Raja do Debata tu saluhut bangso na di portibi on. Marhite ayat on, dipatangkas parpsalmen do paboa Tuhan i do Raja na marhuaso di sude tano on, jala dipaboa do tu ganup bangsa, di bagasan on, dipaturehon parpsalmen i paboa Debata do na gabe Raja na marhuaso di sude tano on, jala dipaboa do tu ganup bangsa, tarlumobi ma tu bangso na dao songon Mesir dohot Etiopia (Kush). Ingkon ro do sude ganup bangso marsomba tu Tuhan i, jala ingkon sude do bangso mananda Tuhan i gabe raja ni bangso ni Israel. Ndang holan gabe raja ni bangso Israel, alai gabe raja ni sude ganup bangso. On ma patuduhon visi universal taringot hita ringkot ni panindangion (penginjilan) dohot pasahathon barita na tu panggomgomion ni Tuhan i tu sude bangso, jala on do na pasingothon denggan tu sude bangso.

Sian pangantusion on taingot ma tongtong paboa Tuhan Jesus Kristus songon na tarsurat di Matius 28:18 "Dung i didapothon Jesus ma nasida, didok ma: Nunga sahat tu Ahu nasa huaso na di banua ginjang dohot na di tano on." Nunga dipasahat tu Tuhan Jesus Kritus sude huaso na adong di surgo manang na adong di portibi on, jala gabe sada sigomgom ginjang sandok tinompa.

Diajari Psalmen 68:35-36 on do hita paboa Tuhan i do Raja nampuna huaso, na ingkon manjalo pujipujian dohot hasangapon, Dipasupasu Ibana do huriaNai marhite hamonangan dohot hagogoon, jala Tuhan i do na mangarahon luhut bangso i laho mamuji Ibana. Gabe sada bangso ni Tuhan i, gabe sada panjouon do i tu hita laho pasangaphon Tuhan i di ganup parngoluanta, jala pararathon barita na uli ima taringot tu holong ni Debata tu sude jolma. Ala Ibana do Tuhan di sude ganup bangso, tatorushon ma i marhite haporseaon na togu, jala pos ni roha tu Tuhan Jesus Kristus marhuaso di ganup ngolunta.

Nuaeng nunga sahat hita di Minggu Palmarum, bagian ni parningotan di sitaonon ni Tuhan Jesus. Tangkas do ditomu jala diida natorop, Debata na ro mamongoti bagas habadiaonNa. Tangkas do di bagasan las ni roha, natorop i manomunomu Jesus na ro mamongoti huta Jerusalem. Ala ni nang hita pe, tangkas ma di ganup tingki dohot inganan jala di bagasan las ni roha, manjangkon haroro ni Jesus i di tongatonganta ganup. Ala ni i tama do pujianta Debata ala ni asi dohot denggan ni basana tu hita. Di ayat 35 ni turpuk on didok do: "Sai lehon hamu ma hahormaton tu Debata. HamuliaonNa i do gumomgom Israel, jala di angka banua ginjang sahali do hagogoanNa." Humophop hita do Jesus manaon hamatean i. Ala ni marhite Minggu Palmarum on, manang Minggu Maremare, taparade ma rohanta manomunomu parningotan ni panghophopon ni Tuhan Jesus tu hita. Marhite turpuk on dipatangkas parpsalmen do songon dia ngolunta dohot pambahenanta gabe sada bentuk pamujion na mansai ringkot tu Tuhan i. Di ayat 36 didok: Songkal do Debata, ro sian ingananNa angka nabadia i. Debata ni Israel do Ibana, silehon hagogon dohot hamuliaon tu bangso i. Pinuji ma Debata." Ndang holan ritus-ritus ibadah, alai tongtong do ngolunta boi gabe bentuk pamujion tu Debata.

Marhatopothon Huaso ni Debata, i do tema ni minggu on ia Debata Pargogo Na So Hatudosan. Marhatopothon Huaso ni Debata, i ma parbue ni panandaon ia Debata Pargogo na so hatudosan. Sian na marhatopothon Huaso ni Debata na so Hatudosan i do tubu roha mamuji Ibana sian nasa roha Tema i paingothon hita asa taparhatopot, tapuji Tuhan i laho patuduhon panandaonta dohot parbue ni na taparhatopot HuasoNa mangaramoti, paluahon hita sian parmaraan. Pujipujian i do parbue ni panandaonta di Huaso ni Debata. Pujipujianta i tapapatar marhite haunduhon dohot parange na denggan. Amen.