Khotbah Kejadian 32: 22 - 32 Aku Telah Melihat Allah

 Minggu 18 Set. Trinitatis; 19 Oktober 2025

32:22 Pada malam itu Yakub bangun dan ia membawa kedua isterinya, kedua budaknya perempuan dan kesebelas anaknya, dan menyeberang di tempat penyeberangan sungai Yabok.
32:23 Sesudah ia menyeberangkan mereka, ia menyeberangkan juga segala miliknya.
32:24 Lalu tinggallah Yakub seorang diri. Dan seorang laki-laki bergulat dengan dia sampai fajar menyingsing.
32:25 Ketika orang itu melihat, bahwa ia tidak dapat mengalahkannya, ia memukul sendi pangkal paha Yakub, sehingga sendi pangkal paha itu terpelecok, ketika ia bergulat dengan orang itu.
32:26 Lalu kata orang itu: "Biarkanlah aku pergi, karena fajar telah menyingsing." Sahut Yakub: "Aku tidak akan membiarkan engkau pergi, jika engkau tidak memberkati aku."
32:27 Bertanyalah orang itu kepadanya: "Siapakah namamu?" Sahutnya: "Yakub."
32:28 Lalu kata orang itu: "Namamu tidak akan disebutkan lagi Yakub, tetapi Israel, sebab engkau telah bergumul melawan Allah dan manusia, dan engkau menang."
32:29 Bertanyalah Yakub: "Katakanlah juga namamu." Tetapi sahutnya: "Mengapa engkau menanyakan namaku?" Lalu diberkatinyalah Yakub di situ.
32:30 Yakub menamai tempat itu Pniel, sebab katanya: "Aku telah melihat Allah berhadapan muka, tetapi nyawaku tertolong!"
32:31 Lalu tampaklah kepadanya matahari terbit, ketika ia telah melewati Pniel; dan Yakub pincang karena pangkal pahanya.
32:32 Itulah sebabnya sampai sekarang orang Israel tidak memakan daging yang menutupi sendi pangkal paha, karena Dia telah memukul sendi pangkal paha Yakub, pada otot pangkal pahanya.
 

32:22 Dung i hehe ma ibana bornginna i, dipangarahon ma jolmana na dua i dohot naposona boruboru na dua i dohot anakna na sampulu sada i, laho manaripari hatariparan Jabok.
32:23 Jadi ditogihon ma nasida patariparhon di batang aek i, dipataripar ma nasa na di ibana i.
32:24 Tading ma holan si Jakkob, jadi ro ma sada halak marsiranggut dohot ibana ro di buha siang ari.
32:25 Alai dung diida, ndang leak tunduksa si Jakkob, disoro ma soitna, jadi ngendul ma soit ni si Jakkob i dibahen parsiranggutonnasidai.
32:26 Dung i ninna Ibana ma: Palua ma Ahu, ai nunga buha siang ari. Alai ninna si Jakkob ma: Ndang hupalua Ho, nda jolo dipasupasu Ho ahu.
32:27 Dung i ninna Baoa i mandok Ibana: Ise do goarmu? Si Jakkob do, ninna.
32:28 Jadi ninna Baoa i ma: Ndang be si Jakkob dohonon goarmu, si Israel na ma, ai dialo ho do Debata dohot jolma, jala monang ho do.
32:29 Dung i manungkun ma si Jakkob, jala ninna: Ua paboa ma goarmu? Alai ninna Ibana ma: Boasa ma tung sungkunsungkunanmu goarhu? Dung i dipasupasu ibana disi.
32:30 Jadi dibahen si Jakkob ma goar ni parsiranggutan i Peniel; ai nunga tangkas huida apala Bohi ni Debata, jala malua tondingki.
32:31 Dung i di na sinalpuanna i Peniel i, binsar ma mata ni ari di ibana, hape mengkatengkat ibana dibahen soitna.
32:32 Ala ni do umbahen so dipangan halak Israel urat doldol rasirasa nuaeng, ala disoro pardomuan ni soit ni si Jakkob i.
  

Di pardalanan ni haporseaon, tontu adong do tingkina songon na holom panghilalaan ni ngolu on hira so adong arah. Dipasahat do tangiang, alai songon na marisuang do i dihilala. Jotjot do maraburan ilu sian hata na dihatahon, jala di na hohom, jotjot do roha disosak sungkunsungkun: "Tuhan, didia do Ho?" Di dunia yang serba cepat, dan penuh dengan stres, jotjot do hita disosoi asa patuduhon haporseaon na togu, bohi na togu, dohot ngolu na hot. Haporseaon na ideal. Alai di tingki on, marhite barita ni si Jakkob di Jabok, sada na asing do dipatuduhon Hata ni Debata. Di portibi on, jotjot do dihirim hita patuduhon haporseaon na togu dohot ngolu na taratur. Alai marhite barita ni si Jakkob di topi ni aek Jabok, adong do na asing dipatuduhon. Ndang jumpang si Jakkob martangiang dibagasan dame, alai marungkil do. Dibugang do ibana. Alai di paraloan i do bohi ni Debata dipatuduhon tu ibana. Jala marhite bugang i, dilehon ma pasupasu tu ibana.

Marhite barita on, botoonta ma, haporseaon na sintong ndang sai ditanda marhite hadameon, alai boi do i terbentuk di angka pergumulan na borat. Gariada, dipatudu do ibana margulat, marbadai, jala adong do na luka. Alai, justru marhite pengalaman i do dipatuduhon bohi ni Debata tu ibana. Justru marhite bugang i do dilehon pasupasu tu ibana. Marhite turpuk on, diajak do hita mangarimangi, ia angka paraloan ndang sai ingkon ditafsirhon songon haporseaon na gale, alai boi do antusan songon dalan tu transformasi partondion na bagas. Pengalaman ni si Jakkob on gabe parsiajaran tu hita di tingki on.

Naparjolo, dipungka do barita on sian borngin na hohom. Sude keluarga ni si Jakkob dohot artana nunga disuru tu bariba, jala nuaeng tinggal sahalakna. Kesendirian ni si Jakob borngin i ndang dianggap kebetulan, alai diparade do gabe panggung tu parjumpangan Ilahi. Goar "Jakob" secara harfiah diartihon songon panipu, na maniop tumingkos na malo paluahon dirina marhite angka ragam cara na licik. Saleleng ngoluna, marragam do strategi na dipangke, jala ragam do manipulasi na dipatupa ibana: si Esau dipaotooto, si Ishak dipermainhon, jala si Laban dimanipulasi. Alai anggo di Jabok, ndang adong be na mangotootoi. Ndang adong angka dongan na laho mangatur, jala ndang adong arta na laho dipertahanhon. Dibahen do ibana di kondisi na punjung, holan si Jakob dohot Debata.

Ditaringoti do tokoh hahomion na margulat dohot si Jakob, alai ndang tangkas dipatorang panurat ni buku 1 Musa. Surusuruan do i? Debata do i? Manang, pergumulan batin do i na tarida di partondion? Kemungkinan ni saluhutna i boi do tarjalo roha. Saleleng borngin i, dibolus si Jakkob do paraloan on. Ndang holan pergumulan fisik on, alai proses rohani do na manegai hadirionna na leleng i. Label, topeng, dohot peran hidupna dipadao sada-sada. Justru di titik kehancuran total i do dilehon Debata identitas na imbaru tu ibana. Torop do hita na hira songon di Jabok i pardalanan ni haporseaonta. Hira punjung tahilala di borngin na gok parbadaan di parbagasan, di na so dilehon pangapulion, alai dipaloas do masa konfrontasi partondion. Jala disi do Debata membentuk ulang jati diri kita yang baru.

Napaduahon, dung dibuha siang ari, dibahen dongan na marsiranggut i ma sada pukulan tu soit ni si Jakkob. Bugang do soit ni si Jakkob, jala mulai sian i gabe maol ma ibana mardalan marlojong. Ndang monang ibana di pardagingon, alai dipargogoi do di partondion. Ndang dilehon gogo tu ibana, alai bugang do jala sian bugang i do dibahen goar na imbaru tu ibana: Israel, "na marbadai dohot Debata dohot jolma, jala monang." Di pudian ni ari dibahen ma goar ni inganan paraloan i Peniel, lapatanna "Bohi ni Debata". Dibahen si Jakob do sada pengakuan na luar biasa: "ai nunga tangkas huida apala Bohi ni Debata, jala malua tondingki." Dibagasan turpuk on, bohi ni Debata ndang jumpang dihamuliaon manang di angka langgatan na timbo, alai di bagasan rihit dohot paraloan borngin do.

Barita na margogo do on di hita saluhutna: ndang sai dihilala hadirion ni Debata ingkon di angka inganan na marmulia, alai jotjot do jumpang di angka bugang. Bugang ndang tanda naung didabu manang ditadinghon Debata hita, alai boi do i tanda naung dihaol Ibana hita. Haporseaon na sintong ndang diukur sian stabilitas emosi manang kesuksesan dalam standar duniawi ni ngolu, alai sian habaranion na marsitutu, na marsihohot, dohot na olo mangelek nang pe ndang sude diantusi. Ndang dipalua si Jakkob na margulat dohot ibana. Ditogutogu haporseaon do ibana paboa pasupasu ni Debata do na dipajonok tu ibana, nang pe marhite na hansit. Haporseaon na sintong ndada sai dipatuduhon marhite hagogoon, alai marhite habaranion do torus manahan jala torus mangangkupi Debata nang pe disonggopi angka hamaolon ngolu on. Ndang dipalua si Jakkob angka i sahat tu na dilehon pasupasu i tu ibana. Perjuangan menjadi ruang perjumpaan dengan Tuhan.

 

Barita taringot tu si Jakkob di Jabok dipasahat tu hita ndada holan songon boaboa sambing, alai asa dihangoluhon do. Jotjot do dipaloas parjumpangan na umbagas dohot Debata masa ndang di tingki na tenang, alai di tingki habahaba. Di bagasan na hohom dohot paraloan i, boi do jumpang bohi ni Debata jala lam tangkas hilalaonta holongNa. Ndang pola ditabunihon ilunta. Nata pe ingkon mamolus borngin na gok sungkunsungkun, unang ma diparsoada. Ala di saluhutna i, jotjot do patar hadirion ni Debata. Molo dung marujung parungkilon i ingkon boanon do hita sian rura i mardongan luka. Las ma rohata, ai dumenggan do pajumpang dohot Debata molo pe ingkon pangpangon, sian na dipadao sian Ibana. Sai anggiat ma marhite turpuk on, lam togu hita saluhutna, asa unang holan tarida haporseaonta, alai dohot do marurat di pengalaman nyata taringot tu holong ni Debata na menyentuh hita ndang holan laho membentuk, alai laho paubahon hita gabe halak na imbaru.

Naung pinaimbaru do goar ni si Jakob, ibana naung manghamonanghon parsirangguton (parsitutuon) mangeahi pasupasu na sian Tuhan i. Songon i ma nang luhut jolma tinobus ni Jahowa di bagasan Jesus Kristus, rade pinaimbaru jala sai masihol pajumpang bohi dohot Tuhan i, dung jolo rade mananda diri nang hahurangan songon si Jakob i. Dunghon ni i, mardame jala saor ma ganup di bagasan holong ni roha (ida Mateus 5:23-24). Ima dalan mamelehon diri nang nasa ngolu tu adopan ni Debata Jahowa, marhite unduk, serep ni roha, hadameon, di bagasan ngolu na manongtong i. I do tandana naung tangkas taida bohi ni Tuhan i, songon nidok ni ojahan ni minggu sadari on "Nunga tangkas huida bohi ni Debata" gabe tupa do hadameon i di na marhahamaranggi, songon na masa di si Esau dohot si Jakob uju i (1 Musa 33:1-12). Taauhon ma i, Amen!