Khotbah Ulangan 15: 12-18 Kemerdekaan

Minggu 10 Set. Trnitatis; 16 Agustus 2020

Malua Sian Parhatobanon

15:12 "Apabila seorang saudaramu menjual dirinya kepadamu, baik seorang laki-laki Ibrani ataupun seorang perempuan Ibrani, maka ia akan bekerja padamu enam tahun lamanya, tetapi pada tahun yang ketujuh engkau harus melepaskan dia sebagai orang merdeka.

15:13 Dan apabila engkau melepaskan dia sebagai orang merdeka, maka janganlah engkau melepaskan dia dengan tangan hampa,

15:14 engkau harus dengan limpahnya memberi bekal kepadanya dari kambing dombamu, dari tempat pengirikanmu dan dari tempat pemerasanmu, sesuai dengan berkat yang diberikan kepadamu oleh TUHAN, Allahmu, haruslah kauberikan kepadanya.

15:15 Haruslah kauingat, bahwa engkau pun dahulu budak di tanah Mesir dan engkau ditebus TUHAN, Allahmu; itulah sebabnya aku memberi perintah itu kepadamu pada hari ini.

15:16 Tetapi apabila dia berkata kepadamu: Aku tidak mau keluar meninggalkan engkau, karena ia mengasihi engkau dan keluargamu, sebab baik keadaannya padamu,

15:17 maka engkau harus mengambil sebuah penusuk dan menindik telinganya pada pintu, sehingga ia menjadi budakmu untuk selama-lamanya. Demikian juga kauperbuat kepada budakmu perempuan.

15:18 Janganlah merasa susah, apabila engkau melepaskan dia sebagai orang merdeka, sebab enam tahun lamanya ia telah bekerja padamu dengan jasa dua kali upah seorang pekerja harian. Maka TUHAN, Allahmu, akan memberkati engkau dalam segala sesuatu yang kaukerjakan."

15:12 Tung sura mangadop di ho donganmu sahalak Heber baoa manang parompuan, ingkon onom taon lelengna ibana mangula di ho, tole papitutaonhon ingkon paluaonmu boti ibana sian lambungmu.

15:13 Jala tung sura dipalua ho ibana boti sian lambungmu, ndang jadi rumar boti ibana paluaonmu.

15:14 Ingkon buas pangalehonmu tu ibana sian birubirum dohot sian pardegeanmu dohot sian pangilanganmu anggur, sian luhut naung pinasupasuhon ni Jahowa, Debatam tu ho, lehononmu ibana.

15:15 Ingkon paingotingotonmu, hatoban do nang ho najolo di tano Misir, gabe ditobus Jahowa, Debatam ho, ala ni do umbahen hutonahon tu ho hata on sadarion.

15:16 Alai tung sura dohononna mandok ho: Ndang dipangido rohangku naeng malua ahu ruar sian lambungmu ala holong rohana mida ho dohot mida isi ni jabum, ai sonang rohana di lambungmu.

15:17 Ingkon buatonmu ma sada sigirik jala turaonmu pinggolna di lambung pintu, jadi hatobanmu ma ibana ro di salelenglelengna; tu hatobanmu parompuan pe laos songon i do bahenonmu.

15:18 Unang pola dok roham ala paluaonmu ibana boti sian lambungmu, ai silompit sian gaji ni halak sipangan gaji pinangulahonna ho onom taon lelengna, jadi pasupasuon ni Jahowa, Debatam ma ho, di saluhut na niulam.

Ndang adong jolma na marlomo ni roha gabe hatoban. Aut sura boi mamillit, ndang adong na mamillit asa gabe hatoban ibana, jala aut sura boi mamillit, sude pasti mamillit gabe na mora, na marpangkat, na sangap jala na uli rupa, alai kenyataanna ndang songon i. Sian na jolo sahat tu saonari sai adong dope parhatobanon nang pe sasintongna ndang dihalomohon jolma i praktek parhatobanon i. Alai adong muse do deba angka na pistar, na marpandapt na ditolopi do di Bibel praktek parhatobanon, jala sada sian turpuk na dipangke laho manolopi pandapot nasida ima turpuk jamita on. boha tutu, na ditolopi Padan na Robi do parhatobanon? Taida ma marhite turpuk on. Mansai godang do angka aturan parngoluan na diaturhon di buku 5 Musa on. di ginjang ni turpuk on, di ayat 1-11 taringot tu Taon Sabat/Minggu ima taon papituhon, diaturhon do penghapusan utang. Dung i diuduti ma muse dohot di turpuk on, ayat 12-18 na di Bibel dibahen judul na: marasi roha huhut tu angka hatoban baoa dohot parompuan. Alani do ia unok ni aturan on ima asi ni roha. Secara umum na gabe ondolan ni turpuk jamita bindu 15 on, i ma taringot tu ruhut ruhut ni patik tu halak Israel, ingkon marasi roha godang tu halak na pogos, tu angka hatoban baoa dohot parompuan. On ma ojahanta mangantusi turpuk on nang manulak pangantusion na madok ditolopi turpuk on parhatobanon.

Dibuhai do turpuk on marhite pandohan “tung sura mangadop di ho donganmu sahalak Heber baoa manang parompuan”. Sian on taboto na sian hasadaron jala harelaon sian dirina do ibana pasahat dirina asa gabe hatoban. Unang tajaha ayat 12 on marhite konteks dohot kacamata ni zaman modern sinuaeng. Ala ndang parhatobanon massal jala na sistematis parhatobanon na minaksud ni turpuk on. Boi masa songon na di ayat on alani hamaolon ni ngolu do, isara ni hapogoson dohot tarlilit utang. Asa unang mate alani haraparon tumagon ma gabe hatoban asa boi mangan. Dihatiha i, dao dumenggan do karejo di jabu ni halak (hatoban) asa boi manguduti ngolu. Jadi hombar tu situasi na masa dihatiha i, tindakan di ayat 12 on ima tindakan na paluahon ngolu sian situasi na dumangol, ima ndang mangan jala ndang adong inganan parmanianan. Udut tusi tangkas diondolhon muse, nang pe tumagon gabe hatoban di jabu ni halak sian na anturaparon nang gelandangan, alai ndang boi nasida gabe hatoban saleleng ni lelengna. Adong do batas partingkianna, ima saleleng pitu taon. Jala ndang holan i, dung pitu taon ndang jadi paluaon boti hatoban i. Alai ingkon paborhaton do asa adong bohalna manguduti ngoluna dung malua ibana sian parhatobanon i. Tangkas do disurathon di ayat 14, “Ingkon buas pangalehonmu tu ibana sian birubirum dohot sian pardegeanmu dohot sian pangilanganmu anggur, sian luhut naung pinasupasuhon ni Jahowa, Debatam tu ho, lehononmu tu ibana”. Turpukta sadarion paingothon tu hita ingkon roha paluahon dohot pangoluhon do hita. Ganup mangula, manghatai, mangalangka, songon halak na porsea hita ndang jadi menindas, alai baliksa ingkon paluahon dohot pangoluhon.

Ojahan asi ni roha ima ala jumolo hita dipalua Debata marhite asi ni rohaNa (ay. 15). Tangkas diondolhon di turpuk on ia dasor ni bangso Israel mangulahon holong dohot asi ni roha, manarihon angka na pogos, paluahon angka hatoban ala nasida pe na jolo hatoban alai dipalua Debata. Laos on do nang joujou tu hita laho mangulahon holong, asi ni roha dohot haluaon. Jumolo do Debata manghaholongi hita, marasi ni roha tu hita, paluahon hita sian parhatobanon ni dosa marhite mudar ni Tuhan Jesus. Halak Kristen na porsea ima angka naung pinalua ni Jesus Kristus sian parhatobanon ni dosa. Songon na nidok ni apostel Paulus “Ai naung dipalua patik ni tondi hangoluan na dibagasan Kristus Jesus do ahu sian patik ni dosa dohot hamatean (Rom. 8: 28)”. Alani i gabe angka naung pinalua do hita marhitehite Kristus marhite haporseaonta. Ingkon adong nang di hita roha “tau diri” mananda ise hita najolo, na dipalua do hita sian asi ni rohaNa asa unang tubu ginjang ni roha maradophon angka dongan. Jumolo do Debata mangalehon dohot mangaradoti hangoluanta. Alani, dalanta mandok mauliate tu Debata, tarjou ma hita mamboan haluaon, holong, asi ni roha.

Molo tung adong jolma na taurupi hangoluanna, molo tung adong jolma na hea tapalua, molo tung hea hita marasi ni roha tu sasahalak, so tung taetong marutang nasida tu hita. So tung tapaksa nasida mambalos i tu hita, molo songon i roha na pamatehon do i. Na pinangido ni turpuk on ima mamboan haluaon so paima balos sian dongan jolma. Baliksa, ingkon rajumanta do na mangulahon naung tajalo do hita, gariada tahe ndang sadia dope na tabahen martimbangkon naung tajalo sian Debata. Mudar ni Jesus durus di Golgota holan laho manghophop hita, marsiak bagi Tuhanta i holan laho paluahon hita, marlea Tuhantai holan laho pangoluhon hita, nda hamauliatehononta ma nian i marhite ngolunta siganup ari na patupahon hangoluan. Ala dipangolu Debata hita, gabe parroha na pangoluhon ma hita, unang roha pamatehon. Ala dipalua Debata hita, gabe parroha na paluahon ma hita, unang roha mandobo, unang roha manghungkung.

Ndang jadi dok roha paluahon dongan (ay. 18). Tangkas dipaingot tu bangso Israel, molo jumpang tingkina laho paluahon hatoban di taon papituhon, ingkon ias rohana, unang dibagasan dok ni roha, unang marsak manang tarpaksa. Lapatanna molo niurupan dongan, molo pinalua dongan, molo roha na pangoluhon ingkon sian ias ni roha do, ndang jadi paksaan. Molo na paimahon balos do memang olo do ndang ias roha, alai molo dalan mandok mauliate dihaluaon naung dibasabasahon Debata marhite Tuhan Jesus Kristus, pasti ndang dok roha, ndang mardongan muruk, ndang dibagasan arsak.

Antong songn angka na pinalua ni Debata hita sian dosa, hamatean nang sibolis marhite mudar ni Tuhan Jesus, tarjou ma hita mamboan haluaon tu sandok portibi on. Tapararat ma haluaon na sian Tuhan Jesus marhite na gabe paluahon hita. Tung tu ise pe hita mardongan dohot mangula naeng ma pangoluhon hatanta nang parangenta. Molo tung pe taurupi donganta, naeng ma nian paluahon, unang asa dibalos tu hita na denggan alai ala tahaporseai nunga jumolo hita diurupi Debata. Alani gabe siboan haluaon dohot hangoluan ma hita saluhutna. Amen.