Khotbah Pengkhotbah 2: 4-11 Kenikmatan Dunia Adalah Sia-sia

 Minggu 14 Set. Trinitatis; 13 September 2020

2:1 Aku berkata dalam hati: "Mari, aku hendak menguji kegirangan! Nikmatilah kesenangan! Tetapi lihat, juga itu pun sia-sia."

2:2 Tentang tertawa aku berkata: "Itu bodoh!", dan mengenai kegirangan: "Apa gunanya?"

2:3 Aku menyelidiki diriku dengan menyegarkan tubuhku dengan anggur, -- sedang akal budiku tetap memimpin dengan hikmat --, dan dengan memperoleh kebebalan, sampai aku mengetahui apa yang baik bagi anak-anak manusia untuk dilakukan di bawah langit selama hidup mereka yang pendek itu.

2:4 Aku melakukan pekerjaan-pekerjaan besar, mendirikan bagiku rumah-rumah, menanami bagiku kebun-kebun anggur;

2:5 aku mengusahakan bagiku kebun-kebun dan taman-taman, dan menanaminya dengan rupa-rupa pohon buah-buahan;

2:6 aku menggali bagiku kolam-kolam untuk mengairi dari situ tanaman pohon-pohon muda.

2:7 Aku membeli budak-budak laki-laki dan perempuan, dan ada budak-budak yang lahir di rumahku; aku mempunyai juga banyak sapi dan kambing domba melebihi siapa pun yang pernah hidup di Yerusalem sebelum aku.

2:8 Aku mengumpulkan bagiku juga perak dan emas, harta benda raja-raja dan daerah-daerah. Aku mencari bagiku biduan-biduan dan biduanita-biduanita, dan yang menyenangkan anak-anak manusia, yakni banyak gundik.

2:9 Dengan demikian aku menjadi besar, bahkan lebih besar dari pada siapa pun yang pernah hidup di Yerusalem sebelum aku; dalam pada itu hikmatku tinggal tetap padaku.

2:10 Aku tidak merintangi mataku dari apa pun yang dikehendakinya, dan aku tidak menahan hatiku dari sukacita apa pun, sebab hatiku bersukacita karena segala jerih payahku. Itulah buah segala jerih payahku.

2:11 Ketika aku meneliti segala pekerjaan yang telah dilakukan tanganku dan segala usaha yang telah kulakukan untuk itu dengan jerih payah, lihatlah, segala sesuatu adalah kesia-siaan dan usaha menjaring angin; memang tak ada keuntungan di bawah matahari.

2:4 Dung i hupabalga ma angka hapadeanku, hupauli di ahu angka bagas bolon, jala hupungka di ahu angka porlak anggur.

2:5 Hubahen di ahu angka porlak dohot paredangedangan, jala husuan tusi hau angka na marparbue marragamragam.

2:6 Hubahen di ahu angka tobat mamornohi hau suanan angka na rugun martumburi.

2:7 Hutuhor ma angka hatoban baoa dohot boruboru, adong huhut di ahu naposo angka na tubu di jabungku; tole muse angka punguan lombu dohot birubiru gumodang di ahu sian saluhut jolma angka na jumolo sian ahu di Jerusalem.

2:8 Hupagukguk huhut di ahu perak dohot sere dohot arta na arga sian raja angka na pulik luat. Hupillit huhut di ahu angka parende baoa dohot boruboru bahen hariburon di jolma manisia, tole parinaan tuanlaen mansai torop.

2:9 Jadi tumimbul jala ummora ahu sian saluhut jolma angka na jumolo sian ahu di Jerusalem; hot do huhut hapistaranku di ahu.

2:10 Manang sadia pe na pinangido ni matangku ndang huontohi, ndang hutiopi rohangku mangolooloi nasa lomona. Ai tung na las situtu rohangku mida saluhut pambahenanku, jala i do antong jambarhu sian saluhut ulaonku.

2:11 Alai dung hubereng saluhut pambahenanku, angka na binahen ni tanganku, ro di hangaluton angka na huta on laho paulihon, ida ma laho salpu do saluhutna jala * mangeahi alogo sambing ahu disi, ndang adong hape na hot anggo di hasiangan on.

Las ni roha nang hasonangan ima sada hata na ni hirim manang na pinarsinta ni sude hajolmaon di ngoluna. Na pogos nang na mora dang marimbar tahe. Adong manghirim las ni roha marhite parbinotoan, manang habisuhon, adong ma on marhite hamoraon. Songon na di peop tradisi ni hita halak batak mulai na ujui  sahat tu nuaeng molo dung adong “ hagabeon, hamoraon, hasangapon” nungga be didok on halak na tung digohi hasonangan be ngoluna saleleng ni lelengna. Jala molo taida di angka hamajuon ni portibi on nungga tung marragam be angka silas ni roha i. Isaran molo di kecanggihan ni teknologi naung ta hilala manang naung tatiop (kita miliki): handphone, labtop, dohot angka lan na asing.  Godang do angka manisia i holan  manggatim (asyik sendiri) diri na sandiri alani angka kenikmatan ni haportibion na mambahen lupa di angka hadirionna manang identitas hakristenonna (orang yang percaya). Alai molo di halak Kristen ulaning do hasonangan  songon na didok ni halak batak I (hasonangan di hagiot ni daging)? marhite I ma ta paihut-ihutma hatorangan ni jamita di Parjamita 2:4-11 on (na gabe turpuk jamita ni minggu ta on).

Buku parjamita ima sada buku na sinurathon ni si Salomo, anak ni si David, raja Israel (Parjamita 1:1). Jala pangarimpunan ni buku Parjamita on ima poda sipaingot taringot na laho salpu do saluhutna sian portibi on, alogo sambing do saluhutna. Tung aha ma na tinggal di jolma i sian hinangaluthononna saleleng di hasiangan on? (ay. 1:1-2). Alani, turpuk on paingothon hita jolma manisia asa unang tarlalap di angka ulaonta sambing, ima na mangalului na di portibion (hasonangan dihaportibon). Unang tarlalap hita di hasiangan on, ai parsatongkinan do on. Harajaon ni Debata do na ro di saleleng ni lelengna, ido sipareanta di ngolunta on. Disurathon do di bagasan turpuk Parjamita 2:4-11 ima taringot tu hasasalpu ni Hajagaron dohot Hamoraon sian portibion (judul perikop/ pamungka ni ayat). Tangkas jala tegas di pandohan ni panurat ni buku Parjamita on, paboa na laho salpu do sude las ni roha manang hasonangan dohot angka na masa di portibi on. Sasintongna  molo jujur hita tu dirinta ganup (diri sendiri), aha do na talului di portibion, di ngolunta siganup ari? Nda holan angka las ni roha manang hasonangan? Angka dia ma na mambahen las ni roha ni rohanta ido na talului songon na sinurathon ni parjamita dibagasan turpuk on idaonta  ma na niluluan ni si parjamita di bagasan turpuk on, ido tong na talului di ngolunta sinuaeng on. Molo dihalak batak, hombar tu falsafat ni ompunta sijolo-jolo tubu ima 3H ” hagabeon hamoraon dohot hasangapon” alai molo dibagasan turpuk on, dipatorang do umbidang taringot tu angka na jotjot talului di portibi on manang di ngoluna siganup ari, ima:

-Ay. 4 Pangulaan dohot arta:

Marhite-hite hapistaran di na mangula angka ulaonna siganup ari, sai dipingkiri jolma on do hasiangan on laho paulihon undung-undung (bagasna), ima bahen parmainanna ro di pinomparna. Songon dia pe godang ni arta ni sasahalk, ia so jolo dipature bagasna, hira na marisuang sambing do hamoraonna i. Ai di hajolmaon, na niida ni mata do na dihatahon jala di paboaboa. Molo dung diida bolon ni bagas ni sasahalak, huhut angka perabotan na arga di bahen disi, pintor didok do on na mora nampunasa bagas i. dung I arta na umarga muse ima tano manang porlak, songon sada identitas di sadasada keluarga (didok ma on raja tano). Molo di halak Israel, tano ima tano teanteanan jolo di rajumi nasida do selheonlehon ni Debata do I, jala songon arta na ingkon dipertahanhon sahat doi sahat ro di angka pinomparna manang sundutna muse. Hata “hupungka” di ahu angka porlak anggur, martudutudu naung bidang tano/ ladang pangulaanna jala naeng manambai muse marhite na mamungka manuan anggur di porlakna i. Anggur ima songon suan-suanan na tubu jala songon sada pencarian di pertanian ni halak Israel do i. molo nungga bidang tano jala denggan parbuen ni tano I, pintor hatop do jolma mandok na mora do angka nampunansa tano na bidang i jala godang parbue ni tanona i.  

-Ay.5-6: Pangulaan dohot Arta

            Marhitehite tano na bidang, naeng suanon ni nampunasa tano i do ragam ni suansuanan na marparbuehon angka parbue na denggan. Molo di zaman nuaeng on, sistem pertanian na lam maju, boi do angka tano na so napu hian gabe napu dibahen marhitehite kompos nang pupuk kimia dohot na asing, asalma adong modalna manang sinamotna boi do mamungka pangulaan na bidang jala manuan angka suansuanan na marparbue marragamragam. Ndang holan suansuanan, angka tobat pe dohot do dibahen ima inganan ni angka dengke na boi allangon manang gadison tu jolma, laho pamajuhon perekonomian.

-Ay.7 : Huaso dohot Hasangapon

            Masa dope najolo di angka halak na mora manuhori angka hatoban baoa dohot boruboru bahen hatobanna laho mangula ulaon na pinasahat ni tuanna tu ibana. Angka hatoban on, ima adongma na so mampu hian manggarari utangna tu parutanganna, ujungna tuanna ima na manggarari, jadi dipelehon angka hatoban i ma ngoluna dohot gogona mangula di tuanna i. Taingot ma songon dia godang ni hatoban/naposo ni si Abraham dohot si Job, tanda ni hamoraon nasida di masana. Patuduhon Hamoraon, Huaso nang Hasangapon do molo godang angka hatoban na dijolo ni sasahalak, ala selaku tuan ibana ingkon menanggung ngolu ni hatobanna i saleleng di jolona karejo angka hatoban/naposo na tinuhorna i. Ndada holan i. Hamoraon ni sasahalak tarida do sian godang ni pahanpahananna ima lombu nang birubiruna, jala ido tugas ni angka hatoban/naposona i ima mangaradoti angka arta ni tuanna ido.

-Ay.8: Sinamot, arta, Perak, Sere dohot Hasonangan

            Dipagukguk angka jolma do perak, sere nang arta bahen silas ni rohana. Apalagi ma di masa ni Covid 19 on, lam leleng lam nangkok do arga ni sere. Angka naung godang hian manimpan sere/emas, molo pintor digadis nuaeng tontu marlipat hali ganda ma pangomoanna, na mora lam mamora ma. Ndang holan i, hasonanganna pe dilului do marhite na marende rap dohot angka parende baoa nang boruboru, bahen hariburon. Molo zaman nuaeng on berkembang do angka tempat-tempat hiburan isarani café, diskotik, Dugem (Dunia gemerlap) dna, laho menghibur angka jolma na manghaporluhon. Sai godang do jolma na laho tu inganan si songon i, ninna laho menghilangkan stress dna, tontu angka jolma parhepeng do na laho tusi, alani arga ni pambayaran.

-Ay.9-10: Hamoraon. Adong do pandohan na mandok: “Simbora gukguk duldul otik, mamora hita luhut alai sumurung au otik”. Naeng tumimbul hamoraonta martimbanghon donganta jolma, sai adong do bangko ni jolma sisongon i. Ndang lomo rohana molo adong sainganna, ingkon ibana na nian naummora sian donganna. Sai jumpang do pangalaho si songon i sahat tu nuaeng on. Ido umbahen ragam cara dipatupa jolma laho papungupunguhon arta hamoraonna.

Dung ta jaha hatorangan ni jamita i, tangkas ta antusi aha do sasintongna na ni ondoholhon ni tema ni turpuk on “sisoada do hagiot ni portibi on” segala sesuatu adalah sia-sia. Saluhutna na di portibi on parsatongkinnan do, jala na laho salpu, jala na so olo salpu ima Harajaon, hagogoon dohot hasangapon ni Debata ro disaleleng ni lelengna do angka i. Hombar tusi do tong nang Epistelta di Minggu on na paingothon hita manirag kebutuhan dohot tuntutan na hinsat sian dirinta. Dia do kebutuhan dohot tuntutan na ingkon gohanta ima parulaonta na hombar tu sahalak panean diadopan ni Debata, andigan ma I ulahononta tontu “saonari” do alusna.  Alani manang aha pe na tadapot di portibi on, unang tapangasahon. Ai dang tuk angka i paluahon hosa nang tonfita pe. Molo jumpang manang dapotna sude dihasiangan on, naing ma niann tongtong dibagasan biar ni roha hita maradophon Debata lapatanna unang ma nian hita manghalangkon sude angka ulaon manang cara lao mandapothon hasonangan i. dang mandabuhon donganta, dang manghajongjonghon naso ada. alai naing ma nian hita mandapot hasonangan ni marhite panandaon tu Debata, dalan na ture, denggan jala hombar tu lomo ni roha ni Debata di nalaho mangula saluhutna angka ulaonta.

     Asa dungkon taboto tujuan ni pardalanan ni ngolunta (dang mangasahon hagiotni daging manang haportibion) asa panean di harajaon ni Debata, tontu tama situtu do ingkon paradeonta dirinta dohot parulaonta. Amen.