Khotbah Yeremia 22: 1-9 Lakukanlah Keadilan dan Kebenaran

 Minggu 10 Set. Trinitatis; 08 Agustus 2021

22:1 Beginilah firman TUHAN: "Pergilah ke istana raja Yehuda dan sampaikanlah di sana firman ini!

22:2 Katakanlah: Dengarlah firman TUHAN, hai raja Yehuda yang duduk di atas takhta Daud, engkau, pegawai-pegawaimu dan rakyatmu yang masuk melalui pintu-pintu gerbang ini!

22:3 Beginilah firman TUHAN: Lakukanlah keadilan dan kebenaran, lepaskanlah dari tangan pemerasnya orang yang dirampas haknya, janganlah engkau menindas dan janganlah engkau memperlakukan orang asing, yatim dan janda dengan keras, dan janganlah engkau menumpahkan darah orang yang tak bersalah di tempat ini!

22:4 Sebab jika kamu sungguh-sungguh melakukan semuanya itu, maka melalui pintu-pintu gerbang istana ini akan berarak masuk raja-raja yang akan duduk di atas takhta Daud dengan mengendarai kereta dan kuda: mereka itu, pegawai-pegawainya dan rakyatnya.

22:5 Tetapi jika kamu tidak mendengarkan perkataan-perkataan ini, maka Aku sudah bersumpah demi diri-Ku, demikianlah firman TUHAN, bahwa istana ini akan menjadi reruntuhan.

22:6 Sebab beginilah firman TUHAN mengenai keluarga raja Yehuda: Engkau seperti Gilead bagi-Ku, seperti puncak gunung Libanon! Namun pastilah Aku akan membuat engkau menjadi padang gurun, menjadi kota yang tidak didiami orang.

22:7 Aku akan menetapkan pemusnah-pemusnah terhadap engkau, masing-masing dengan senjatanya; mereka akan menebang pohon aras pilihanmu dan mencampakkannya ke dalam api.

22:8 Dan apabila banyak bangsa melewati kota ini, maka mereka akan berkata seorang kepada yang lain: Mengapakah TUHAN melakukan seperti itu kepada kota yang besar ini?

22:9 Orang akan menjawab: Oleh karena mereka telah melupakan perjanjian TUHAN, Allah mereka, dan telah sujud menyembah kepada allah lain dan beribadah kepadanya."

Dang mansohot Debata paingothon bangso na pinilitna i asa mulak jala marhamubaon ni roha. Anggiat mangolu nasida dibagasan patik naung jinalo nasida dimulana i. Dipangke Debata do angka panurirang dinalaho pabotohon angka sangkap na, holong ni roha dohot uhumna maradophon bangso na pinilit na, asa marhamubaon, asa margogo mangadopi sitaonon na niadopan nasida siala penindasan na pinatupa ni banso na asing diparngoluan nasida siganup ari. Di turpuk on, dijou Debata do panurirang Jeremia di tingki masa penghancuran kota Jerusalem na pinatupa ni raja Nebukadnezar na mambahen mandele jala marsak bangso Israel. Disituasi na songoni ma marsuara panurirang Jeremia, laho mangapuli huhut mangalehon semangat tu bangso Israel asa unang mandele nasida, ala adong do Debata na mangondihon ngolu nasida. Dungi muse disuru Debata do panurirang Jeremia laho pasingothon angka panggomgomi, asa marhamubaon ni roha, asa manarihon parngoluon ni bangsona, marhite na mangaradoti uhum dohot hatigoran, paluahon angka na tarsamun sian tangan ni halak pangarupa, jala unang mangarupa manang mambahen gogo tu halak dagang, tu na tading dilampin dohot tu na mabalu, jala unang mandurushon mudar naso marpipot. Boasa jumolo dipasahat Debata tu angka panggomgomi? Tontu asa tangkas nasida padalanhon uhum dohot aturan ni parbangsoon. Asa nasida parjolo gabe tiruan tu bangso i jala tau maminsang bangso i molo diulahon naso uhum dohot namaralo tu hasintongan.

Marhite ayat 1-2 boi idaon ta sipaingot dohot lumbalumba ni Debata tu raja Jehuda dohot tu saluhut angka naposoNa nang pinomparna. Boasa didok lumbalumba? Ala memang tung mansai tarrimas do Debata marnida pangalaho nasida na sai jotjot manimbil sian aturan dohot hatigoran ni Debata. Angka dia ma i? Dipasiat siat angka parhuaso do halak nasopot so marama so marina, di papeolpeol uhum hombar tu kepentingan ni angka penguasa, jala sai dipasomal nasida dope patupahon panombaon tu debata sileban. Suang songoni do nang angka pangalaho na pinatuduhon ni angka panurirang pargapgap. Sasintong na nian angka panurirang i ma na mangondihon angka bangso na tertindas i, alai baliksa gabe parsidohot nasida marpangalaho na ramun marhite “pangalangkupon” nasida. Ai gok angka pangalangkup do tano i, gabe hasang tano i binahen ni sapata, marpirang angka parjampalan dihalongonan, ala na roa do pangalaho nasida, jala gogo nasida dang turut (Jeremia 23:10). Alai ndada apala saluhut panurirang siulahon angka sisongoni, terbukti doi marhite panjouhon ni Debata tu panurirang Jeremia laho pabotohon angka uhum na tu bangso Israel asa marhamubaon, asa mulak muse mangaradoti hatigoran ni Debata. Nionjar holong ni roha ni Debata, jumolo do hata singot singot di palumbahon Debata tu bangso na, dungi pe asa di dabu uhum na maradophon nasida. Songon natarsurat di Hesekiel 33:11 “songon sintong na mangolu Ahu nina Tuhan Jahowa, tung na so lomo do roha ku mida hamatean ni halak parjahat i, so ingkon mida hamumulak ni parjahat i tumadingkon dalan na nian, asa mangolu ibana”. Jala molo mulak angka bangso i naung pinalumbahon ni Jahowa sian hajahatonna, gabe marpangulahi ma roha ni Jahowa taringot tu hamagoan naung sinangkapan na bahenon na tu nasida (Jeremia 18:8).

Mangaradoti uhum dohot hatigoran manang molo di hata Indonesia “keadilan dan kebenaran’, tung mansai bagas do lapatan ni pandohan on, mangaradoti uhum dohot hatigoran ala i do nahinalomohon ni Debata. Uhum dohot hasintongan i ro sian Debata sandiri jala dipasahat tu bangso na naeng ulahonon na. Marhite si Musa nunga adong angka uhum, patik na naeng ulahonon nasida tamba ni angka aturan na binahen ni angka malim dohot raja. Asa uhum na nidok na mangaradoti patik ni Debata naung pinasahat tu nasida. Angka dia ma i? Molo diturpuk on siulahon nasida songon dalan mangulahon uhum dohot hatigoran ni Debata, na parjolo: paluahon na tarsamun sian tangan ni halak pangarupa ( melepaskan orang yang dirampas hak nya dari tangan pemeras), na paduahon: paluahon dirina unang gabe pangarupa tu halak dagang, tu na tading maetek dilampin dohot na mabalu ( jangan menindas dan memperlakukan orang asing, janda dan yatim piatu dengan keras), na patoluhon: unang mandurushon mudar ni naso marpipot (jangan menumpahkan darah orang yang tidak bersalah).

Saleleng mangolu dope hita di portibi on, dilehon Debata do tu hita kebebasan laho merespon hata hangoluan na pinasahat ni Debata tu hita ganup, suang songon i nang tu bangsoNa na gabe hasahatan lumbalumba ni Debata na pinasahatNa marhite panurirang Jeremia di turpuk on. Hamubaon ni roha (pertobatan), I DO NA NI IGIL NI Debata sian raja Juda, asa unang sanga hona uhum bangso i. Dipasahat panurirang Jeremia do dua pilihan tu raja Juda tingki i: mangulahon lomo ni roha ni Debata asa gabe lam tarpasupasu nasida manang manoishon hata ni Debata asa hona uhum nasida gabe hanagoan ma jambar nasida (ay. 5). Asa gabe sada sirimangan di hita nuaeng, sandok marhite hata ni Debata dipaingot do hita tongtong. I do umbahan adong pandoha ni halak Batak na somal tabege: tinallik bulung sihupi, pinarsaong bulung sihala, unang sumolsol dipudi, ndada sipasingot na soada. Marlapatan do pandohan on tu hinaarga ni sipasingot manang poda, i ma marhite lumbalumba tu angka jolma asa ditangihon angka sipaingot i. Isara ni sipasingot ni natoras tu ianakhonna; sipasingot ni guru tu angka na niajaranna dohot lan angka na asing.

Holong ni Debata tu bangso Juda diturpuk on, laos songoni do holong ni roha ni Debata tu hita dibagasan partingkian on. satia do Debata dipadan naung nidok na sian mulana. Jala hinorhon ni holong na do umbahen mangolu hita rasi rasa nuaeng. Jala dang lomo roha ni Debata nanggo sada sian hita mago. Alai boha do asa mangolu hita tongtong. Dibagasan holong ni roha ni Debata na songon i dijouhon do nang tu hita asa hita pe siradoti uhum dohot hasintongan di portibion. Joujou mangaradoti uhum dohot hasintongan, i do na naeng ulahononta di ngolu on. Asa unang leas rohanta tu angka na pogos, na sopot so marama so marina, na mabalu dohot angka na gale, gariada siurupan do nasida. Laos i do siulahonon ni halak na porsea di partingkian sinuaeng on. Taingot ma na nidok ni Tuhan Jesus di Mateus 5: 7 “Martua ma na asi roha ai siasian do nasida.” Alani ingkon andul dumenggan do parpunguan ni halak Kristen sian angka na asing humaliang na. Ala tangkas do hita mardalan di angka uhum dohot hasintongan na pinasahat ni Debata tu hita. Tarjou do hita sipatupa uhum dohot hasintongan  manang didia pe hita maringanan. Unang ma gabe sarombang hita dohot portibi on, songon na nidok ni apostel Paulus di Rom 12: 2. Alai naeng ma marlapatan hadirionta tu ganup halak, marhite na patupa angka uhum dohot hasintongan.