Khotbah Markus 8: 31-38 Berhikmat Dalam Yesus

 Minggu 15 Set. Trinitatis; 12 September 2021

8:31 Kemudian mulailah Yesus mengajarkan kepada mereka, bahwa Anak Manusia harus menanggung banyak penderitaan dan ditolak oleh tua-tua, imam-imam kepala dan ahli-ahli Taurat, lalu dibunuh dan bangkit sesudah tiga hari.

8:32 Hal ini dikatakan-Nya dengan terus terang. Tetapi Petrus menarik Yesus ke samping dan menegor Dia.

8:33 Maka berpalinglah Yesus dan sambil memandang murid-murid-Nya Ia memarahi Petrus, kata-Nya: "Enyahlah Iblis, sebab engkau bukan memikirkan apa yang dipikirkan Allah, melainkan apa yang dipikirkan manusia."

8:34 Lalu Yesus memanggil orang banyak dan murid-murid-Nya dan berkata kepada mereka: "Setiap orang yang mau mengikut Aku, ia harus menyangkal dirinya, memikul salibnya dan mengikut Aku.

8:35 Karena siapa yang mau menyelamatkan nyawanya, ia akan kehilangan nyawanya; tetapi barangsiapa kehilangan nyawanya karena Aku dan karena Injil, ia akan menyelamatkannya.

8:36 Apa gunanya seorang memperoleh seluruh dunia, tetapi ia kehilangan nyawanya.

8:37 Karena apakah yang dapat diberikannya sebagai ganti nyawanya?

8:38 Sebab barangsiapa malu karena Aku dan karena perkataan-Ku di tengah-tengah angkatan yang tidak setia dan berdosa ini, Anak Manusia pun akan malu karena orang itu apabila Ia datang kelak dalam kemuliaan Bapa-Nya, diiringi malaikat-malaikat kudus."

Molo tapamanat do perkembangan zaman digital sinuaeng on, nunga tung godang referensi ni angka ruas ni huria laho mangalului angka jamita laho si pamananathononna di bagasan ngoluna. Sian angka parjamita i dohot jamita na nijamitahonna, adong deba sian parengkelan (laak) dipasahat, na debanari sian ondolan ni tafsiran namambahen tung mansai “serius” jamita i dipasahat. Sian on botoonta namarragam do tahe angka faktor pendukung laho pasahathon angka jamita i tu angka ruas ni huria i. Bahkan ruasni huria i pe marragam do tong, sian pola pikirna, latar belakang ni parngoluonna, dohot angka pergumulan ni ngolu nanialamanna be laho manjanghon angka jamita i. Di angka jamita dohot angka parjamita namarragam i, porlu situtu do tahe pangantusion ni ruas i laho manghangoluhon jamita i di bagasan ngoluna. Dibahen i, ndang holan sebatas tabo begeon jamita i, manang ndang alani parjamita favoritta. Bahkan ndang holan sebatas cocok manang so cocok jamita i hombar tu parungkilonna, alai songon dia ma jamita i boi hona tu parngoluon ni hita jolma marhite angka alusta. Alusni hita angka naporsea do na gabe ondolan ni hita laho mangalapati jamita i.

Sian turpuk on, boi idaonta asing do pangjanghonon nasida di pangajarion na pinasahat ni Jesus, somalna gabe longang manang tarlhalomong do roha ni natorop suang songon i nang angka sisean na sampulu dua i. Tangkas do didok di ayat 31 turpuk on: “Jadi dipungka ma mangajari nasida” jala patar do diajarhon Jesus tu nasida taringot tu sitaonon bolon na ingkon masa tu Ibana: “ingkon dibolongkon jala dipusa do Ibana jala mulak mangolu di ari patoluhon”. Ndang tarjalo roha nasida pangajarion i gabe disolsoli jala dipinsang ma Jesus. Boasa ndang tarjalo rohana? Ala maol siat tu rohana dohot pingkiranna. Pangajarion taringot tu haporsuhon i gabe mangharhari jala mangarumari panghirimon nasida taringot tu hadirion ni Jesus. Asa lam marbisuk angka sisean i, huhut asa lam toras haporseaon nasida maradophon diriNa, parungkilon ni Jesus, na gabe hailaon manang haleaon di angka natorop na so mananda Debata, ingkon do situhukon ni nasida. Dibahen i, songon na nidok Tuhan Jesus, “Nasa na giot mangihuthon Ahu, disoadahon ma dirina, dituhuk ma silang na tu ibana i, diihuthon ma Ahu.” On ma bisuk na pinaandarni Tuhan Jesus tu angka siseanNai. Ima roha na olo mansoadahon diri. Tarhatongtong do roha ni si Simon Petrus dohot angka siseani dung ditangihon nasida hatani  Tuhan Jesus di ayat 38 i, “Asa molo adong na maila ala ni Ahu manang ala ni hatangki pe maradophon bangso pangalangkup jala pardosa on, laos maila do Anak ni jolma i sogot mangkatindangkon i, di na ro Ibana di bagasan hasangapon ni Amana rap dohot surusuruan angka na badia i.” Molo pe sanga dipingkiri si Simon Petrus dohot angka sisean i taringot tu perebutan kekuasaan, jala ila rohana molo gabe lipe pangantusionna sian nanihaporseaonna i, nunga  dipajongjong jala dipauli Tuhan Jesus be ojahan ni haporseaonnai laho tumananda Tuhan Jesus dohot maksudni parungkilonna i. marhite pinsnagpinsang na koras i laso ditogutogu jala diajari Jesus do si Petrus dohot angka na disi, asa lambagasa jala dimpos diantusi nasida hadirion dohot ulaon ni Jesus. Ndang songon na dipingkiri jolma natorop jala andul do i sian roha nasida. Tutu ndang mura mangantusi jala manjalosa, alani do asa diajari dohot ditogutogu angka na torop i mangantusi pingkiran dohot sangkap ni Debata jala laos marhite i asa boi nasida jongjong gabe sisean haposan, na marsitutu mangihuthon Jesus.

Sada pangantusion sian angka teolog mangalapati hata bisuk ima ngolu na hombar tu pandohan ni Debata. Lapatanna, mangolu di bagasan dalan dohot gomgoman ni Debata. Asa dungi, turpuk ni jamita on, patuduhon tu angka siseani, ia mangolu pe nasida, dang lingkang nasida sian dalan dohot gomgoman ni Debata. Debata sambing do namargogoihon nasida laho mansoadahon dirina dohot namanuhuk silang i. Ndang alani gogo dohot pangantusionni nasida. Jala dinamanguduti panghobasion i pe nasida, holan Tuhan Jesus dohot hata ni Debata do nagabe haposan di bagasan ngoluna. Asa molo mate pe nasida, mate di bagasan Tuhan i do. Ai gabe haotoon bolon do di nasida, molo mate nasida alai ndang mate di bagasan Tuhan i. Marisuang ma ngoluni nasida. Dibahen i, marbisuk di bagasan Tuhan Jesus, ima ngolu na olo mansoadahon ngoluna jala na olo manuhuk silang i. On ma ngoluni halak Kristen, angka siihuthon Tuhan Jesus. Mansoadahon diri i ma sada ulaon na mansai borat jala jotjot maralo tu hadirionta dohot rohanta. Maol do gabe sitalutalu alai tabo jala las roha molo monang jala sai monang. Alai marhite pangajarion on laos dipangidohon do tu angka siihuthon Jesus asa olo manaluhon diri, ndang patujolo diri alai patujolo dongan tarlumobi patujolo Tuhan i ma nian.

Songon angka ruas ni huria si nuaeng on, gok do hita mandok dirinta halak naporsea. Sarupa ma hita dohot si Simon Petrus. Tadok do di dirinta, “Tuhan Jesus, sipalua au”. Alai sipata ndang tarjalo hita molo ro pangunjunan di bagasan ngolunta. Jotjot hita maralo tu Debata, sipata ndang saurdot haporseaonta i dohot partinandaanta tu Debata. Dibahen i, olo pe hita tumangihon hatani Debata sian angka Parjamita i, alai olo ndang lingkang hita sian angka penilaian na subjektif tumangihon hatai, dungi ndang maralus jamita i di bagasan ngolunta. Unang ma holan laho mangoloi hagiot ni sipareon manang daging hita tumangihon Jamita i. Sai naeng hita auhon jamita i di bagasan ngolunta, hape ndang olo marparbue, ai so olo hita diproses songon angka sisean i. Tung pe hita angka pande manang angka na marpangkat, alai sonari on di adopan ni Debata tung ise ma hita. Marsiajar sian maksud ni Tuhan Jesus, mamillit angka siseani, songoni do nang nuaeng Tuhan Jesus mamillit hita gabe siseanNa. Ai targoar do hita saluhut di ganup bangso gabe siihuthon Kristus. Asa molo tatangihon pe jamita i, ndang asa lomoni rohanta na saut, gabe tubu angka penilaian di hita laho menilai angka jamita. Alai secara objektif, ingkon do maralus jamita i marhite parangenta na songon parange ni Kristus. Boha ma i? Ima na mansoadahon diri jala namanuhuk silang i. Ndang tu aha hita sai mangido pasupasu hape ngolunta pe ndang gabe pasupasu. Ndang tu aha hita mangido haluaon, hape hita mamusa dongan. Sada persoalan di hita halak Kristen sinuaeng on, jotjotan do naeng hita mangatur Debata marhite angka tangiangta. Hape lupa hita mardalan di dalan ni Debata. Dungi angka cara tabahen laho mangoloi angka hagiot ni daging. taingotma, gok do angka parsorion na masa na gabe silang di ngolunta angka halak Kristen, boi marhite lasni roha dohot habot ni roha, alai boha ma hita marbisuk di bagasan Tuhan Jesus laho mangadopi i? Ingkon mardomu ma nian haporseaonta i dohot pangantusionta i mananda Tuhan Jesus asa dungi mangolu manang mate pe hita dinamamorsan silang i, tongtong ma di bagasan Debata. Ndang tarpasoada hita, maol do mangihuthon Jesus, alai ndang na so tarulahon hita. Tasoadahon ma dirinta, asa Jesus manggohionsa. Tatuhuk ma silang i, ai Debata do namargogoihonsa.